കല്ലാറില്‍ മിനി ൈവദ്യുതിഭവൻ നിര്‍മാണം അവസാനഘട്ടത്തിലേക്ക്

നെ​ടു​ങ്ക​ണ്ടം: ക​ല്ലാ​റി​ല്‍ കെ.​എ​സ്.​ഇ.​ബി​യു​ടെ മി​നി ൈവ​ദ്യു​തി ഭ​വ​ൻ നി​ര്‍മാ​ണം അ​വ​സാ​ന ഘ​ട്ട​ത്തി​ലേ​ക്ക്. 2.20 കോ​ടി രൂ​പ മു​ട​ക്കി നി​ര്‍മി​ക്കു​ന്ന വൈ​ദ്യു​തി ഭ​വ​ന്‍റെ വ​യ​റി​ങ്​ ജോ​ലി മാ​ത്ര​മാ​ണ് പൂ​ര്‍ത്തി​യാ​കാ​നു​ള്ള​ത്. നി​ര്‍മാ​ണം പൂ​ര്‍ത്തി​യാ​കു​ന്ന​തോ​ടെ നെ​ടു​ങ്ക​ണ്ട​ത്തും ക​ല്ലാ​റി​ലു​മാ​യി ചി​ത​റി​ക്കി​ട​ക്കു​ന്ന കെ.​എ​സ്.​ഇ.​ബി ഓ​ഫി​സു​ക​ളു​ടെ പ്ര​വ​ര്‍ത്ത​നം ഗു​ണ​ഭോ​ക്താ​ക്ക​ളു​ടെ സൗ​ക​ര്യാ​ര്‍ഥം ഒ​രു കു​ട​ക്കീ​ഴി​ലാ​കും.

ക​ല്ലാ​ര്‍ഡാ​മി​ന് സ​മീ​പ​ത്ത് വൈ​ദ്യു​തി വ​കു​പ്പി​ന്‍റെ സ്ഥ​ല​ത്താ​ണ് മൂ​ന്ന് നി​ല​ക​ളി​ലാ​യി 2625 ച​തു​ര​ശ്ര​യ​ടി വി​സ്തീ​ര്‍ണ​ത്തി​ൽ കെ​ട്ടി​ടം നി​ര്‍മി​ച്ചി​രി​ക്കു​ന്ന​ത്. താ​ഴെ നി​ല​യി​ല്‍ ഇ​ല​ക്ട്രി​ക്ക​ല്‍ സെ​ക്ഷ​ന്‍, സ​ബ് ഡി​വി​ഷ​ന്‍ ഓ​ഫി​സു​ക​ളും ഒ​ന്നാം നി​ല​യി​ല്‍ ട്രാ​ന്‍സ് മി​ഷ​ന്‍ ഓ​ഫി​സു​ക​ള്‍, സ​ബ് ഡി​വി​ഷ​ന്‍ ഓ​ഫി​സ് എ​ന്നി​വ​യും ര​ണ്ടാം​നി​ല​യി​ല്‍ ഗെ​സ്റ്റ് ഹൗ​സും കോ​ൺ​ഫ​റ​ന്‍സ് ഹാ​ള്‍ എ​ന്നി​വ​യു​മാ​ണ് പ്ര​വ​ര്‍ത്തി​ക്കു​ക.

പ​രി​മി​ത സൗ​ക​ര്യ​ത്തി​ല്‍ നെ​ടു​ങ്ക​ണ്ടം കാ​യി​ക സ്‌​റ്റേ​ഡി​യം ബി​ല്‍ഡി​ങ്ങി​ല്‍ പ്ര​വ​ര്‍ത്തി​ക്കു​ന്ന നെ​ടു​ങ്ക​ണ്ടം ഇ​ല​ക്ട്രി​ക്ക​ല്‍ സെ​ക്ഷ​ന്‍ ഓ​ഫി​സ്, അ​സി.​എ​ക്‌​സി​ക്യൂ​ട്ടി​വ് എ​ൻ​ജി​നീ​യ​ര്‍ ഓ​ഫി​സ്, ക​ല്ലാ​ര്‍ ചേ​മ്പ​ള​ത്ത് പ്ര​വ​ര്‍ത്തി​ക്കു​ന്ന ട്രാ​ന്‍സ്മി​ഷ​ന്‍ ഓ​ഫി​സ്, ക​ട്ട​പ്പ​ന​യി​ല്‍ പ്ര​വ​ര്‍ത്തി​ക്കു​ന്ന ട്രാ​ന്‍സ്മി​ഷ​ന്‍ സ​ബ്ഡി​വി​ഷ​ന്‍ ഓ​ഫി​സ് തു​ട​ങ്ങി​യ​വ​യാ​ണ് മി​നി ൈവ​ദ്യു​തി ഭ​വ​നി​ലേ​ക്ക് പ​റി​ച്ചു​ന​ടു​ക.