അപകടങ്ങളിൽ പരിക്കേറ്റവരെ ഉപേക്ഷിക്കപ്പെട്ട നിലയിൽ കിടത്തില്ല

നെ​ടു​ങ്ക​ണ്ടം: റോ​ഡ് അ​പ​ക​ട​ങ്ങ​ളി​ൽ പ​രി​ക്കേ​ൽ​ക്കു​ന്ന​വ​രെ യ​ഥാ​സ​മ​യം ആ​ശു​പ​ത്രി​യി​ലെ​ത്തി​ക്കു​ന്ന​തി​ന് ടീം ​ഫ​സ്റ്റ് എ​യ്ഡ് നെ​ടു​ങ്ക​ണ്ടം എ​ന്ന കൂ​ട്ടാ​യ്മ രൂ​പ​വ​ത്ക്ക​രി​ച്ചു. നെ​ടു​ങ്ക​ണ്ട​ത്ത് റോ​ഡ​പ​ക​ട​ങ്ങ​ളി​ല്‍ പ​രി​ക്കേ​ല്‍ക്കു​ന്ന​വ​രു​ടെ എ​ണ്ണം നാ​ൾ​ക്കു​നാ​ൾ വ​ർ​ധി​ക്കു​ക​യാ​ണ്. എ​ന്നാ​ൽ ഇ​വ​രെ യ​ഥാ​സ​മ​യം ആ​ശു​പ​ത്രി​യി​ലെ​ത്തി​ക്കാ​ന്‍ പ​ല​രും വി​മു​ഖ​ത കാ​ട്ടു​ക​യാ​ണ്.

അ​ടു​ത്തി​ടെ ബൈ​ക്ക​പ​ക​ട​ത്തി​ല്‍ പ​രി​ക്കേ​റ്റ യു​വാ​വ് 15 മി​നി​റ്റോ​ളം റോ​ഡി​ല്‍ കി​ട​ന്ന്​ മ​രി​ച്ചി​രു​ന്നു. സ​മാ​ന​മാ​യ പ​ല സം​ഭ​വ​ങ്ങ​ളും സ​മീ​പ​കാ​ല​ത്ത് ഉ​ണ്ടാ​യി​ട്ടു​ണ്ട്. ഇ​ത്ത​ര​ത്തി​ൽ പ​രി​ക്കേ​ല്‍ക്കു​ന്ന​വ​രെ​യും ടൗ​ണി​ലും പ​രി​സ​ര പ്ര​ദേ​ശ​ങ്ങ​ളി​ലും ശാ​രീ​രി​ക അ​സ്വ​സ്ഥ​ത​ക​ള്‍ പ്ര​ക​ടി​പ്പി​ക്കു​ന്ന​വ​രെ​യും യ​ഥാ​സ​മ​യം ആ​ശു​പ​ത്രി​ക​ളി​ല്‍ എ​ത്തി​ക്കു​ക​യാ​ണ് കൂ​ട്ടാ​യ്മ​യു​ടെ ല​ക്ഷ്യം.

ആ​ശു​പ​ത്രി​യി​ല്‍ എ​ത്തി​ക്കു​ന്ന​തി​നോ​ടൊ​പ്പം ഇ​വ​രു​ടെ വീ​ട്ടു​കാ​രെ വി​വ​രം അ​റി​യി​ക്കു​ക​യും അ​വ​ര്‍ എ​ത്തു​ന്ന​ത് വ​രെ ആ​വ​ശ്യ​മാ​യ സ​ഹാ​യ​ങ്ങ​ള്‍ ക്ര​മീ​ക​രി​ക്കു​ക​യും ചെ​യ്യും. വി​വി​ധ രാ​ഷ്ട്രീ​യ പാ​ര്‍ട്ടി​ക​ളി​ല്‍ ഉ​ള്ള​വ​ര്‍, വ്യാ​പാ​രി പ്ര​തി​നി​ധി​ക​ള്‍, ഓ​ട്ടോ​ഡ്രൈ​വ​ർ​മാ​ർ, ചു​മ​ട്ടു​തൊ​ഴി​ലാ​ളി പ്ര​തി​നി​ധി​ക​ള്‍, സ​ന്ന​ദ്ധ സം​ഘ​ട​ന പ്ര​തി​നി​ധി​ക​ള്‍ തു​ട​ങ്ങി​യ​വ​ര്‍ ഉ​ള്‍പ്പെ​ടു​ന്ന 25 അം​ഗ ക​മ്മ​റ്റി​യാ​ണ് രൂ​പ​വ​ത്ക​രി​ച്ച​ത്. നെ​ടു​ങ്ക​ണ്ടം പ​ഞ്ചാ​യ​ത്ത് പ്ര​സി​ഡ​ന്‍റ്, വൈ​സ് പ്ര​സി​ഡ​ന്‍റ്​ എ​ന്നി​വ​ര്‍ സ്ഥി​രം ര​ക്ഷാ​ധി​കാ​രി​ക​ളും മ​ര്‍ച്ച​ന്‍റ്​​സ്​ അ​സോ​സി​യേ​ഷ​ന്‍ ജ​ന.​സെ​ക്ര​ട്ട​റി ജെ​യിം​സ് മാ​ത്യു ര​ക്ഷാ​ധി​കാ​രി​യു​മാ​ണ്.

പൊ​തു​ജ​ന​ങ്ങ​ളു​ടെ സൗ​ക​ര്യാ​ർ​ഥം ടീം ​ഫ​സ്റ്റ് എ​യ്ഡ് അം​ഗ​ങ്ങ​ളു​ടെ ഫോ​ണ്‍ ന​മ്പ​രു​ക​ള്‍ വ്യാ​പാ​ര സ്ഥാ​പ​ന​ങ്ങ​ളി​ലും പൊ​തു​സ്ഥ​ല​ങ്ങ​ളി​ലും പ്ര​ദ​ര്‍ശി​പ്പി​ക്കു​മെ​ന്ന് സം​ഘ​ട​ന പ്ര​സി​ഡ​ന്റ് സോ​ജ​ന്‍ ജോ​സ്, സെ​ക്ര​ട്ട​റി അ​നി​ല്‍ ക​ട്ടൂ​പ്പാ​റ, ജെ​യിം​സ് മാ​ത്യു, ഷി​ജു ഉ​ള്ളു​രു​പ്പി​ല്‍, സ​ന്തോ​ഷ്, അ​മീ​ന്‍, ജോ​ബി എ​ന്നി​വ​ര്‍ പ​റ​ഞ്ഞു.