രാത്രി പാലത്തിൻെറ ഭിത്തിയിൽ കിടന്നുറങ്ങി, രാവിലെ വെള്ളം ഉയർന്നതോടെ വയോധികൻ കുടുങ്ങി

ഇടുക്കി: പാലത്തിൻെറ ഭിത്തിയിൽ കിടന്നുറങ്ങി കുടുങ്ങിയ വയോധികനെ അഗ്നിരക്ഷാ സേന രക്ഷപ്പെടുത്തി. കുഞ്ചിത്തണ്ണിയിലാണ് സംഭവം. ബൈസൺവാലി സ്വദേശി മണ്ണുപുരയിടത്തിൽ ബേബിച്ചനെയാണ് രക്ഷപ്പെടുത്തിയത്.

രാത്രിയാണ് ഇദ്ദേഹം പാലത്തിൻെറ ഭിത്തിയിൽ കിടന്നുറങ്ങിയത്. രാവിലെ ആയപ്പോഴേക്കും വെള്ളം കൂടുകയും പാലത്തിനടിയിൽ കുടുങ്ങുകയുമായിരുന്നു. രാവിലെ ഏഴോടെ നാട്ടുകാർ ഇദ്ദേഹത്തെ കണ്ടെത്തി.

അടിമാലി, മൂന്നാർ അഗ്നിരക്ഷാ സേന സ്ഥലത്തെത്തി വല ഉപയോഗിച്ചാണ് രക്ഷാപ്രവർത്തനം നടത്തിയത്. വയോധികൻെറ ആരോഗ്യ നിലയിൽ പ്രശ്നമില്ല.

Latest Video: