ചിന്നാർ ശ്രീഭീമങ്കൽ ദേവി ക്ഷേത്രത്തിലെ കാണിക്കവഞ്ചി തുറന്ന് മോഷണം; കള്ളൻ പിടിയിൽ

പീരുമേട്: ഏലപ്പാറ ചിന്നാർ ശ്രീഭീമങ്കൽ ദേവി ക്ഷേത്രത്തിലെ കാണിക്കവഞ്ചി കുത്തിത്തുറന്ന് മോഷണം നടത്തിയ പ്രതിയെ അറസ്​റ്റ്​ ചെയ്തു. മുണ്ടക്കയം വരിക്കയാനി പുതുപറമ്പിൽ അജീഷാണ്​ (45) അറസ്​റ്റിലായത്.

ശനിയാഴ്ച രാത്രിയാണ് കാണിക്കവഞ്ചി കുത്തിത്തുറന്ന് പണവും മണിമണ്ഡപത്തിലെ ഓട്ടുവിളക്കും പിച്ചള പാത്രങ്ങളും തട്ടങ്ങളും മോഷ്​ടിച്ചത്. മോഷണവിവരം ലഭിച്ചതിനെ തുടർന്ന് ചിന്നാർ ഭാഗത്ത് പൊലീസ്​ തിരച്ചിൽ നടത്തുന്നതിനിടെയാണ്​ അപരിചിതനായ യുവാവിനെ പ്ലാസ്​റ്റിക് ചാക്കുമായി കാണുകയും പരിശോധനയിൽ മോഷണവസ്തുക്കൾ കണ്ടെത്തുകയും ചെയ്​തത്​.

എസ്.ഐ രതീഷ് ഗോപിയുടെ നേതൃത്വത്തിലാണ്​ അറസ്​റ്റ്​ ചെയ്തത്.