നാശംവിതച്ച് കാട്ടാനക്കൂട്ടം

പീ​രു​മേ​ട്: ചൊ​വ്വാ​ഴ്ച്ച രാ​ത്രി വ്യാ​പ​ക​നാ​ശം വി​ത​ച്ച് കാ​ട്ടാ​ന​ക​ൾ. പീ​രു​മേ​ട് തോ​ട്ടാ​പ്പു​ര, കു​ട്ടി​ക്കാ​നം, ക​ല്ലാ​ർ എ​ന്നി​വി​ട​ങ്ങ​ളി​ൽ ഒ​മ്പ​ത്​ ആ​ന​ക​ളാ​ണ് പ്ര​ദേ​ശ​വാ​സി​ക​ളു​ടെ ഉ​റ​ക്കം കെ​ടു​ത്തി നാ​ശം വി​ത​ച്ച​ത്. കു​ട്ടി​ക്കാ​നം ഉ​ണ്ണി​ക്കു​ഴി​യി​ൽ സു​നി​ലി​ന്‍റെ വീ​ട്ടു​മു​റ്റ​ത്തെ​ത്തി​യ ആ​ന​ക​ൾ വാ​ഴ, തെ​ങ്ങ്, മ​റ്റ്​ കൃ​ഷി​ക​ൾ എ​ന്നി​വ ന​ശി​പ്പി​ച്ചു. കോ​ഴി​ക്കൂ​ട്, പ​ട്ടി​ക്കൂ​ട്, കു​ടി​വെ​ള്ള ടാ​ങ്ക് എ​ന്നി​വ ന​ശി​പ്പി​ച്ചു. മു​റ്റ​ത്തി​ന്‍റെ സം​ര​ക്ഷ​ണ​ഭി​ത്തി​യും പു​ര​യി​ട​ത്തി​ലെ ക​യ്യാ​ല​ക​ളും ച​വി​ട്ടി ന​ശി​പ്പി​ച്ചു. ആ​ന​ക​ൾ മു​റ്റ​ത്ത് ത​മ്പ​ടി​ച്ച​തോ​ടെ സു​നി​ലും വ്യ​ദ്ധ​യാ​യ മാ​താ​വും വീ​ടു​വി​ട്ടി​റ​ങ്ങി അ​ടു​ത്ത വീ​ട്ടി​ൽ അ​ഭ​യം പ്രാ​പി​ച്ചു.

തോ​ട്ടാ​പ്പു​ര​യി​ൽ രാ​ത്രി എ​ട്ടു​ മ​ണി​യോ​ടെ എ​ത്തി​യ ആ​ന​ക്കൂ​ട്ടം വ്യാ​പ​ക​മാ​യി ക്യ​ഷി​ക​ൾ ന​ശി​പ്പി​ച്ചു. വ​നം​വ​കു​പ്പ് അ​ധി​കൃ​ത​രും പ്ര​ദേ​ശ​വാ​സി​ക​ളും ചേ​ർ​ന്ന്​ തു​ര​ത്തി​യെ​ങ്കി​ലും ആ​ന​ക​ൾ സ​മീ​പ​ത്തെ കാ​ടു​ക​ളി​ൽ മ​റ​ഞ്ഞു​നി​ന്നു. അ​തേ​സ​മ​യം, പാ​മ്പ​നാ​ർ ക​ല്ലാ​റി​ലെ ജ​ന​വാ​സ മേ​ഖ​ല​യി​ലും ആ​ന​ക​ളി​റ​ങ്ങി കൃ​ഷി ഭൂ​മി​യി​ൽ നാ​ശം വി​ത​ച്ചു. മൂ​ന്ന് ആ​ന​ക​ൾ വീ​ത​മു​ള്ള മൂ​ന്ന് സം​ഘ​ങ്ങ​ളാ​ണ് കൃ​ഷി​ഭൂ​മി​യി​ൽ നി​ര​ന്ത​രം എ​ത്തു​ന്ന​ത്. ഇ​തു​കൂ​ടാ​തെ ഒ​രു ഒ​റ്റ​യാ​നും പ്ലാ​ക്ക​ത്ത​ടം കോ​ള​നി, തോ​ട്ടാ​പ്പു​ര മേ​ഖ​ല​യി​ൽ എ​ത്തു​ന്നു.