ഹൈറേഞ്ചിലും ചൂട് കൂടുന്നു; ശ​രാ​ശ​രി താ​പ​നി​ല 35 ഡി​ഗ്രി

അ​ടി​മാ​ലി: പൊ​ള്ളു​ന്ന ചൂ​ടി​ൽ ഹൈ​റേ​ഞ്ചും വേ​കു​ന്നു. തു​ട​ർ​ച്ച​യാ​യ ദി​വ​സ​ങ്ങ​ളി​ൽ താ​പ​നി​ല 35 ഡി​ഗ്രി​ക്ക് മു​ക​ളി​ലാ​ണ്. മേ​ഖ​ല​യി​ൽ അ​ടു​ത്ത കാ​ല​ത്തൊ​ന്നും ഇ​ത്ര​യും ക​ടു​ത്ത ചൂ​ട് അ​നു​ഭ​വ​പ്പെ​ട്ടി​ട്ടി​ല്ല. ത​ണു​പ്പ് കൂ​ടു​ത​ലു​ള്ള മൂ​ന്നാ​ർ അ​ട​ക്കം പ്ര​ദേ​ശ​ങ്ങ​ളി​ലും ചൂ​ട് കൂ​ടു​ക​യാ​ണ്. ക​ട്ട​പ്പ​ന 33 ഡി​ഗ്രി സെ​ൽ​ഷ്യ​സ്, മൂ​ന്നാ​ർ 28, മ​റ​യൂ​ർ 25, ഇ​ടു​ക്കി 34 എ​ന്നി​ങ്ങ​നെ​യാ​ണ്​ ചൊ​വ്വാ​ഴ്ച പ​ക​ൽ വി​വി​ധ സ്ഥ​ല​ങ്ങ​ളി​ലെ ഉ​യ​ർ​ന്ന താ​പ​നി​ല.

ചൂ​ട് താ​ങ്ങാ​നാ​കാ​ത്ത​തി​നാ​ൽ പ​ക​ൽ ടൗ​ണു​ക​ളി​ലും പൊ​തു​സ്ഥ​ല​ങ്ങ​ളി​ലു​മെ​ല്ലാം ആ​ളു​ക​ൾ കു​റ​വാ​ണ്. പെ​രു​ന്നാ​ൾ ആ​ഘോ​ഷ​ത്തി​നു​ള്ള ഒ​രു​ക്ക​മാ​യ​തി​നാ​ൽ തി​ര​ക്കു​ണ്ടാ​വേ​ണ്ട സ​മ​യ​മാ​ണി​ത്. ചൂ​ട് കൂ​ടു​ന്ന​തി​നു മു​മ്പ്​ രാ​വി​ലെ​യും പി​ന്നെ വൈ​കീ​ട്ടു​മാ​ണ് ആ​ളു​ക​ൾ കൂ​ടു​ത​ലാ​യി പു​റ​ത്തി​റ​ങ്ങു​ന്ന​ത്. മൂ​ന്നാ​റി​ൽ രാ​ത്രി താ​പ​നി​ല 15ൽ ​താ​ഴെ​യാ​ണെ​ന്ന​ത്​ സ​ഞ്ചാ​രി​ക​ൾ​ക്ക്​ ആ​ശ്വാ​സ​മാ​ണ്.

ചൂ​ടി​ൽ വാ​ടി ക്ഷീ​ര​മേ​ഖ​ല​യും

അ​ടി​മാ​ലി: ക​ടു​ത്ത ചൂ​ട് ക്ഷീ​ര​മേ​ഖ​ല​യെ സാ​ര​മാ​യി ബാ​ധി​ച്ചു. താ​പ​നി​ല മു​ൻ വ​ർ​ഷ​ങ്ങ​ളി​ലൊ​ന്നു​മി​ല്ലാ​ത്ത വി​ധം ഉ​യ​ർ​ന്ന​തോ​ടെ പാ​ൽ ഉ​ൽ​പാ​ദ​നം കു​റ​യു​ക​യാ​ണ്.

അ​ന്ത​രീ​ക്ഷ ഊ​ഷ്മാ​വ് പ്ര​തി​രോ​ധി​ക്കാ​ൻ ക​ന്നു​കാ​ലി​ക​ൾ​ക്ക് സാ​ധി​ക്കാ​ത്ത​താ​ണ് പാ​ലി​ന്‍റെ അ​ള​വ് കു​റ​യാ​ൻ കാ​ര​ണം. പാ​ലി​ന്‍റെ കു​റ​വ് ക്ഷീ​ര​ക​ർ​ഷ​ക​രു​ടെ വ​രു​മാ​ന​ത്തെ​യും ബാ​ധി​ച്ചു. ക​ഴി​ഞ്ഞ വ​ർ​ഷം ശ​രാ​ശ​രി 30 ഡി​ഗ്രി വ​രെ​യാ​യി​രു​ന്നു പ​ര​മാ​വ​ധി താ​പ​നി​ല രേ​ഖ​പ്പെ​ടു​ത്തി​യി​രു​ന്ന​ത്. ഇ​ത്ത​വ​ണ ശ​രാ​ശ​രി 35 ഡി​ഗ്രി​യാ​ണെ​ന്നാ​ണ് ക​ണ​ക്കാ​ക്കു​ന്ന​ത്. താ​പ​നി​ല ര​ണ്ട്​ ഡി​ഗ്രി സെ​ൽ​ഷ്യ​സ് ഉ​യ​ർ​ന്നാ​ൽ ത​ന്നെ പാ​ൽ ഉ​ൽ​പാ​ദ​ന​ത്തി​ൽ 10 ശ​ത​മാ​നം വ​രെ കു​റ​വു​ണ്ടാ​കും.

രാ​വി​ലെ​യും വൈ​കീ​ട്ടും പ​ശു​ക്ക​ളി​ൽ​നി​ന്ന്​ പാ​ൽ ശേ​ഖ​രി​ക്കു​മ്പോ​ൾ 10 മു​ത​ൽ 20 ശ​ത​മാ​നം വ​രെ അ​ള​വി​ൽ കു​റ​വു​ണ്ടാ​കു​ന്നു​വെ​ന്ന് ക്ഷീ​ര​ക​ർ​ഷ​ക​ർ പ​റ​യു​ന്നു. സം​സ്ഥാ​ന​ത്ത് പാ​ൽ ഉ​ൽ​പാ​ദ​ന​ത്തി​ൽ മു​ന്നി​ലു​ള്ള ജി​ല്ല​യി​ൽ ഉ​ൽ​പാ​ദ​നം 15 ശ​ത​മാ​ന​ത്തി​ലേ​റെ കു​റ​ഞ്ഞി​ട്ടു​ണ്ട്.