സഞ്ചാരികളുടെ ഒഴുക്ക്​; തിരക്കിലമർന്ന് തേക്കടി

കു​മ​ളി: ന​നു​ത്ത കാ​റ്റും മ​ഴ​യും കോ​ട​മ​ഞ്ഞും നി​റ​ഞ്ഞ അ​ന്ത​രീ​ക്ഷ​ത്തി​ൽ പു​തു​വ​ർ​ഷ​ത്തെ വ​ര​വേ​ൽ​ക്കാ​ൻ തേ​ക്ക​ടി​യി​ലേ​ക്ക് വി​നോ​ദ സ​ഞ്ചാ​രി​ക​ളു​ടെ ഒ​ഴു​ക്ക്.

ക്രി​സ്മ​സ്​ അ​വ​ധി ദി​ന​ത്തി​നു മു​മ്പ് ആ​രം​ഭി​ച്ച സ​ഞ്ചാ​രി​ക​ളു​ടെ തി​ര​ക്ക് തേ​ക്ക​ടി​യി​ൽ തു​ട​രു​ക​യാ​ണ്. തേ​ക്ക​ടി, കു​മ​ളി മേ​ഖ​ല​ക​ളി​ലെ ഹോ​ട്ട​ലു​ക​ൾ, റി​സോ​ർ​ട്ടു​ക​ൾ, ഹോം ​സ്റ്റേ​ക​ൾ എ​ന്നി​വി​ട​ങ്ങ​ളി​ലെ​ല്ലാം വി​നോ​ദ സ​ഞ്ചാ​രി​ക​ളു​ടെ വ​ലി​യ തി​ര​ക്കാ​ണ് അ​നു​ഭ​വ​പ്പെ​ടു​ന്ന​ത്.

തേ​ക്ക​ടി ത​ടാ​ക​ത്തി​ലെ ബോ​ട്ട് സ​വാ​രി ആ​സ്വ​ദി​ച്ചാ​ണ് സ​ഞ്ചാ​രി​ക​ളു​ടെ മ​ട​ക്കം. കു​ടും​ബ​ങ്ങ​ളു​മാ​യി എ​ത്തു​ന്ന സ​ഞ്ചാ​രി​ക​ൾ​ക്ക്, സ്വ​ന്ത​മാ​യി വാ​ട​ക​ക്ക്​ എ​ടു​ക്കാ​ൻ ക​ഴി​യും​വി​ധം ര​ണ്ട് ചെ​റി​യ ബോ​ട്ടു​ക​ൾ ത​ടാ​ക​ത്തി​ൽ സ​ർ​വീ​സ് ന​ട​ത്തു​ന്ന​ത് സീ​സ​ണി​ലെ തി​ര​ക്കി​ൽ സ​ഞ്ചാ​രി​ക​ൾ​ക്ക് ഏ​റെ ആ​ശ്വാ​സ​മാ​കു​ന്നു​ണ്ട്.

വ​നം വ​കു​പ്പി​ന്‍റെ ര​ണ്ട് ചെ​റി​യ ബോ​ട്ടു​ക​ളി​ലാ​യി 36 പേ​ർ​ക്ക് ത​ടാ​ക​ത്തി​ൽ യാ​ത്ര ചെ​യ്യാം.തേ​ക്ക​ടി​യി​ലെ​ത്തി​യ സ​ഞ്ചാ​രി​ക​ൾ പെ​രി​യാ​ർ ക​ടു​വ സ​ങ്കേ​ത​ത്തി​ന്‍റെ ഭാ​ഗ​മാ​യ സ​ത്രം, ഗ​വി എ​ന്നി​വി​ട​ങ്ങ​ളും സ​ന്ദ​ർ​ശി​ക്കു​ന്നു​ണ്ട്. മ​ല​യാ​ളി​ക​ൾ, ത​മി​ഴ്നാ​ട് അ​തി​ർ​ത്തി​യി​ലെ മു​ന്തി​രി​ത്തോ​പ്പു​ക​ളും സ​ന്ദ​ർ​ശി​ച്ചാ​ണ് മ​ട​ങ്ങു​ന്ന​ത്.