ഇടുക്കി ജില്ലയിൽ 2665 അതിദരിദ്ര കുടുംബങ്ങൾ

തൊ​ടു​പു​ഴ: ജി​ല്ല​യി​ലു​ള്ള അ​തി​ദ​രി​ദ്ര കു​ടും​ബ​ങ്ങ​ളു​ടെ എ​ണ്ണം 2665. 52 പ​ഞ്ചാ​യ​ത്തി​ലും ക​ട്ട​പ്പ​ന, തൊ​ടു​പു​ഴ ന​ഗ​ര​സ​ഭ​ക​ളി​ലും ന​ട​ത്തി​യ സ​ർ​വേ​യി​ലാ​ണ് ഇ​ത് വ്യ​ക്ത​മാ​യ​ത്. 2394 കു​ടും​ബ​ങ്ങ​ളും പ​ഞ്ചാ​യ​ത്തു​ക​ളി​ലാ​ണ്. തൊ​ടു​പു​ഴ, ക​ട്ട​പ്പ​ന ന​ഗ​സ​ഭ​ക​ളി​ലാ​യി 271 കു​ടും​ബ​മു​ണ്ട്.

1121 ഏ​കാം​ഗ കു​ടും​ബ​ങ്ങ​ൾ. ക​ട്ട​പ്പ​ന ന​ഗ​ര​സ​ഭ​യി​ലാ​ണ് കൂ​ടു​ത​ൽ, 149. വ​ണ്ണ​പ്പു​റം പ​ഞ്ചാ​യ​ത്തി​ൽ 134ഉം ​അ​ടി​മാ​ലി​യി​ൽ 121ഉം ​അ​തി​ദ​രി​ദ്ര കു​ടും​ബ​ങ്ങ​ളു​ണ്ട്. കു​റ​വ് ക​രി​ങ്കു​ന്നം പ​ഞ്ചാ​യ​ത്തി​ലാ​ണ്, ര​ണ്ട് കു​ടും​ബം. വ​ട്ട​വ​ട​യി​ൽ മൂ​ന്നും കു​മാ​ര​മം​ഗ​ല​ത്ത് ഏ​ഴും കു​ടും​ബ​മു​ണ്ട്. ഭ​ക്ഷ​ണം, ആ​രോ​ഗ്യം, വ​രു​മാ​നം, പാ​ർ​പ്പി​ടം തു​ട​ങ്ങി ആ​റ് പൊ​തു​ഘ​ട​ക​ങ്ങ​ളെ അ​ടി​സ്ഥാ​ന​പ്പെ​ടു​ത്തി​യാ​ണ് സ​ർ​വേ. വാ​ർ​ഡ് ത​ല​ങ്ങ​ളി​ൽ ന​ട​ന്ന ഫോ​ക്ക​സ് ഗ്രൂ​പ് ച​ർ​ച്ച​യി​ലൂ​ടെ​യാ​ണ് കു​ടും​ബ​ങ്ങ​ളെ ക​ണ്ടെ​ത്തി​യ​ത്. ഗ്രാ​മ​സ​ഭ​ക​ൾ ചേ​ർ​ന്നാ​ണ് അ​ന​ർ​ഹ​രെ ഒ​ഴി​വാ​ക്കി അ​ന്തി​മ​പ​ട്ടി​ക ത​യാ​റാ​ക്കി​യ​ത്.

ഇ​വ​ർ​ക്കാ​യി അ​ടി​സ്ഥാ​ന സൗ​ക​ര്യ​വി​ക​സ​നം, ഭ​ക്ഷ​ണം, ആ​രോ​ഗ്യം, വി​ദ്യാ​ഭ്യാ​സം, തൊ​ഴി​ൽ തു​ട​ങ്ങി​യ മേ​ഖ​ല​ക​ളി​ലെ വി​ക​സ​ന​ത്തി​നാ​യി വൈ​വി​ധ്യ​മാ​ർ​ന്ന പ​ദ്ധ​തി​ക​ളാ​ണ് ജി​ല്ല​യി​ൽ പു​രോ​ഗ​മി​ക്കു​ന്ന​ത്. ത​ദ്ദേ​ശ സ്ഥാ​പ​ന​ങ്ങ​ളു​ടെ വി​ക​സ​ന ഫ​ണ്ടും ഉ​പ​യോ​ഗ​പ്പെ​ടു​ത്തി​യാ​ണ് പ​ദ്ധ​തി​ക​ൾ. ഇ​തി​നോ​ട​കം ഭ​ക്ഷ​ണ​ത്തി​ന് ബു​ദ്ധി​മു​ട്ടു​ള്ള 755 കു​ടും​ബ​ത്തി​ന്​ ഭ​ക്ഷ​ണം ഉ​റ​പ്പാ​ക്കി​യി​ട്ടു​ണ്ട്

1611 കു​ടും​ബ​ങ്ങ​ളി​ൽ ആ​രോ​ഗ്യ​സേ​വ​ന​ങ്ങ​ൾ എ​ത്തി​ച്ചു. വ​രു​മാ​ന​മി​ല്ലാ​തി​രു​ന്ന 45 കു​ടും​ബ​ത്തി​ന്​ വ​രു​മാ​ന​ദാ​യ​ക സേ​വ​ന​ങ്ങ​ൾ ല​ഭ്യ​മാ​ക്കി. വീ​ടി​ല്ലാ​ത്ത 85 കു​ടും​ബ​ത്തി​ന്​ സം​ര​ക്ഷ​ണം ന​ൽ​കി​യി​ട്ടു​ണ്ട്. 221 ആ​രോ​ഗ്യ ഇ​ൻ​ഷു​റ​ൻ​സ് കാ​ർ​ഡ്, 117വോ​ട്ട​ർ കാ​ർ​ഡ്, 30 സാ​മൂ​ഹി​ക സു​ര​ക്ഷാ പെ​ൻ​ഷ​ൻ, 29 ബാ​ങ്ക് അ​ക്കൗ​ണ്ട്, 35 തൊ​ഴി​ൽ കാ​ർ​ഡ്, 114 ആ​ധാ​ർ കാ​ർ​ഡ്, മൂ​ന്ന് ഗ്യാ​സ് ക​ണ​ക്ഷ​ൻ, 99 റേ​ഷ​ൻ കാ​ർ​ഡ്, എ​ട്ട് കു​ടും​ബ​ശ്രീ അ​യ​ൽ​ക്കൂ​ട്ട അം​ഗ​ത്വം, ര​ണ്ട് ഭി​ന്ന​ശേ​ഷി കാ​ർ​ഡ് എ​ന്നി​വ ല​ഭ്യ​മാ​ക്കി. ഒ​രു വീ​ട് വ​യ​റി​ങ്ങും ചെ​യ്‍തു. ചി​കി​ത്സ സ​ഹാ​യം എ​ന്ന നി​ല​യി​ലും ഇ​വ​ർ​ക്കു​ള്ള ധ​ന​സ​ഹാ​യ​ത്തി​നു​ള്ള ന​ട​പ​ടി പു​രോ​ഗ​മി​ക്കു​ക​യാ​ണ്.