സ്വപ്​നങ്ങളിലേക്ക്​ ചിറകുവിരിച്ച സജിയെത്തേടി പുരസ്കാരം

തൊ​ടു​പു​ഴ: സ്വ​ന്തം പേ​രി​ൽ സ്വ​ന്ത​മാ​യി വി​മാ​നം നി​ർ​മി​ച്ച്​ പ​റ​പ്പി​ച്ച ആ​ദ്യ​ത്തെ ഇ​ന്ത്യ​ക്കാ​ര​ൻ എ​ന്ന വി​ളി​പ്പേ​രി​ന്​ അ​ർ​ഹ​നാ​യ സ​ജി​യെ​ത്തേ​ടി സം​സ്ഥാ​ന ഭി​ന്ന​ശേ​ഷി പു​ര​സ്‍കാ​രം. ജ​ന്മ​നാ സം​സാ​ര-​കേ​ൾ​വി പ​രി​മി​ത​നാ​യ ഇ​ടു​ക്കി ത​ട്ട​ക്കു​ഴ സ്വ​ദേ​ശി സ​ജി തോ​മ​സ്​ പ​ത്തു​വ​ർ​ഷം മു​മ്പാ​ണ് സ്വ​ന്ത​മാ​യി വി​മാ​നം നി​ര്‍മി​ച്ച് പ​റ​ത്തി​യ​ത്. വി​മാ​ന​മ​ട​ക്കം സ​ജി​യു​ടെ പ്ര​വ​ർ​ത്ത​ന മേ​ഖ​ല​യി​ലെ മി​ക​വു​ക​ളാ​ണ്​ പു​ര​സ്കാ​ര​ത്തി​ലേ​ക്ക്​ ന​യി​ച്ച​ത്​.

കു​ട്ടി​ക്കാ​ല​ത്ത് ക​ണ്ട ഹെ​ലി​കോ​പ്റ്റ​റാ​ണ് സ​ജി​യു​ടെ ജീ​വി​തം മാ​റ്റി​മ​റി​ച്ച​ത്. റ​ബ​ർ തോ​ട്ട​ങ്ങ​ളി​ല്‍ മ​രു​ന്നു​ത​ളി​ക്കാ​ന്‍ വ​ന്ന​താ​യി​രു​ന്നു അ​ത്. ടെ​ലി​വി​ഷ​ന്‍ അ​റ്റ​കു​റ്റ​പ്പ​ണി ന​ട​ത്തി ഉ​പ​ജീ​വ​നം ന​ട​ത്തു​ന്ന​തി​നൊ​പ്പം ത​ന്‍റെ ആ​ഗ്ര​ഹ സാ​ക്ഷാ​ത്​​കാ​ര​ത്തി​നു​ള്ള സ​മ്പാ​ദ്യ​വും സ്വ​രു​ക്കൂ​ട്ടി. അ​ങ്ങ​നെ​യി​രി​ക്കെ സ​ജി നാ​ടു​വി​ട്ടു.

മും​ബൈ​യി​ലേ​ക്കാ​യി​രു​ന്നു ആ ​യാ​ത്ര. ഒ​രി​ക്ക​ൽ പ​രി​ച​യ​പ്പെ​ട്ട വൈ​മാ​നി​ക​രു​ടെ വി​ലാ​സം മാ​ത്ര​മാ​യി​രു​ന്നു കൈ​യി​ൽ. അ​ന്ന്​ റ​ബ​ർ തോ​ട്ട​ത്തി​ൽ​വെ​ച്ച്​ ക​ണ്ട യു​വാ​വ്​ ത​ങ്ങ​ളെ​ത്തേ​ടി വ​രു​മെ​ന്ന് വൈ​മാ​നി​ക​ർ ഒ​രി​ക്ക​ലും ക​രു​തി​യി​ല്ല. സ​ജി​യെ അ​വ​ർ മും​ബൈ​യി​ലെ വി​മാ​ന ക​മ്പ​നി​ക​ളി​ലൊ​ക്കെ കൊ​ണ്ടു​പോ​യി. വി​മാ​ന​ത്തെ സം​ബ​ന്ധി​ച്ച പു​സ്ത​ക​ങ്ങ​ളും യ​ന്ത്ര​ഭാ​ഗ​ങ്ങ​ളും വാ​ങ്ങാ​ൻ പ​ല​രും സ​ഹാ​യി​ച്ചു. അ​ങ്ങ​നെ സ്വ​പ്ന​ങ്ങ​ള്‍ക്ക്​ ചി​റ​ക്​ മു​ള​പ്പി​ച്ച്​ സ​ജി നാ​ട്ടി​ൽ തി​രി​ച്ചെ​ത്തി.

പി​ന്നീ​ട് വി​മാ​ന നി​ർ​മാ​ണ നാ​ളു​ക​ൾ. ഊ​ണും ഉ​റ​ക്ക​മി​ല്ലാ​ത്ത രാ​പ്പ​ക​ലു​ക​ൾ. എ​ന്നാ​ൽ, നി​ർ​മാ​ണം പൂ​ർ​ത്തി​യാ​ക്കാ​ൻ സാ​ധി​ച്ചി​ല്ല. അ​ങ്ങ​നെ​യി​രി​​ക്കെ​യാ​ണ്​ വി​ങ് ക​മാ​ന്‍ഡ​ർ എ​സ്.​കെ.​ജെ. നാ​യ​രെ പ​രി​ച​യ​പ്പെ​ടു​ന്ന​ത്. സ​ജി​യു​ടെ സ്വ​പ്ന​ങ്ങ​ളെ​ക്കു​റി​ച്ച് അ​റി​ഞ്ഞ​പ്പോ​ൾ അ​ദ്ദേ​ഹ​ത്തി​നും ആ​വേ​ശ​മാ​യി.

ഏ​ഴു​വ​ർ​ഷം പ​രി​ശ്ര​മി​ച്ചാ​ണ് സ​ജി വി​മാ​നം നി​ര്‍മി​ച്ച​ത്. 2014 ഏ​പ്രി​ൽ 10ന് ​എ​യ​ർ​ഫോ​ഴ്​​സി​ലെ റി​ട്ട. വി​ങ് ക​മാ​ൻ​ഡ​ർ എ​സ്‍.​കെ.​ജെ. നാ​യ​ർ ത​മി​ഴ്‍നാ​ട്ടി​ലെ തി​രു​നെ​ൽ​വേ​ലി​ക്ക​ടു​ത്തു​ള്ള അം​ബാ​സ​മു​ദ്ര​ത്തി​ൽ സ​ജി​യെ​യു​മി​രു​ത്തി വി​മാ​നം പ​റ​പ്പി​ച്ചു.

ഇ​തി​നു​ശേ​ഷം സ​ജി​യെ​ത്തേ​ടി അ​ഭി​ന​ന്ദ​ന​ങ്ങ​ളും പു​ര​സ്കാ​ര​ങ്ങ​ളു​മെ​ത്തി. നാ​ഷ​ന​ൽ അ​ഡ്വ​ഞ്ച​ർ ഫൗ​ണ്ടേ​ഷ​ൻ അം​ഗീ​കാ​ര​വും സ​ജി​യെ​ത്തേ​ടി എ​ത്തി​യി​ട്ടു​ണ്ട്. ഇ​പ്പോ​ൾ വി​വി​ധ ആ​വ​ശ്യ​ങ്ങ​ൾ​ക്കാ​യു​ള്ള ഡ്രോ​ണു​ക​ളു​ടെ നി​ർ​മാ​ണ​വും അ​റ്റ​കു​റ്റ​പ്പ​ണി​യു​മാ​ണ്​ സ​ജി ചെ​യ്യു​ന്ന​ത്. ഭാ​ര്യ മ​രി​യ​യും മ​ക​ൻ ജോ​ഷ്വ​യു​മാ​ണ് ഒ​പ്പ​മു​ള്ള​ത്. 25,000 രൂ​പ​യാ​ണ് പു​ര​സ്‍കാ​ര​ത്തു​ക.