നഗരം നിരീക്ഷിച്ചിരുന്ന കാമറകൾ പ്രവർത്തനരഹിതം

തൊ​ടു​പു​ഴ: ന​ഗ​രം നി​രീ​ക്ഷി​ച്ചി​രു​ന്ന കാ​മ​റ​ക​ളി​ൽ പ്ര​വ​ർ​ത്തി​ക്കു​ന്ന​ത്​ വി​ര​ലി​ലെ​ണ്ണാ​വു​ന്ന​വ​ മാ​ത്രം. ജ​ന​സു​ര​ക്ഷ​ക്ക​ട​ക്കം മു​ൻ​തൂ​ക്കം ന​ൽ​കി തൊ​ടു​പു​ഴ ന​ഗ​ര​ത്തി​ൽ സ്ഥാ​പി​ച്ചി​രു​ന്ന​ 28 കാ​മ​റ​ക​ളി​ൽ പ​ത്തി​ൽ താ​ഴെ മാ​ത്ര​മാ​ണ്​ നി​ല​വി​ൽ പ്ര​വ​ർ​ത്തി​ക്കു​ന്ന​ത്​​. ന​ഗ​ര​ത്തി​ലെ എ​ല്ലാ ത​ര​ത്തി​ലു​മു​ള്ള ച​ല​ന​ങ്ങ​ളും തൊ​ടു​പു​ഴ സ്റ്റേ​ഷ​നി​ല്‍ ഇ​രു​ന്ന്​ ത​ന്നെ അ​റി​യാ​നു​ള്ള സം​വി​ധാ​നം പ​ണി​മു​ട​ക്കി​യ​ത് പൊ​ലീ​സി​നെ വ​ല​ക്കു​ന്നു​ണ്ട്. ന​ഗ​ര​ത്തി​ല്‍ യാ​ച​ക​ശ​ല്യ​വും പ​ക​ലും രാ​ത്രി​യി​ലു​മു​ണ്ടാ​കു​ന്ന മോ​ഷ​ണ​വും റോ​ഡ്​ അ​പ​ക​ട​ങ്ങ​ളും കൂ​ടി​യ​പ്പോ​ഴാ​ണ് വി​വി​ധ സ്ഥ​ല​ങ്ങ​ളി​ല്‍ കാ​മ​റ​ക​ള്‍ സ്ഥാ​പി​ച്ച​ത്.

കാ​മ​റ​യു​ടെ പ്ര​വ​ര്‍ത്ത​നം കാ​ര്യ​ക്ഷ​മ​മാ​യി​രു​ന്ന​പ്പോ​ള്‍ റോ​ഡ്​ അ​പ​ക​ട​ങ്ങ​ള്‍ കു​റ​ക്കു​ന്ന​തി​നും ഗ​താ​ഗ​ത സം​വി​ധാ​നം സു​ഗ​മ​മാ​യി ന​ട​ത്തു​ന്ന​തി​നും മ​റ്റ് അ​തി​ക്ര​മ​ങ്ങ​ള്‍ കു​റ​ക്കു​ന്ന​തി​നും സാ​ധി​ച്ചി​രു​ന്നു. പൊ​ലീ​സ് സേ​ന​ക്ക് ഏ​​റെ ഉ​പ​കാ​ര​പ്ര​ദ​വു​മാ​യി​രു​ന്നു കാ​മ​റ​ക​ൾ.

സ​മീ​പ കാ​ല​ത്ത് വീ​ണ്ടും ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍ സാ​മൂ​ഹി​ക വി​രു​ദ്ധ ശ​ല്യ​മ​ട​ക്കം വ​ർ​ധി​ച്ചി​രി​ക്കു​ക​യാ​ണ്. തൊ​ടു​പു​ഴ ബ​സ്​ സ്റ്റാ​ൻ​ഡ്​ പ​രി​സ​രം, ടൗ​ൺ​ഹാ​ൾ പ​രി​സ​രം തു​ട​ങ്ങി​യ​വ കേ​ന്ദ്രീ​ക​രി​ച്ചും സാ​മൂ​ഹി​ക വി​രു​ദ്ധ​രു​ടെ അ​ഴി​ഞ്ഞാ​ട്ടം വ​ർ​ധി​ച്ചി​ട്ടു​ണ്ട്. ക​ഴി​ഞ്ഞ ദി​വ​സം ന​ഗ​ര​ത്തി​ൽ രാ​ത്രി​യെ​ത്തി​യ​യാ​ളു​ടെ ഫോ​ൺ ത​ട്ടി​യെ​ടു​ക്കു​ക​യും യു​വാ​വി​നെ മ​ർ​ദി​ച്ച്​ അ​വ​ശ​നാ​ക്കു​ക​യും ചെ​യ്തി​രു​ന്നു. കാ​മ​റ​ക​ൾ പ്ര​വ​ർ​ത്ത​ന ര​ഹി​ത​മാ​യ​ത്​ പൊ​ലീ​സി​ന്‍റെ ​അ​ന്വേ​ഷ​ണ​ത്തെ​യും ബാ​ധി​ക്കു​ന്നു​ണ്ട്. നി​ര​വ​ധി കേ​സു​ക​ളി​ലെ പ്ര​തി​ക​ളെ പൊ​ലീ​സ്​ കാ​മ​റ​ക​ളു​ടെ സ​ഹാ​യ​ത്തോ​ടെ കൈ​യോ​ടെ പി​ടി​കൂ​ടി​യി​രു​ന്നു. ല​ഹ​രി മാ​ഫി​യ​യ​ട​ക്കം ന​ഗ​രം കേ​ന്ദ്രീ​ക​രി​ച്ച്​ പ്ര​വ​ർ​ത്തി​ക്കു​ന്നു​ണ്ട്.

നേ​ര​ത്തേ കാ​മ​റ​ക​ൾ സ​ജീ​വ​മാ​യി​രു​ന്ന​പ്പോ​ൾ ഇ​വ​രു​ടെ വി​ള​യാ​ട്ടം കു​റ​ഞ്ഞി​രു​ന്നു. ന​ഗ​ര​ത്തി​ൽ രാ​ത്രി ത​മ്പ​ടി​ക്കു​ന്ന​വ​രി​ൽ മോ​ഷ്ടാ​ക്ക​ള​ട​ക്കം ഇ​ടം പി​ടി​ക്കു​ന്നു​ണ്ടെ​ന്നാ​ണ്​ വി​വ​രം. ഇ​വ​രെ​യ​ട​ക്കം ക​ണ്ടെ​ത്താ​നും കാ​മ​റ സ​ഹാ​യി​ച്ചി​രു​ന്നു. തൊ​ടു​പു​ഴ​യാ​റി​ന്‍റെ ക​ര​ക​ളി​ൽ മാ​ലി​ന്യം ത​ള്ളു​ന്ന​വ​രെ പി​ടി​കൂ​ടു​ന്ന​തി​നും കാ​മ​റ സ​ഹാ​യ​ക​ര​മാ​യി​രു​ന്നു. പ്ര​വ​ര്‍ത്തി​ക്കു​ന്ന​വ​യി​ല്‍ ചി​ല​തെ​ല്ലാം ഭാ​ഗി​ക​വു​മാ​ണ്. അ​​തേ​സ​മ​യം, മു​നി​സി​പ്പാ​ലി​റ്റി നേ​തൃ​ത്വ​ത്തി​ൽ കാ​മ​റ​ക​ൾ പ്ര​വ​ർ​ത്ത​ന സ​ജ്ജ​മാ​ക്കു​ന്ന ന​ട​പ​ടി​ക്ര​മ​ങ്ങ​ൾ ഉ​ട​ൻ ആ​രം​ഭി​ക്കു​മെ​ന്ന്​ ചെ​യ​ർ​മാ​ൻ സ​നീ​ഷ്​ ​ജോ​ർ​ജ്​ പ​റ​ഞ്ഞു.