​ചൊക്രമുടി; തഹസിൽദാർ ഉൾപ്പെടെ മൂന്ന്​ ഉദ്യോഗസ്ഥർക്കുകൂടി സസ്പെ‍ൻഷൻ

തൊ​ടു​പു​ഴ: ചൊ​ക്ര​മു​ടി​യി​ലെ ഭൂ​മി കൈ​യേ​റ്റ​ത്തി​നും അ​ന​ധി​കൃ​ത നി​ർ​മാ​ണ​ത്തി​നും കൂ​ട്ടു​നി​ന്നെ​ന്ന അ​ന്വേ​ഷ​ണ റി​പ്പോ​ർ​ട്ടി​നെ​ത്തു​ട​ർ​ന്ന് മൂ​ന്ന്​ ഉ​ദ്യോ​ഗ​സ്ഥ​രെ​ക്കൂ​ടി സ​സ്പെ​ൻ​ഡ് ചെ​യ്തു. ദേ​വി​കു​ളം മു​ൻ ത​ഹ​സി​ൽ​ദാ​ർ (നി​ല​വി​ൽ മ​ല്ല​പ്പ​ള്ളി ത​ഹ​സി​ൽ​ദാ​ർ) ഡി.​അ​ജ​യ​ൻ, ഡ​പ്യൂ​ട്ടി ത​ഹ​സി​ൽ​ദാ​ർ ബി​ജു മാ​ത്യു, ബൈ​സ​ൺ​വാ​ലി വി​ല്ലേ​ജ് ഓ​ഫി​സ​ർ എം.​എം.​സി​ദ്ദി​ഖ് എ​ന്നി​വ​രെ​യാ​ണ്​ സ​സ്പെ​ൻ​ഡ് ചെ​യ്ത​ത്.

ഉ​ടു​മ്പ​ൻ​ചോ​ല താ​ലൂ​ക്ക് മു​ൻ സ​ർ​വേ​യ​ർ ആ​ർ.​ബി.​വി​പി​ൻ​രാ​ജി​നെ ക​ഴി​ഞ്ഞ ദി​വ​സം സ​സ്പെ​ൻ​ഡ് ചെ​യ്തി​രു​ന്നു. ചൊ​ക്ര​മു​ടി​യി​ലെ കൈ​യേ​റ്റം സം​ബ​ന്ധി​ച്ച് ദേ​വി​കു​ളം സ​ബ് ക​ല​ക്ട​ർ വി.​എം. ജ​യ​കൃ​ഷ്ണ​ന്റെ നേ​തൃ​ത്വ​ത്തി​ലു​ള്ള സം​ഘം സ​മ​ർ​പ്പി​ച്ച റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ലാ​ണ് ഉ​ദ്യോ​ഗ​സ്ഥ​ർ​ക്കെ​തി​രെ ന​ട​പ​ടി. ‌‌

ചൊ​ക്ര​മു​ടി​യി​ൽ വീ​ടു​നി​ർ​മാ​ണ​ത്തി​നാ​യി നി​രാ​ക്ഷേ​പ​പ​ത്രം (എ​ൻ.​ഒ.​സി) അ​നു​വ​ദി​ച്ച​തി​ൽ ക്ര​മ​ക്കേ​ട്​ ക​ണ്ടെ​ത്തി​യി​രു​ന്നു. അ​ടി​മാ​ലി സ്വ​ദേ​ശി​യു​ടെ​യും ഭാ​ര്യ​യു​ടെ​യും അ​പേ​ക്ഷ​യി​ൽ സ്ഥ​ല പ​രി​ശോ​ധ​ന ന​ട​ത്താ​തെ വി​ല്ലേ​ജ് ഓ​ഫി​സ​ർ സി​ദ്ദി​ഖ് താ​ലൂ​ക്ക് ഓ​ഫി​സി​ൽ റി​പ്പോ​ർ​ട്ട് ന​ൽ​കി. ഡ​പ്യൂ​ട്ടി ത​ഹ​സി​ൽ​ദാ​ർ ബി​ജു മാ​ത്യു സ്ഥ​ല​പ​രി​ശോ​ധ​ന കൂ​ടാ​തെ എ​ൻ.​ഒ.​സി​ക്ക്​ ശി​പാ​ർ​ശ ചെ​യ്യു​ക​യും ത​ഹ​സി​ൽ​ദാ​ർ ഡി.​അ​ജ​യ​ൻ പ​രി​ശോ​ധ​ന​യി​ല്ലാ​തെ ത​ന്നെ ഇ​ത് അം​ഗീ​ക​രി​ക്കു​ക​യും ചെ​യ്തെ​ന്നാ​ണ്​ അ​ന്വേ​ഷ​ണ സം​ഘം ക​ണ്ടെ​ത്തി​യ​ത്.