കിടുക്കാതെ ഇടുക്കി...

തൊ​ടു​പു​ഴ: രാ​വി​ലെ എ​ഴു​ന്നേ​ൽ​ക്കു​​മ്പോ​ൾ ത​ണു​പ്പ്. ഉ​ച്ച​യോ​ടെ പൊ​ള്ളു​ന്ന ചൂ​ട്. ഇ​ട​ക്ക്​ മ​ഴ​യും കൂ​ടി​യാ​യ​തോ​ടെ കാ​ലാ​വ​സ്ഥ വ്യ​തി​യാ​നം ജ​ന​ങ്ങ​ളെ പ്ര​യാ​സ​പ്പെ​ടു​ത്തി​ത്തു​ട​ങ്ങി. പ​നി​യ​ട​ക്കം പ​ക​ർ​ച്ച​വ്യാ​ധി​ക​ൾ പ​ല​യി​ട​ത്തും ത​ല​​പൊ​ക്കി​യി​ട്ടു​ണ്ട്. വൈ​റ​ൽ പ​നി​യും ഡെ​ങ്കി​യു​മ​ട​ക്ക​മു​ള്ള​യാ​ണ്​ കൂ​ടു​ന്ന​ത്. ആ​ശു​പ​ത്രി​ക​ളി​ൽ പ​നി​യു​മാ​യെ​ത്തു​ന്ന​വ​രു​ടെ തി​ര​ക്കും വ​ർ​ധി​ച്ചി​ട്ടു​ണ്ട്. പ​ക​ൽ ചൂ​ട്​ കൂ​ടി​യ​തി​നെ തു​ട​ർ​ന്ന് ഏ​ലം കൃ​ഷി​ക്കും മ​റ്റും നാ​ശ​മു​ണ്ടാ​കു​ന്ന സാ​ഹ​ച​ര്യ​വു​മു​​ണ്ട്. വേ​ന​ൽ​ചൂ​ട്​ കൂ​ടി​വ​രു​ന്ന​തി​നെ തു​ട​ർ​ന്ന്​ ജ​ല​സ്രോ​ത​സ്സു​ക​ൾ വ​റ്റി​ത്തു​ട​ങ്ങി​യ​തും ആ​ശ​ങ്ക സൃ​ഷ്ടി​ക്കു​ന്നു​​ണ്ട്. ​

കു​റ​യാ​തെ പ​നി

മ​ഞ്ഞും വെ​യി​ലും മ​ഴ​യും മാ​റി മാ​റി വ​രു​ന്ന കാ​ലാ​വ​സ്ഥ​യി​ൽ പ​നി ബാ​ധി​ത​രു​ടെ എ​ണ്ണം വ​ർ​ധി​ച്ച് തു​ട​ങ്ങി. മി​ക്ക ആ​ശു​പ​ത്രി​ക​ളി​ലും ഒ.​പി​യി​ൽ വൈ​റ​ൽ പ​നി ബാ​ധി​ത​രാ​ണ് കൂ​ടു​ത​ൽ എ​ത്തു​ന്ന​ത്. പ​നി മാ​റി​യാ​ലും ആ​ഴ്ച​ക​ളോ​ളം വി​ട്ടു​മാ​റാ​ത്ത ചു​മ പ​ല​രെ​യും അ​ല​ട്ടു​ക​യാ​ണ്.

ര​ണ്ടാ​ഴ്ച​ക്കി​ടെ 2819 പേ​രാ​ണ്​ സ​ർ​ക്കാ​ർ ആ​ശു​പ​ത്രി​ക​ളി​ൽ പ​നി ബാ​ധി​ച്ചെ​ത്തി​യ​ത്. ഈ ​മാ​സം 13 പേ​ർ​ക്ക്​ ഡെ​ങ്കി​പ്പ​നി​യും ബാ​ധി​ച്ചു. സ​ർ​ക്കാ​ർ ആ​ശു​പ​ത്രി​ക​ളി​ൽ മാ​ത്രം എ​ത്തി​യ​വ​രു​ടെ ക​ണ​ക്കാ​ണി​ത്. ചി​ക്ക​ൻ പോ​ക്സും ക​ണ്ടു വ​രു​ന്നു​ണ്ട്. ഈ ​മാ​സം 27 പേ​ർ ചി​കി​ത്സ തേ​ടി​യ​താ​യി ആ​രോ​ഗ്യ വ​കു​പ്പ്​ പ​റ​യു​ന്നു.

സ്വ​കാ​ര്യ ക്ലി​നി​ക്കു​ക​ളി​ൽ രാ​വി​ലെ​യും വൈ​കീ​ട്ടും വ​ലി​യ തി​ര​ക്കാ​ണ് അ​നു​ഭ​വ​പ്പെ​ടു​ന്ന​ത്. കു​ട്ടി​ക​ളു​ടെ ക്ലി​നി​ക്കു​ക​ളി​ൽ കൂ​ടു​ത​ൽ പേ​രും എ​ത്തു​ന്ന​ത് പ​നി​യും ചു​മ​യും ബാ​ധി​ച്ചാ​ണ്. മ​ഞ്ഞും മ​ഴ​യും വെ​യി​ലും ഇ​ട​വി​ട്ട്​ വ​ന്ന​തോ​ടെ​യാ​ണ് വൈ​റ​ൽ പ​നി ബാ​ധി​ത​രു​ടെ എ​ണ്ണം വ​ർ​ധി​ക്കു​ന്ന​തെ​ന്നാ​ണ് ആ​രോ​ഗ്യ വി​ദ​ഗ്ധ​ർ പ​റ​യു​ന്ന​ത്.

ഇ​തി​നി​ടെ ജി​ല്ല ആ​ശു​പ​ത്രി​ക​ളി​ലും പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളി​ലും മ​രു​ന്ന്​ ക്ഷാ​മ​വും നി​ല നി​ൽ​ക്കു​ന്നു. മ​രു​ന്നി​ന്​ ക്ഷാ​മ​മി​ല്ലെ​ന്ന്​ പ​റ​യു​മ്പോ​ഴും ആ​ശു​പ​ത്രി​ക​ളി​ൽ​നി​ന്ന്​ പു​റേ​ത്ത​ക്ക്​ കു​റി​ച്ച്​ ന​ൽ​കു​ന്ന സ്ഥി​തി​യാ​ണ്​​.

കാ​ർ​ഷി​ക മേ​ഖ​ല​ക്ക്​ തി​രി​ച്ച​ടി

ക​ട്ട​പ്പ​ന: കാ​ലാ​വ​സ്ഥാ വ്യാ​തി​യാ​നം കാ​ർ​ഷി​ക മേ​ഖ​ല​ക്കും തി​രി​ച്ച​ടി​യാ​കു​ന്നു. മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ച്​ ഇ​ക്ക​ു​റി ന​വം​ബ​ർ, ഡി​സം​ബ​ർ, ജ​നു​വ​രി മാ​സ​ങ്ങ​ളി​ൽ ത​ണു​പ്പും മ​ഞ്ഞും കു​റ​ഞ്ഞ​ത് ഏ​ല​കൃ​ഷി​ക്ക് തി​രി​ച്ച​ടി​യാ​യി. ന​ല്ല ത​ണു​ത്ത കാ​ലാ​വ​സ്ഥ​യും മ​ഞ്ഞും മ​ഴ​യും ഏ​ല​ത്തി​ന്റെ കാ​യ് പി​ടു​ത്ത​തി​ന് അ​ത്യാ​വ​ശ്യ​മാ​ണ്. ഇ​വ​ർ​ഷം കാ​ലാ​വ​സ്ഥ​യി​ൽ ഉ​ണ്ടാ​യ വ്യ​തി​യാ​നം മൂ​ലം ത​ണു​പ്പും മ​ഞ്ഞും കു​റ​ഞ്ഞ​തി​നൊ​പ്പം ചൂ​ട് കൂ​ടു​ക​യും ചെ​യ്തു.

ശ​രാ​ശ​രി ആ​റ്​ ഡി​ഗ്രി മു​ത​ൽ 20 ഡി​ഗ്രി വ​രെ ത​ണു​ത്ത കാ​ലാ​വ​സ്ഥ​യാ​ണ് ഈ ​കാ​ല​യ​ള​വി​ൽ ഹൈ​റേ​ഞ്ചി​ൽ അ​നു​ഭ​വ​പ്പെ​ടു​ന്ന​ത്. ഈ ​വ​ർ​ഷം ശ​രാ​ശ​രി 15 ഡി​ഗ്രി​ക്കും 34 ഡി​ഗ്രി​ക്കും ഇ​ട​യി​ലാ​ണ് കാ​ലാ​വ​സ്ഥ. ഇ​ത്‌ കാ​ർ​ഷി​ക മേ​ഖ​ല​യി​ൽ പൊ​തു​വെ വി​ള​വു​ക​ളെ ബാ​ധി​ക്കും. ഇ​ട​ക്ക് ല​ഭി​ച്ച മ​ഴ​യാ​ണ് ഏ​ല​കൃ​ഷി​ക്ക് കു​റ​ച്ചെ​ങ്കി​ലും ആ​ശ്വാ​സ​മാ​യ​ത്. ഏ​ലം വി​ള​വ് വ​ർ​ധി​ക്കു​ന്ന​തി​ൽ ത​ണു​പ്പും മ​ഞ്ഞും ചെ​റി​യ മ​ഴ​യും അ​ത്യാ​വ​ശ്യ ഘ​ട​ക​ങ്ങ​ളാ​ണ്.

മ​ഞ്ഞും ത​ണു​പ്പും റ​ബ​ർ ഉ​ല്പാ​ദ​ന​ത്തി​ലും അ​നു​കൂ​ല ഘ​ട​ക​മാ​ണ്. എ​ന്നാ​ൽ ഇ​പ്പോ​ൾ ഹൈ​റേ​ഞ്ചി​ൽ അ​നു​ഭ​വ​പ്പെ​ടു​ന്ന തു​ട​ർ​ച്ച​യാ​യ കാ​റ്റ് എ​ല്ലാ കൃ​ഷി​വി​ള​ക​ൾ​ക്കും നാ​ശ​മു​ണ്ടാ​ക്കും. കു​രു​മു​ള​ക് ചെ​ടി​ക​ളു​ടെ താ​ങ്ങു​കാ​ലു​ക​ൾ പി​ഴു​തു​വീ​ണും കാ​റ്റി​ൽ ഏ​ല​ച്ചെ​ടി​ക​ളു​ടെ ത​ട്ട​ക​ൾ ഒ​ടി​ഞ്ഞു​വീ​ണും കൃ​ഷി ന​ശി​ക്കു​ന്നു​ണ്ട്. മ​ഞ്ഞു​വീ​ഴ്ച​യും ത​ണു​പ്പും മ​ഴ​യും കു​റ​ഞ്ഞ​ത് ജ​ല​സ്രോ​ത​സ്സു​ക​ൾ പെ​ട്ടെ​ന്ന് വ​റ്റു​ന്ന​തി​നും കാ​ർ​ഷി​ക മേ​ഖ​ല​യി​ൽ ചൂ​ട് വ​ർ​ധി​ക്കു​ന്ന​തി​നും ഇ​ട​യാ​ക്കും.