ഉണർവിലാണ്​ പഴ വിപണി

തൊ​ടു​പു​ഴ: റ​മ​ദാ​ൻ മാ​സ​ത്തി​ന്​ തു​ട​ക്കം കു​റി​ച്ച​തോ​ടെ പ​ഴ വി​പ​ണി സ​ജീ​വം. നോ​മ്പു തു​റ​ക​ൾ​ക്ക്​ ഭൂ​രി​ഭാ​ഗം പേ​രും പ​ഴ​ങ്ങ​ൾ ഉ​പ​യോ​ഗി​ക്കു​ന്ന​തി​നാ​ൽ പ​ഴ​ക്ക​ട​ക​ളി​ൽ തി​ര​ക്കേ​റെ​യാ​ണ്. ക​ട​ക​ൾ​ക്ക്​ പു​റ​മെ വ​ഴി​യോ​ര​ങ്ങ​ളി​ലും വാ​ഹ​ന​ങ്ങ​ളി​ലും വി​വി​ധ​ഇ​നം പ​​ഴ​ങ്ങ​ളു​ടെ ക​ച്ച​വ​ടം ത​കൃ​തി​യാ​ണ്. വൈ​കു​ന്നേ​ര​മാ​കു​ന്ന​തോ​ടെ പ​ല ക​ട​ക​ളി​ലും തി​ര​ക്കു​ണ്ട്. ത​ണ്ണി​മ​ത്ത​ൻ ത​ന്നെ​യാ​ണ്​ വി​പ​ണി​യി​ലെ പ്രി​യ​ങ്ക​ര​ൻ. മ​ഞ്ഞ നി​റ​മു​ള്ള ത​ണ്ണി​മ​ത്ത​ന​ട​ക്കം വ​ൻ ഡി​മാ​ൻ​ഡാ​ണ്.

ഇ​ത്ത​വ​ണ ചൂ​ട്​ കൂ​ടു​ത​ലാ​യ​തി​നാ​ൽ പ​ല​രും ത​ണ്ണി​മ​ത്ത​ൻ നോ​മ്പു​തു​റ​യി​ലെ പ്ര​ധാ​ന ഇ​ന​മാ​ക്കി മാ​റ്റി​യി​ട്ടു​ണ്ട്. ഇ​ത്​ കൂ​ടാ​തെ ഓ​റ​ഞ്ച്, കൈ​ത​ച്ച​ക്ക, മാ​മ്പ​ഴം, മു​ന്തി​രി, ആ​പ്പി​ൾ, അ​നാ​ർ എ​ന്നി​വ​ക്കും ആ​വ​ശ്യ​ക്കാ​ർ ഏ​റെ​യാ​ണ്. ഇ​ത്​ കൂ​ടാ​തെ ജൂ​സു​ണ്ടാ​ക്കാ​നാ​യും വീ​ടു​ക​ളി​ലേ​ക്ക്​ ഷ​മാം, ചി​ക്കു, ആ​പ്പി​ൾ, മാ​ങ്ങ എ​ന്നി​വ​യും വാ​ങ്ങു​ന്ന​വ​രു​ണ്ട്. ചി​ല​തി​നൊ​ക്കെ വി​ല ചൂ​ടി​നൊ​പ്പം ഉ​യ​ർ​ന്നെ​ങ്കി​ലും ചി​ല​തി​ന്‍റെ വി​ല ഇ​പ്പോ​ഴും ത​ണു​പ്പ​നാ​ണ്.

ത​ണ്ണി​മ​ത്ത​ൻ 20 മു​ത​ൽ 25 വ​രെ​യാ​ണ്​ വി​ല. എ​ങ്കി​ലും ആ​വ​ശ്യ​ക്കാ​ർ ഏ​റെ​യാ​ണെ​ന്നാ​ണ്​ ക​ച്ച​വ​ട​ക്കാ​ർ പ​റ​യു​ന്ന​ത്. ആ​പ്പി​ൾ കി​ലോ​ക്ക്​ 180 മു​ത​ൽ വി​ല തു​ട​ങ്ങു​ന്നു. ഇ​ന​ങ്ങ​ളു​ടെ വ്യ​ത്യ​സ്ത​ത​യ​നു​സ​രി​ച്ച്​ മാ​റ്റം വ​രും. മു​ന്തി​രി- 80, കു​രു​വി​ല്ലാ​ത്ത മു​ന്തി​രി-120 മു​ത​ൽ 140 വ​രെ വി​ല​യു​ണ്ട്. ഞാ​ലി​പ്പൂ​വ​ൻ പ​ഴ​ത്തി​ന്​ വി​ല വി​ല ഉ​യ​ർ​ന്ന്​ 50 നും 60 ​നും ഇ​ട​യി​ലാ​ണ്​ വി​ൽ​പ​ന. ​ചെ​റു നാ​ര​ങ്ങാ വി​ല​യും വ​ർ​ധി​ച്ച്​ 120 ​ലെ​ത്തി. വ്ര​ത​കാ​ല​മാ​യ​തി​നാ​ലും ചൂ​ട്​ കൂ​ടി​യ​തി​നാ​ലും പ​ഴ വി​പ​ണി ഇ​ത്ത​വ​ണ ഉ​ഷാ​റാ​ണെ​ന്ന്​ വ്യാ​പാ​രി​ക​ളും പ​റ​യു​ന്നു.