‘സർക്കാർ ഭൂമി സഹകരണ സംഘങ്ങൾക്ക് ​കൈമാറിയത്​ ഇല്ലാത്ത ഉത്തരവിന്റെ മറവിൽ’

തൊ​ടു​പു​ഴ: മൂ​ന്നാ​ർ മേ​ഖ​ല​യി​ൽ കോ​ടി​ക​ൾ വി​ല​മ​തി​ക്കു​ന്ന സ​ർ​ക്കാ​ർ ഭൂ​മി സി.​പി.​എം നി​യ​ന്ത്ര​ണ​ത്തി​ലു​ള്ള സ​ഹ​ക​ര​ണ സം​ഘ​ങ്ങ​ൾ​ക്ക് അ​മ്യൂ​സ്‌​മെ​ന്റ് പാ​ർ​ക്ക് നി​ർ​മാ​ണ​ത്തി​ന് കൈ​മാ​റി​യ​ത് ഇ​ല്ലാ​ത്ത ഉ​ത്ത​ര​വി​ന്റെ മ​റ​വി​ലാ​ണെ​ന്നും ഹൈ​ഡ​ൽ ടൂ​റി​സം സെ​ന്റ​റും സ​ഹ​ക​ര​ണ സം​ഘ​ങ്ങ​ളും ത​മ്മി​ലു​ള്ള ക​രാ​ർ റ​ദ്ദാ​ക്ക​ണ​മെ​ന്നും ഡി.​സി.​സി ജ​ന​റ​ൽ സെ​ക്ര​ട്ട​റി ബി​ജോ മാ​ണി വാ​ർ​ത്ത​സ​മ്മേ​ള​ന​ത്തി​ൽ ആ​വ​ശ്യ​പ്പെ​ട്ടു.

അ​മ്യൂ​സ്‌​മെ​ന്റ് പാ​ർ​ക്കി​നെ​ന്ന പേ​രി​ൽ മൂ​ന്നാ​റി​ലും ആ​ന​യി​റ​ങ്ക​ലി​ലും വൈ​ദ്യു​തി വ​കു​പ്പ്​ ഭൂ​മി നി​യ​മ​വി​രു​ദ്ധ​മാ​യാ​ണ്​ ഹൈ​ഡ​ൽ ടൂ​റി​സം സെ​ന്റ​ർ പാ​ട്ട​ത്തി​ന് ന​ൽ​കി​യ​ത്. വൈ​ദ്യു​തി ബോ​ർ​ഡി​ന്റെ ഭൂ​മി​യി​ൽ ഹൈ​ഡ​ൽ ടൂ​റി​സം പ​ദ്ധ​തി​ക​ൾ തു​ട​ങ്ങാ​ൻ ഡ​യ​റ​ക്ട​ർ ബോ​ർ​ഡ്​ അ​നു​മ​തി​യും ഡാ​മി​നോ​ട് ചേ​ർ​ന്ന നി​ർ​മാ​ണ​ങ്ങ​ൾ​ക്ക് ഡാം ​സേ​ഫ്റ്റി അ​തോ​റി​റ്റി അ​നു​മ​തി​യും വേ​ണം. എ​ന്നാ​ൽ, മൂ​ന്നാ​റി​ലും ആ​ന​യി​റ​ങ്ക​ലി​ലും അ​മ്യൂ​സ്‌​മെ​ന്റ് പാ​ർ​ക്ക് നി​ർ​മി​ക്കാ​ൻ കെ.​എ​സ്.​ഇ.​ബി ഡ​യ​റ​ക്ട​ർ ബോ​ർ​ഡോ ഡാം ​സേ​ഫ്റ്റി അ​താ​റി​റ്റി​യോ അ​നു​മ​തി ന​ൽ​കി​യി​ട്ടി​ല്ല.

2015ൽ ​വി​വി​ധ ഡാ​മു​ക​ളി​ൽ ബോ​ട്ടി​ങ്ങി​ന് ന​ൽ​കി​യ അ​നു​മ​തി​യു​ടെ മ​റ​വി​ലാ​ണ് ഇ​പ്പോ​ൾ അ​മ്യൂ​സ്‌​മെ​ന്റ് പാ​ർ​ക്ക് നി​ർ​മാ​ണം ന​ട​ക്കു​ന്ന​ത്. എം.​എം. മ​ണി വൈ​ദ്യു​തി മ​ന്ത്രി​യും ഹൈ​ഡ​ൽ ടൂ​റി​സം സെ​ന്റ​ർ ചെ​യ​ർ​മാ​നു​മാ​യ കാ​ല​യ​ള​വി​ലാ​ണ് സി.​പി.​എം നി​യ​ന്ത്ര​ണ​ത്തി​ലു​ള്ള സൊ​സൈ​റ്റി​ക​ൾ​ക്ക് കോ​ടി​ക​ൾ വി​ല​മ​തി​ക്കു​ന്ന ഭൂ​മി കൈ​മാ​റി​യ​ത്. നി​ർ​മാ​ണ​ങ്ങ​ൾ നി​യ​മ​പ​ര​മാ​ണെ​ന്നാ​ണ് ബാ​ങ്കി​ന്റെ വാ​ദം. ഇ​ത് തെ​റ്റാ​ണെ​ന്ന് തെ​ളി​യി​ക്കു​ന്ന​താ​ണ് ബാ​ങ്ക് എ​ൻ.​ഒ.​സി​ക്കാ​യി ന​ൽ​കി​യ അ​പേ​ക്ഷ.

എം.​എം. മ​ണി​യു​ടെ​യും സി.​പി.​എ​മ്മി​ന്റെ​യും നേ​തൃ​ത്വ​ത്തി​ൽ കോ​ടി​ക​ൾ വി​ല​യു​ള്ള ഭൂ​മി കൈ​യേ​റു​ന്ന​തി​ന് സ​ർ​ക്കാ​ർ ഒ​ത്താ​ശ ചെ​യ്യു​ക​യാ​ണെ​ന്ന്​ ബി​ജോ മാ​ണി ആ​രോ​പി​ച്ചു. അ​ടി​യ​ന്ത​ര​മാ​യി ക​രാ​ർ റ​ദ്ദു​ചെ​യ്ത് സ​ർ​ക്കാ​ർ ഭൂ​മി ഏ​റ്റെ​ടു​ക്ക​ണം. അ​ധി​കാ​ര ദു​ർ​വി​നി​യോ​ഗ​ത്തി​നും അ​ഴി​മ​തി​ക്കും എം.​എം. മ​ണി​ക്കും അ​ന്ന​ത്തെ ഹൈ​ഡ​ൽ ടൂ​റി​സം ഡ​യ​റ​ക്ട​ർ​ക്കു​മെ​തി​രെ കേ​സെ​ടു​ക്ക​ണം. അ​ല്ലാ​ത്ത പ​ക്ഷം നി​യ​മ​ന​ട​പ​ടി​യു​മാ​യി മു​മ്പോ​ട്ട് പോ​കു​മെ​ന്നും ബി​ജോ മാ​ണി പ​റ​ഞ്ഞു.