കനത്ത മഴ; തൊമ്മൻകുത്ത്​ വെള്ളച്ചാട്ടത്തിന്​ സമീപം വിനോദസഞ്ചാരികൾ കുടുങ്ങി

തൊ​ടു​പു​ഴ: ക​ന​ത്ത മ​ഴ​യി​ൽ വെ​ള്ളം കു​ത്തി​യൊ​ലി​ച്ചെ​ത്തി​യ​തി​നെ തു​ട​ർ​ന്ന് ഇ​ടു​ക്കി തൊ​മ്മ​ൻ​കു​ത്ത് വെ​ള്ള​ച്ചാ​ട്ട​ത്തി​ന് സ​മീ​പം വി​നോ​ദ​സ​ഞ്ചാ​രി​ക​ൾ കു​ടു​ങ്ങി. ഇ​വ​രെ വ​നം വ​കു​പ്പും ടൂ​റി​സ്റ്റ് ഗൈ​ഡു​ക​ളും നാ​ട്ടു​കാ​രും ചേ​ർ​ന്ന് ര​ക്ഷ​പ്പെ​ടു​ത്തി. ഞാ​യ​റാ​ഴ്ച വൈ​കീ​ട്ട് നാ​ല​ര​യോ​ടെ തൊ​മ്മ​ൻ​കു​ത്ത് ഏ​ഴു​നി​ല കു​ത്തി​ന് സ​മീ​പ​മാ​ണ് സം​ഭ​വം. അ​വ​ധി ദി​ന​മാ​യി​രു​ന്ന​തി​നാ​ൽ വെ​ള്ള​ച്ചാ​ട്ടം കാ​ണാ​ൻ സ​ഞ്ചാ​രി​ക​ളു​ടെ വ​ലി​യ തി​ര​ക്കാ​യി​രു​ന്നു. അ​പ​ക​ട സ​മ​യം നൂ​റി​ല​ധി​കം ആ​ളു​ക​ൾ വെ​ള്ള​ച്ചാ​ട്ട​ത്തി​ന് സ​മീ​പ​മു​ണ്ടാ​യി​രു​ന്ന​താ​യി ദൃ​ക്സാ​ക്ഷി​ക​ൾ പ​റ​ഞ്ഞു.

വെ​ള്ള​ച്ചാ​ട്ട​ത്തി​ന് സ​മീ​പം മ​ഴ​യി​ല്ലാ​യി​രു​ന്നെ​ങ്കി​ലും വെ​ൺ​മ​ണി, പാ​ൽ​ക്കു​ളം​മേ​ട്, മ​ന​യ​ത്ത​ടം മ​ല​ക​ളി​ൽ ശ​ക്ത​മാ​യ മ​ഴ പെ​യ്തി​രു​ന്നു. ഇ​വി​ട​ങ്ങ​ളി​ൽ​നി​ന്ന്​ മ​ല​വെ​ള്ളം അ​പ്ര​തീ​ക്ഷി​ത​മാ​യി കു​ത്തി​യൊ​ലി​ച്ച് വെ​ള്ള​ച്ചാ​ട്ട​ത്തി​ലേ​ക്കെ​ത്തു​ക​യാ​യി​രു​ന്നു. ഈ ​സ​മ​യം വെ​ള്ള​ച്ചാ​ട്ട​ത്തി​ന് താ​ഴെ ചെ​റി​യ തു​രു​ത്തി​ൽ ഫോ​ട്ടോ എ​ടു​ക്കാ​നും കാ​ഴ്ച കാ​ണാ​നും നി​ര​വ​ധി​യാ​ളു​ക​ൾ ഉ​ണ്ടാ​യി​രു​ന്നു. മ​ല​വെ​ള്ള​ത്തി​ന്‍റെ ശ​ക്തി കൂ​ടി​വ​രു​ന്ന​തി​നി​ടെ ചി​ല​ർ വ​സ്ത്ര​ങ്ങ​ൾ കൂ​ട്ടി​ക്കെ​ട്ടി മ​റു​ക​ര​യി​ൽ നി​ന്ന​വ​രു​ടെ സ​ഹാ​യ​ത്തോ​ടെ ര​ക്ഷ​പ്പെ​ട്ടു.

എ​ന്നാ​ൽ, അ​വി​ടെ​യു​ണ്ടാ​യി​രു​ന്ന യു​വാ​വും യു​വ​തി​യും കു​ടു​ങ്ങി​പ്പോ​യി. ഉ​ട​ൻ വ​നം വ​കു​പ്പ്​ ഉ​ദ്യോ​ഗ​സ്ഥ​രും സ്ഥ​ല​ത്തു​ണ്ടാ​യി​രു​ന്ന ടൂ​റി​സ്റ്റ് ഗൈ​ഡു​ക​ളും സ്ഥ​ല​ത്തേ​ക്കെ​ത്തി. ഗോ​വ​ണി വെ​ച്ച് സ​മീ​പ​ത്തെ മ​ര​ത്തി​ലൂ​ടെ ക​യ​റി ഇ​രു​വ​ർ​ക്കും സ​മീ​പ​മെ​ത്തി. തു​ട​ർ​ന്ന് ഇ​രു​വ​രെ​യും മ​ര​ത്തി​ലേ​ക്ക് ക​യ​റ്റി ഗോ​വ​ണി വ​ഴി മ​റു​ക​ര​യി​ൽ എ​ത്തി​ക്കു​ക​യാ​യ​യി​രു​ന്നു.

പ്ര​ദേ​ശ​ത്ത് മ​ഴ ഇ​ല്ലെ​ങ്കി​ലും അ​ക​ലെ മ​ല​നി​ര​ക​ളി​ൽ മ​ഴ പെ​യ്താ​ൽ വെ​ള്ള​ച്ചാ​ട്ട​ത്തി​ലേ​ക്ക് അ​നി​യ​ന്ത്രി​ത​മാ​യ തോ​തി​ൽ വെ​ള്ളം കു​ത്തി​യൊ​ലി​ച്ചെ​ത്തു​മെ​ന്ന് ര​ക്ഷാ​പ്ര​വ​ർ​ത്ത​ക​ർ പ​റ​ഞ്ഞു. നീ​രൊ​ഴു​ക്ക് വ​ർ​ധി​ച്ച​പ്പോ​ൾ ത​ന്നെ തു​രു​ത്തി​ലു​ണ്ടാ​യി​രു​ന്ന​വ​രി​ൽ ഭൂ​രി​ഭാ​ഗം ആ​ളു​ക​ളും ക​ര​യി​ലേ​ക്ക് മാ​റി​യ​തി​നാ​ൽ വ​ൻ ദു​ര​ന്ത​മാ​ണ് ഒ​ഴി​വാ​യ​ത്.