കനത്തമഴ; ഇടുക്കി ജില്ലയിൽ വ്യാപക നാശം

തൊ​ടു​പു​ഴ: ക​ഴി​ഞ്ഞ ദി​വ​സം ജി​ല്ല​യി​ലു​ണ്ടാ​യ ക​ന​ത്ത മ​ഴ​യി​ൽ വ്യാ​പ​ക നാ​ശം. പ​ല​യി​ട​ത്തും ഉ​രു​ൾ​പൊ​ട്ടി​യും മ​ണ്ണി​ടി​ഞ്ഞും വ്യാ​പ​ക​കൃ​ഷി നാ​ശ​മു​ണ്ടാ​യി. വെ​ള്ളി​യാ​ഴ്ച വൈ​കീ​ട്ട്​ മു​ത​ൽ രാ​ത്രി​വ​രെ പെ​യ്ത മ​ഴ​യി​ലാ​ണ്​ ജി​ല്ല​യു​ടെ വി​വി​ധ പ്ര​ദേ​ശ​ങ്ങ​ളി​ൽ നാ​ശ​ന​ഷ്ട​ങ്ങ​ൾ ഉ​ണ്ടാ​യ​ത്. ഉ​രു​ൾ​പൊ​ട്ടി​യ പൂ​ച്ച​പ്ര​യി​ലും കു​ള​പ്പു​റ​ത്തും ഏ​ക്ക​ർ​ക​ണ​ക്കി​ന് കൃ​ഷി ന​ശി​ച്ചു. തൊ​ടു​പു​ഴ-​പു​ളി​യ​ൻ​മ​ല സം​സ്ഥാ​ന പാ​ത​യി​ൽ മ​ണ്ണി​ടി​ഞ്ഞു. ഗ​താ​ഗ​തം ഭാ​ഗി​ക​മാ​യി പു​നഃ​സ്ഥാ​പി​ച്ചു. അ​പ​ക​ട സാ​ധ്യ​ത മു​ന്നി​ൽ​ക്ക​ണ്ട് ദു​രി​താ​ശ്വാ​സ ക്യാ​മ്പു​ക​ളും തു​റ​ന്നി​ട്ടു​ണ്ട്. ഹൈ​റേ​ഞ്ചി​ൽ കാ​ര്യ​മാ​യ പ്ര​ശ്ന​ങ്ങ​ളു​ണ്ടാ​ക്കി​യി​ല്ലെ​ങ്കി​ലും ലോ ​റേ​ഞ്ചി​ൽ മ​ഴ വ്യാ​പ​ക നാ​ശ​ന​ഷ്ട​മു​ണ്ടാ​ക്കി.

തൊ​ടു​പു​ഴ പൂ​ച്ച​പ്ര​യി​ലും കു​ള​പ്പ​റ​ത്തു​മു​ണ്ടാ​യ ഉ​രു​ൾ​പൊ​ട്ട​ലി​ൽ കൃ​ഷി​യി​ട​ങ്ങ​ൾ ന​ശി​ച്ചു. റോ​ഡ് ത​ക​ർ​ന്നു, വൈ​ദ്യു​തി ബ​ന്ധം ത​ക​രാ​റി​ലു​മാ​യി. ര​ണ്ട് വീ​ടി​ന്​ കേ​ടു​പാ​ട്​ സം​ഭ​വി​ച്ചു. അ​പ​ക​ട സാ​ധ്യ​ത​യു​ള്ള ഇ​ട​ങ്ങ​ളി​ൽ​നി​ന്ന് ആ​ളു​ക​ളെ മാ​റ്റി​പാ​ർ​പ്പി​ച്ചി​ട്ടു​ണ്ട്. ദു​രി​താ​ശ്വാ​സ ക്യാ​മ്പു​ക​ളും തു​റ​ന്നു. ക​ന​ത്ത മ​ഴ​യു​ടെ പ​ശ്ചാ​ത്ത​ല​ത്തി​ൽ ജി​ല്ല​യി​ൽ രാ​ത്രി യാ​ത്ര​ക്ക് നി​രോ​ധ​നം ഏ​ർ​പ്പെ​ടു​ത്തി. ഉ​ടു​മ്പ​ന്നൂ​രി​ൽ വെ​ള്ളി​യാ​ഴ്​​ച വൈ​കീ​ട്ട്​ മു​ത​ൽ രാ​ത്രി​വ​രെ പെ​യ്ത​ത്​ 233 മി​ല്ലി​മീ​റ്റ​ർ മ​ഴ​യാ​ണ്.

ചെ​റി​യ സ​മ​യ​ത്തി​നു​ള്ളി​ൽ സം​സ്ഥാ​ന​ത്ത് ഏ​റ്റ​വു​മ​ധി​കം മ​ഴ ല​ഭി​ച്ച സ്ഥ​ല​ങ്ങ​ളി​ലൊ​ന്നാ​ണ് ഉ​ടു​മ്പ​ന്നൂ​ർ. തൊ​ടു​പു​ഴ, മൂ​ല​മ​റ്റം, വെ​ള്ളി​യാ​മ​റ്റം തു​ട​ങ്ങി​യ ലോ​റേ​ഞ്ച് മേ​ഖ​ല​ക​ളി​ലും കു​ള​മാ​വ്, വാ​ഗ​മ​ൺ എ​ന്നി​വി​ട​ങ്ങ​ളി​ലും അ​തി​ശ​ക്ത​മാ​യ മ​ഴ​യാ​ണ് ല​ഭി​ച്ച​ത്. ജ​ല​നി​ര​പ്പ്​ ഉ​യ​ർ​ന്ന​തി​നെ തു​ട​ർ​ന്ന്​ മ​ല​ങ്ക​ര ഡാ​മി​ലെ അ​ഞ്ച്​ ഷ​ട്ട​ർ ഒ​ന്ന​ര​മീ​റ്റ​ർ വീ​തം ഉ​യ​ർ​ത്തി ജ​ലം പു​റ​ത്തേ​ക്ക് ഒ​ഴു​ക്കു​ന്നു​ണ്ട്. തൊ​ടു​പു​ഴ, മൂ​വാ​റ്റു​പു​ഴ ന​ദി​ക​ളു​ടെ തീ​ര​ത്ത് താ​മ​സി​ക്കു​ന്ന​വ​ർ ജാ​ഗ്ര​ത പു​ല​ർ​ത്ത​ണ​മെ​ന്ന്​ അ​ധി​കൃ​ത​ർ അ​റി​യി​ച്ചു. ശ​നി​യാ​ഴ്ച പൊ​തു​വെ ജി​ല്ല​യു​ടെ വി​വി​ധ ഭാ​ഗ​ങ്ങ​ൾ മ​ഴ കു​റ​വാ​ണ്​ അ​നു​ഭ​വ​പ്പെ​ട്ട​ത്.

ജാ​ഗ്ര​ത പാ​ലി​ക്ക​ണം -ക​ല​ക്ട​ർ

തൊ​ടു​പു​ഴ: മ​ഴ ക​ന​ത്ത സാ​ഹ​ച​ര്യ​ത്തി​ൽ പൊ​തു​ജ​ന​ങ്ങ​ൾ ജാ​ഗ്ര​ത പാ​ലി​ക്ക​ണ​മെ​ന്ന് ക​ല​ക്ട​ർ ഷീ​ബ ജോ​ർ​ജ് അ​റി​യി​ച്ചു. ജി​ല്ല ഭ​ര​ണ​കൂ​ട​വും ദു​ര​ന്ത നി​വാ​ര​ണ അ​തോ​റി​റ്റി​യും ന​ൽ​കു​ന്ന മു​ന്ന​റി​യി​പ്പ്​ അ​വ​ഗ​ണി​ക്ക​രു​തെ​ന്നും അ​വ​ർ പ​റ​ഞ്ഞു. രാ​ത്രി​യി​ൽ മ​ല​യോ​ര യാ​ത്ര ഒ​ഴി​വാ​ക്ക​ണം. തോ​ടു​ക​ളി​ലും അ​രു​വി​ക​ളി​ലും ഇ​റ​ങ്ങ​രു​ത്. ദു​ര​ന്ത നി​വാ​ര​ണ പ്ര​തി​രോ​ധ പ്ര​വ​ർ​ത്ത​ന​ങ്ങ​ളി​ൽ ഏ​ത് അ​ടി​യ​ന്ത​ര സാ​ഹ​ച​ര്യ​വും നേ​രി​ടാ​ൻ ജി​ല്ല സ​ജ്ജ​മാ​ണ്. എ​ന്നാ​ൽ, പൊ​തു​ജ​ന​ങ്ങ​ളു​ടെ സ​ഹ​ക​ര​ണം കൂ​ടി ഇ​ക്കാ​ര്യ​ത്തി​ൽ വേ​ണം. ജാ​ഗ്ര​ത നി​ർ​ദേ​ശ​ങ്ങ​ൾ ക​ർ​ശ​ന​മാ​യി പാ​ലി​ക്ക​ണ​മെ​ന്ന്​ ക​ല​ക്ട​ർ അ​ഭ്യ​ർ​ഥി​ച്ചു.