‘ഹൃദ്യം’ ചേർത്തുപിടിച്ചത് 1206 കുരുന്നുഹൃദയങ്ങളെ...

തൊ​ടു​പു​ഴ: ‘ഹൃ​ദ്യം’ പ​ദ്ധ​തി​പ്ര​കാ​രം പു​തു​ജീ​വി​ത​ത്തി​ലേ​ക്ക്​ ന​ട​ന്നു​ക​യ​റി​യ​ത്​ 1206 കു​ട്ടി​ക​ൾ. ഹൃ​ദ​യ​രോ​ഗ​വു​മാ​യി ജ​നി​ക്കു​ന്ന കു​ട്ടി​ക​ൾ​ക്കു​ള്ള സം​സ്ഥാ​ന സ​ർ​ക്കാ​റി​ന്റെ സൗ​ജ​ന്യ ചി​കി​ത്സ പ​ദ്ധ​തി​യാ​യ ‘ഹൃ​ദ്യ’​ത്തി​ലൂ​ടെ​യാ​ണ്​ ജി​ല്ല​യി​ൽ ഈ ​കു​രു​ന്നു​ക​ൾ പു​തു​ജീ​വി​ത​ത്തി​ലേ​ക്ക് പി​ച്ച​വെ​ച്ച​ത്. ഇ​തി​ൽ 214 പേ​ർ​ക്കാ​ണ് ശ​സ്‍ത്ര​ക്രി​യ ആ​വ​ശ്യ​മാ​യി വ​ന്ന​ത്. അ​ടി​യ​ന്ത​ര സാ​ഹ​ച​ര്യ​മു​ള്ള​വ​ർ​ക്ക് മാ​ത്ര​മാ​ണ് ശ​സ്‍ത്ര​ക്രി​യ നി​ർ​ദേ​ശി​ക്കു​ന്ന​ത്‌. ശ​സ്‍ത്ര​ക്രി​യ​യി​ല്ലാ​തെ തു​ട​ർ​പ​രി​ശോ​ധ​ന​ക​ളി​ലൂ​ടെ ഭേ​ദ​പ്പെ​ട്ട​വ​രും ഉ​ൾ​പ്പെ​ടെ​യാ​ണ് 1206 പേ​ർ. 18 വ​യ​സ്സുവ​രെ​യു​ള്ള കു​ട്ടി​ക​ൾ​ക്ക് ‘ഹൃ​ദ്യ’​ത്തി​ലൂ​ടെ സൗ​ജ​ന്യ ചി​കി​ത്സ ല​ഭി​ക്കും.

2018 ജൂ​ണി​ൽ കു​മാ​ര​മം​ഗ​ലം സ്വ​ദേ​ശി​യാ​യ കു​ട്ടി​ക്കാ​യി​രു​ന്നു ജി​ല്ല​യി​ലെ ആ​ദ്യ ശ​സ്‍ത്ര​ക്രി​യ. 1.20 ല​ക്ഷം രൂ​പ​യാ​ണ് ചെ​ല​വാ​യ​ത്. ‘ഹൃ​ദ്യ’​ത്തി​ലൂ​ടെ ന​ട​ത്തു​ന്ന ശ​സ്‍ത്ര​ക്രി​യ​ക​ൾ​ക്ക് പ​ര​മാ​വ​ധി 1.70 ല​ക്ഷം രൂ​പ​യാ​ണ് സ​ർ​ക്കാ​ർ ആ​ശു​പ​ത്രി​ക​ൾ​ക്ക് ന​ൽ​കു​ന്ന​ത്. 2017 അ​വ​സാ​ന​മാ​ണ് ജി​ല്ല​യി​ൽ ‘ഹൃ​ദ്യം’ പ​ദ്ധ​തി ആ​രം​ഭി​ച്ച​ത്. ഒ​രു കു​ഞ്ഞ് ജ​നി​ച്ചാ​ൽ ആ​ശു​പ​ത്രി​ക​ളി​ലെ ‘ശ​ല​ഭം’ ന​ഴ്‍സു​മാ​ർ കു​ട്ടി​ക്ക് ഹൃ​ദ​യ​സം​ബ​ന്ധ​മാ​യ പ്ര​ശ്‍ന​ങ്ങ​ളു​ണ്ടോ​യെ​ന്ന് പ​രി​ശോ​ധി​ക്കും. ക​ണ്ടെ​ത്തി​യാ​ൽ ഡോ‍ക്‍ട​റു​ടെ സേ​വ​ന​ത്തി​ലൂ​ടെ അ​വ​സ്ഥ മ​ന​സി​ലാ​ക്കി ആ​ശു​പ​ത്രി​യി​ൽ​നി​ന്ന് ത​ന്നെ ‘ഹൃ​ദ്യ’​ത്തി​ൽ ര​ജി​സ്‍റ്റ​ർ ചെ​യ്യും.

സ്വ​കാ​ര്യ ആ​ശു​പ​ത്രി​ക​ളി​ൽ ക​ണ്ടെ​ത്തു​ന്ന​തും ര​ജി​സ്റ്റ​ർ ചെ​യ്യാം. ഇ​തോ​ടെ ജി​ല്ല​യി​ലെ മാ​നേ​ജ​ർ​ക്ക് സ​ന്ദേ​ശ​മെ​ത്തും. ര​ജി​സ്റ്റ​ർ ചെ​യ്യു​മ്പോ​ൾ ന​ൽ​കുന്ന വി​വ​ര​ങ്ങ​ൾ വ്യ​ക്ത​വും കൃ​ത്യ​വു​മാ​ണെ​ന്ന് പ​രി​ശോ​ധി​ച്ച​ശേ​ഷം പ​ദ്ധ​തി​യി​ൽ എം. ​പാ​ന​ൽ ചെ​യ്‍തി​രി​ക്കു​ന്ന ആ​ശു​പ​ത്രി​ക​ൾ​ക്ക് റി​പ്പോ​ർ​ട്ട്ചെ​യ്യും. കു​റ​ഞ്ഞ​ത് മൂ​ന്ന് ഡോ​ക്‍ട​ർ​മാ​രു​ടെ​യെ​ങ്കി​ലും അ​ഭി​പ്രാ​യം സ്വീ​ക​രി​ച്ച​ശേ​ഷ​മാ​കും തു​ട​ർ​ചി​കി​ത്സ തീ​രു​മാ​നി​ക്കു​ക. വി​വ​രം സം​സ്ഥാ​ന നോ​ഡ​ൽ ഓ​ഫി​സ​റെ​യും അ​റി​യി​ക്കും. ശ​സ്‍ത്ര​ക്രി​യ​യോ ആ​ശു​പ​ത്രി ചി​കി​ത്സ​യോ ക​ഴി​ഞ്ഞാ​ൽ ആ​ർ.​ബി.​എ​സ്‍.​കെ ന​ഴ്‍സു​മാ​ർ മാ​സം​തോ​റും കു​ട്ടി​യു​ടെ വീ​ടു​ക​ളി​ലെ​ത്തി തു​ട​ർ​പ​രി​ച​ര​ണം ഉ​റ​പ്പാ​ക്കും. ഒ​രു​കു​ട്ടി​ക്ക് ത​ന്നെ ഒ​ന്നി​ല​ധി​കം ശ​സ്‍ത്ര​ക്രി​യ​ക​ൾ വേ​ണ്ടി​വ​ന്നാ​ലും ‘ഹൃ​ദ്യ’​ത്തി​ലൂ​ടെ സാ​ധ്യ​മാ​ണ്. വെ​ബ്സൈ​റ്റ്: www.hridyam.kerala.gov.in. ഫോ​ൺ: 04862293105, 9946102621.