പ്രതികൂല കാലാവസ്ഥ തടസ്സമായില്ല; ഓണക്കാലത്ത്​ ഇടുക്കിയിലേക്ക്​ സഞ്ചാരികൾ ഒഴുകി

തൊ​ടു​പു​ഴ: പ്ര​തി​കൂ​ല കാ​ലാ​വ​സ്ഥ​യി​ലും സ​ഞ്ചാ​രി​ക​ൾ ഇ​ടു​ക്കി​യെ കൈ​വി​ട്ടി​ല്ല. ഓ​ണാ​വ​ധി​ക്കാ​ല​ത്ത് ഇ​ക്കു​റി മു​ൻ വ​ർ​ഷ​ത്തേ​ക്കാ​ൾ സ​ഞ്ചാ​രി​ക​ൾ ഇ​ടു​ക്കി​യി​ലെ ടൂ​റി​സ്റ്റ്​ സ​​ങ്കേ​ത​ങ്ങ​ൾ​ തേ​ടി​യെ​ത്തി. രാ​ത്രി​കാ​ല യാ​ത്രാ​നി​രോ​ധ​ന​വും കാ​ലാ​വ​സ്ഥ മു​ന്ന​റി​യി​പ്പും ക​രി​നി​ഴ​ലാ​യി നി​ൽ​ക്കെ​ത്ത​ന്നെ​യാ​ണ്​ സ​ഞ്ചാ​രി​ക​ൾ ഇ​ത്ത​വ​ണ കൂ​ടു​ത​ലാ​യി എ​ത്തി​യ​ത്. ഉ​ത്രാ​ട ദി​ന​മാ​യി​രു​ന്ന 14 മു​ത​ൽ 22 വ​രെ​യു​ള്ള ദി​വ​സ​ങ്ങ​ളി​ൽ ജി​ല്ല​യി​ൽ ഡി.​ടി.​പി.​സി​യു​ടെ കീ​ഴി​ലു​ള്ള പ്ര​ധാ​ന ടൂ​റി​സം കേ​ന്ദ്ര​ങ്ങ​ളി​ൽ മാ​ത്രം 1,64,205 പേ​ർ സ​ന്ദ​ർ​ശ​നം ന​ട​ത്തി. ഏ​റ്റ​വും കൂ​ടു​ത​ൽ സ​ഞ്ചാ​രി​ക​ൾ എ​ത്തി​യ​ത് വാ​ഗ​മ​ൺ

മൊ​ട്ട​ക്കു​ന്നി​ലാ​ണ്- 54,590 പേ​ർ. ഇ​ടു​ക്കി ഹി​ൽ​വ്യൂ പാ​ർ​ക്കി​ൽ മു​ൻ വ​ർ​ഷ​ത്തേ​ക്കാ​ൾ ഇ​ര​ട്ടി​യി​ല​ധി​കം പേ​രെ​ത്തി. എ​ന്നാ​ൽ മാ​ട്ടു​പ്പെ​ട്ടി, രാ​മ​ക്ക​ൽ​മേ​ട്, ശ്രീ​നാ​രാ​യ​ണ​പു​രം എ​ന്നി​വി​ട​ങ്ങ​ളി​ൽ സ​ഞ്ചാ​രി​ക​ളു​ടെ എ​ണ്ണം കു​റ​ഞ്ഞു. 2023ൽ ​ഓ​ണാ​വ​ധി​ക്ക് ജി​ല്ല​യി​ലെ ഡി.​ടി.​പി.​സി​യു​ടെ ടൂ​റി​സം കേ​ന്ദ്ര​ങ്ങ​ളി​ൽ എ​ത്തി​യ​ത് ആ​കെ 1,34,522 സ​ഞ്ചാ​രി​ക​ളാ​യി​രു​ന്നു. ഇ​ത്ത​വ​ണ 29,683 പേ​ർ കൂ​ടു​ത​ൽ എ​ത്തി. ഇ​തോ​ടെ, ടൂ​റി​സം മേ​ഖ​ല​യെ ആ​ശ്ര​യി​ച്ചു ക​ഴി​യു​ന്ന വ്യാ​പാ​രി​ക​ൾ, ഹോ​ട്ട​ൽ, വ​ഴി​യോ​ര​ക്ക​ച്ച​വ​ട​ക്കാ​ർ എ​ന്നി​വ​ർ​ക്കും ഓ​ണം സീ​സ​ൺ ത്രി​ല്ലാ​യി.

ഡി.​ടി.​പി.​സി​യു​ടെ കീ​ഴി​ലു​ള്ള കേ​ന്ദ്ര​ങ്ങ​ൾ​ക്ക്​ പു​റ​മേ ജി​ല്ല​യി​ലെ വ​നം​വ​കു​പ്പി​ന്റെ കീ​ഴി​ലെ കേ​ന്ദ്ര​ങ്ങ​ളി​ലും ഹൈ​ഡ​ൽ ടൂ​റി​സം കേ​ന്ദ്ര​ങ്ങ​ളി​ലും സ‍ഞ്ചാ​രി​ക​ളു​ടെ തി​ര​ക്കു​ണ്ടാ​യി. മൂ​ന്നാ​റി​ൽ സ​ഞ്ചാ​രി​ക​ൾ ഏ​റെ​യെ​ത്തി​യെ​ങ്കി​ലും റി​സോ​ർ​ട്ടു​ക​ളി​ലും മ​റ്റും മു​റി​യെ​ടു​ത്ത് താ​മ​സി​ക്കു​ന്ന​വ​രു​ടെ എ​ണ്ണം കു​റ​വാ​യി​രു​ന്നു. രാ​വി​ലെ​യെ​ത്തി സ്ഥ​ല​ങ്ങ​ൾ സ​ന്ദ​ർ​ശി​ച്ച​ശേ​ഷം വൈ​കീ​ട്ട് മ​ട​ങ്ങി​പ്പോ​കു​ന്ന​വ​രാ​യി​രു​ന്നു അ​ധി​ക​വും. പൂ​ജ അ​വ​ധി ദി​ന​ങ്ങ​ളി​ലും ദീ​പാ​വ​ലി​ക്കും കൂ​ടു​ത​ൽ സ​ഞ്ചാ​രി​ക​ളെ പ്ര​തീ​ക്ഷി​ക്കു​ക​യാ​ണ്​ മൂ​ന്നാ​റും വാ​ഗ​മ​ണ്ണു​മൊ​ക്കെ.