മോദി വീണ്ടും അധികാരത്തിൽ വന്നാൽ ഇന്ത്യയെ ഹിന്ദുരാഷ്​​ട്രമാക്കും -എം.വി. ഗോവിന്ദൻ

തൊ​ടു​പു​ഴ: ന​രേ​ന്ദ്ര​മോ​ദി 2024ൽ ​വീ​ണ്ടും അ​ധി​കാ​ര​ത്തി​ൽ വ​ന്നാ​ൽ ഇ​ന്ത്യ​യെ ഹി​ന്ദു​രാ​ഷ്ട്ര​മാ​ക്കു​ക എ​ന്ന ല​ക്ഷ്യം ആ​ർ.​എ​സ്.​എ​സി​ന്‍റെ ശ​താ​ബ്​​ദി വ​ർ​ഷ​മാ​യ 2025ൽ ​യ​ഥാ​ർ​ഥ്യ​മാ​ക്കു​മെ​ന്ന്​ സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ. ബി.​ജെ.​പി​യു​ടെ ഈ ​ല​ക്ഷ്യ​ത്തെ പി​ന്തു​ണ​ക്കു​ന്ന നി​ല​പാ​ടാ​ണ്​ കെ.​പി.​സി.​സി അ​ധ്യ​ക്ഷ​ൻ സ്വീ​ക​രി​ക്കു​ന്ന​തെ​ന്നും അ​ദ്ദേ​ഹം പ​റ​ഞ്ഞു. കെ.​എ​സ്. കൃ​ഷ്ണ​പി​ള്ള ര​ക്ത​സാ​ക്ഷി ദി​നാ​ച​ര​ണ​ത്തോ​ട​നു​ബ​ന്ധി​ച്ച്​ സി.​പി.​എം തൊ​ടു​പു​ഴ ഈ​സ്റ്റ്​ ഏ​രി​യ ക​മ്മി​റ്റി സം​ഘ​ടി​പ്പി​ച്ച പൊ​തു​സ​​മ്മേ​ള​നം ഉ​ദ്​​ഘാ​ട​നം ചെ​യ്യു​ക​യാ​യി​രു​ന്നു എം.​വി. ഗോ​വി​ന്ദ​ൻ.

ആ​ർ.​എ​സ്.​എ​സ്​ ശാ​ഖ​ക്ക്​ സം​ര​ക്ഷ​ണം ന​ൽ​കാ​ൻ ആ​ളെ അ​യ​ച്ചി​ട്ടു​ണ്ടെ​ന്നും നെ​ഹ്​​റു​പോ​ലും ഫാ​ഷി​സ​ത്തോ​ട്​ സ​ന്ധി​ ചെ​യ്​​തെ​ന്നും വേ​ണ്ടി​വ​ന്നാ​ൽ ബി.​ജെ.​പി​യി​ൽ ചേ​രു​മെ​ന്നും കെ.​പി.​സി.​സി അ​ധ്യ​ക്ഷ​ൻ കെ. ​സു​ധാ​ക​​ര​ൻ​ പ​ര​സ്യ​മാ​യി പ്ര​ഖ്യാ​പി​ക്കു​ന്നു. ച​രി​ത്ര​ത്തി​ന്‍റെ ബാ​ല​പാ​ഠം പോ​ലും അ​റി​യാ​തെ സു​ധാ​ക​ര​ൻ പ​റ​യു​ന്ന​തി​നെ നാ​ക്കു​പി​ഴ​യെ​ന്ന്​ പ​റ​ഞ്ഞ്​ ഹൈ​ക​മാ​ൻ​ഡ്​ നി​സ്സാ​ര​വ​ത്​​ക​രി​ക്കു​ന്നു. ആ ​നാ​ക്കു​പി​ഴ ശ​രി​യാ​യ പി​ഴ​യ​ല്ല. നെ​ഹ്​​റു​വി​നെ വ​ർ​ഗീ​യ​വാ​ദി​ക​ളു​ടെ കൂ​ട്ട​ത്തി​ൽ കെ​ട്ടാ​നാ​ണ്​ സു​ധാ​ക​ര​ൻ ശ്ര​മി​ക്കു​ന്ന​ത്. ഇ​ന്ത്യ​യെ ഹി​ന്ദു​രാ​ഷ്ട്ര​മാ​ക്കു​ന്ന​തി​ന്‍റെ ഭാ​ഗ​മാ​യാ​ണ്​ ഭ​ര​ണ​ഘ​ട​ന​യും മ​തേ​ത​ര​മൂ​ല്യ​ങ്ങ​ളും ഇ​ല്ലാ​താ​ക്കി ഏ​ക സി​വി​ൽ​കോ​ഡ്​ കൊ​ണ്ടു​വ​രാ​നു​ള്ള നീ​ക്കം.

ബി.​ജെ.​പി ഭ​രി​ക്കു​ന്ന സം​സ്ഥാ​ന​ങ്ങ​ളി​ൽ 52 ശ​ത​മാ​നം ആ​ളു​ക​ൾ വ​രെ പ​ട്ടി​ണി കി​ട​ക്കു​മ്പോ​ൾ ഇ​ട​തു​സ​ർ​ക്കാ​ർ സ​മൂ​ഹ​ത്തി​ലെ അ​ടി​ത്ത​ട്ടി​ലു​ള്ള​വ​രെ ചേ​ർ​ത്തു​പി​ടി​ച്ച്​ ലോ​ക​ത്തി​ന്​ മാ​തൃ​ക​യാ​യ കേ​ര​ള മോ​ഡ​ൽ വി​ക​സ​ന​ത്തി​ലൂ​ടെ അ​തി​ദ​രി​ദ്ര​രി​ല്ലാ​ത്ത നാ​ടാ​ക്കി ​സം​സ്ഥാ​ന​ത്തെ മാ​റ്റു​ക​യാ​ണെ​ന്നും എം.​വി. ഗോ​വി​ന്ദ​ൻ പ​റ​ഞ്ഞു. സി.​പി.​എം ജി​ല്ല സെ​ക്ര​ട്ട​റി സി.​വി. വ​ർ​ഗീ​സ്, ഏ​രി​യ സെ​ക്ര​ട്ട​റി മു​ഹ​മ്മ​ദ്​ ഫൈ​സ​ൽ, ന​ഗ​ര​സ​ഭ ചെ​യ​ർ​മാ​ൻ സ​നീ​ഷ്​ ജോ​ർ​ജ്, എം.​എം. മാ​ത്യു ​തു​ട​ങ്ങി​യ​വ​ർ സം​സാ​രി​ച്ചു. സ​മ്മേ​ള​ന​ത്തി​ന്​ മു​ന്നോ​ടി​യാ​യി ന​ഗ​ര​ത്തി​ൽ പ്ര​ക​ട​നം ന​ട​ന്നു. കോ​ഴി​ക്കോ​ട്​ രം​ഗ​ഭാ​ഷ​യു​ടെ മൂ​ക്കു​ത്തി നാ​ട​ക​വും അ​ര​ങ്ങേ​റി. സി.​പി.​എം മൂ​ല​മ​റ്റം ഏ​രി​യ ക​മ്മി​റ്റി സം​ഘ​ടി​പ്പി​ച്ച ര​ക്ത​സാ​ക്ഷി ദി​നാ​ച​ര​ണം മ​ന്ത്രി വി.​എ​ൻ. വാ​സ​വ​ൻ ഉ​ദ്​​ഘാ​ട​നം ചെ​യ്തു.