ഇടവെട്ടി പഞ്ചായത്തിൽ തൊഴിലുറപ്പ് പദ്ധതിയിലെ ക്രമക്കേട്​; തുക തിരിച്ചടക്കാൻ ഉത്തരവ്

തൊ​ടു​പു​ഴ: ഇ​ട​വെ​ട്ടി ഗ്രാ​മ​പ​ഞ്ചാ​യ​ത്തി​ലെ തൊ​ഴി​ലു​റ​പ്പ് പ​ദ്ധ​തി​യി​ൽ ക്ര​മ​ക്കേ​ട്. 2020-21 സാ​മ്പ​ത്തി​ക വ​ർ​ഷ​ത്തി​ൽ പൂ​ർ​ത്തി​യാ​ക്കാ​തെ വാ​ങ്ങി​യ 24 പ​ദ്ധ​തി​ക​ളു​ടെ തു​ക തി​രി​കെ അ​ട​ക്കാ​ൻ ഉ​ത്ത​ര​വ്. ഈ ​പ​ദ്ധ​തി​ക​ളി​ലാ​യി ചെ​ല​വ​ഴി​ച്ച 3,81,130 രൂ​പ അ​ന്ന​ത്തെ നി​ർ​വ​ഹ​ണ ഉ​ദ്യോ​ഗ​സ്ഥ​രി​ൽ നി​ന്ന്​ ഈ​ടാ​ക്കാ​നാ​ണ്​ ജി​ല്ല ക​ല​ക്​​ട​റു​ടെ നി​ർ​ദേ​ശം.

സോ​ഷ്യ​ൽ ഓ​ഡി​റ്റ് വി​ഭാ​ഗ​ത്തി​ന്‍റെ പ​രി​ശോ​ധ​ന​യി​ൽ 2022-23 സാ​മ്പ​ത്തി​ക വ​ർ​ഷ​ത്തെ സോ​ഷ്യ​ൽ ഓ​ഡി​റ്റി​ൽ ഇ​ട​വെ​ട്ടി പ​ഞ്ചാ​യ​ത്തി​ൽ 24 പ്ര​വൃ​ത്തി​ക​ൾ ക്ലോ​സ്​ ചെ​യ്​​തി​ട്ടി​​ല്ലെ​ന്ന്​ ക​ണ്ടെ​ത്തി​യി​രു​ന്നു. മാ​ർ​ച്ച്​ 2024 ൽ ​പ്ര​വൃ​ത്തി​ക​ൾ പു​ന​ർ നി​ർ​മി​ച്ച്​ ന​ട​പ​ടി കൈ​ക്കൊ​ള്ളു​മെ​ന്ന്​ അ​റി​യി​ച്ചി​രു​ന്നെ​ങ്കി​ലും നാ​ളി​തു​വ​രെ പ്ര​വൃ​ത്തി​ക​ൾ റി​പ്പോ​ർ​ട്ട്​ ചെ​യ്​​തി​ട്ടി​ല്ലെ​ന്ന്​ പ്രോ​ഗ്രാം ഓ​ഫി​സ​ർ ചൂ​ണ്ടി​ക്കാ​ട്ടി​യി​ട്ടു​ണ്ട്.

സം​സ്​​ഥാ​ന മി​ഷ​ന്‍റെ അ​ക്കൗ​ണ്ടി​ൽ തു​ക ഒ​ടു​ക്ക​ണ​മെ​ന്നും അ​ക്കാ​ര്യം അ​ടി​യ​ന്ത​ര​മാ​യി റി​പ്പോ​ർ​ട്ട്​ ചെ​യ്യ​ണ​മെ​ന്നും ക​ല​ക്ട​റു​ടെ ഉ​ത്ത​ര​വി​ൽ പ​റ​യു​ന്നു. പ​ണം തി​രി​ച്ച​ട​ക്ക​ണ​മെ​ന്ന ഉ​ത്ത​ര​വ് വ​ന്ന​തോ​ടെ നി​ർ​വ​ഹ​ണ ഉ​ദ്യോ​ഗ​സ്ഥ​നാ​യ അ​ന്ന​ത്തെ പ​ഞ്ചാ​യ​ത്ത്‌ സെ​ക്ര​ട്ട​റി​യെ​യും പ്ര​സി​ഡ​ന്റി​നെ​യും സം​ര​ക്ഷി​ക്കു​ന്ന​തി​ന് തൊ​ഴി​ലു​റ​പ്പ് വി​ഭാ​ഗ​ത്തി​ലെ ക​രാ​ർ ജീ​വ​ന​ക്കാ​രെ ബ​ലി​യാ​ടാ​ക്കാ​നാ​ണ് ഭ​ര​ണ സ​മി​തി നീ​ക്കം ന​ട​ത്തു​ന്ന​തെ​ന്ന്​ എ​ൽ.​ഡി.​എ​ഫ്​ ഇ​ട​വെ​ട്ടി പ​ഞ്ചാ​യ​ത്ത്​ ക​ൺ​വീ​ന​ർ ടി.​എം മു​ജീ​ബ്​ അ​റി​യി​ച്ചു.

പ​ഞ്ചാ​യ​ത്തി​ന് ബാ​ധ്യ​ത​യാ​യ മു​ഴു​വ​ൻ തു​ക​യും ഉ​ത്ത​ര​വാ​ദി​ക​ളാ​യ​വ​രി​ൽ നി​ന്നും ഈ​ടാ​ക്കാ​തെ നി​ര​പ​രാ​ധി​ക​ളാ​യ ക​രാ​ർ ജീ​വ​ന​ക്കാ​രെ പ​ഴി​ചാ​രി കു​റ്റ​ക്കാ​രെ ര​ ക്ഷി​ക്കാ​ൻ ഭ​ര​ണ സ​മി​തി നീ​ക്കം ന​ട​ത്തു​ക​യാ​ണ്. ഇ​തി​നെ​തി​രെ എ​ൽ.​ഡി.​എ​ഫ്​ ശ​ക്ത​മാ​യ പ്ര​ക്ഷോ​ഭം സം​ഘ​ടി​പ്പി​ക്കു​മെ​ന്നും ടി.​എം. മു​ജീ​ബ് പ​റ​ഞ്ഞു.