റേഷനാണ്​... മുടക്കരുത്

തൊ​ടു​പു​ഴ: റേ​ഷ​ൻ വി​ത​ര​ണ​ത്തി​ൽ അ​ടി​ക്ക​ടി​യു​ണ്ടാ​കു​ന്ന മു​ട​ക്കം മ​ല​യോ​ര ജി​ല്ല​യി​ലെ ജ​ന​ങ്ങ​ളെ സാ​ര​മാ​യി ബാ​ധി​ക്കു​ന്നു. നെ​റ്റ്​ വ​ർ​ക്ക്​ ത​ക​രാ​റി​നെ തു​ട​ർ​ന്നും ഇ ​പോ​സ് മെ​ഷീ​ന്‍ പ​ണി​മു​ടക്കു​ന്ന​തും മൂ​ലം ജി​ല്ല​യി​ലെ റേ​ഷ​ന്‍ വി​ത​ര​ണം പ​ല​പ്പോ​ഴും ത​ട​സ്സ​പ്പെ​ടു​ക​യാ​ണ്. ഇ​തി​നി​ടെ​യാ​ണ് പു​തി​യ ബി​ല്ലി​ങ്ങ്​ സ​മ്പ്ര​ദാ​യം ഏ​ര്‍പ്പെ​ടു​ത്തു​ന്ന​തി​നെ തു​ട​ർ​ന്ന്​ റേ​ഷ​ന്‍ വി​ത​ര​ണം വീ​ണ്ടും ത​ട​സ്സ​പ്പെ​ട്ട​ത്. സാ​ങ്കേ​തി​ക ത​ക​രാ​ര്‍ മൂ​ലം മൂ​ന്ന്​ ദി​വ​സ​മാ​യി റേ​ഷ​ന്‍ വി​ത​ര​ണം ഭാ​ഗി​ക​മാ​യാ​ണ്​ ന​ട​ന്നി​രു​ന്ന​ത്. കേ​ന്ദ്ര​വി​ഹി​തം പ്ര​ത്യേ​കം രേ​ഖ​പ്പെ​ടു​ത്തു​ന്ന ബി​ല്ലി​ങ്ങി​ലേ​ക്ക് മാ​റാ​നാ​യി ഇ ​പോ​സ് മെ​ഷീ​നു​ക​ളു​ടെ സോ​ഫ്റ്റ് വെ​യ​റി​ല്‍ പു​തി​യ ഡേ​റ്റ അ​പ്‌​ഡേ​റ്റ് ചെ​യ്യു​ന്ന പ്ര​വ​ര്‍ത്ത​ന​ങ്ങ​ളാ​ണ് ന​ട​ന്നു വ​രു​ന്ന​ത്. ഇ​തേ തു​ട​ര്‍ന്നാ​ണ് ഇ ​പോ​സ് മെ​ഷീ​നു​ക​ള്‍ പ്ര​വ​ര്‍ത്ത​ന ര​ഹി​ത​മാ​യ​ത്. ഇ​തോ​ടെ ഇ ​പോ​സ് മെ​ഷീ​ന്‍ ഉ​പ​യോ​ഗി​ച്ച് ഉ​പ​ഭോ​ക്താ​ക്ക​ള്‍ക്ക് ഭ​ക്ഷ്യ ധാ​ന്യ​ങ്ങ​ള്‍ ന​ല്‍കാ​ന്‍ ക​ഴി​യാ​ത്ത അ​വ​സ്ഥ​യാ​യി. റേ​ഷ​ന്‍ ക​ട​യു​ട​മ​ക​ള്‍ക്ക് ഒ​രു വി​ധ​ത്തി​ലു​ള്ള അ​റി​യി​പ്പും ല​ഭി​ക്കാ​​തെ വ​ന്ന​തും പ്ര​തി​ഷേ​ധ​ത്തി​നി​ട​യാ​ക്കി. സാ​ങ്കേ​തി​ക ത​ക​രാ​ര്‍ മൂ​ലം റേ​ഷ​ന്‍ വി​ത​ര​ണം ത​ട​സ​പ്പെ​ട്ടി​രി​ക്കു​ന്നു എ​ന്ന ബോ​ര്‍ഡ് സ്ഥാ​പി​ച്ച ശേ​ഷം പ​ല​രും ജി​ല്ല​യി​ൽ ക​ട​യ​ട​ക്കു​ക​യും ചെ​യ്തു. ജി​ല്ല​യി​ൽ മാ​സ അ​വ​സാ​ന​ങ്ങ​ളി​ലാ​യാ​ണ്​ റേ​ഷ​ൻ ക​ട​ക​ളി​ൽ തി​ര​ക്ക​നു​ഭ​വ​പ്പെ​ട്ടി​രു​ന്ന​ത്. തി​ര​ക്ക്​ കൂ​ടു​മ്പോ​ൾ സെ​ർ​വ​ർ ത​ക​രാ​റും പ​തി​വാ​കും. ഇ​തി​നെ മ​റി​ക​ട​ക്കാ​ൻ മാ​സാ​രം​ഭ​ത്തി​ൽ ത​ന്നെ എ​ത്ത​ണ​മെ​ന്ന നി​ർ​ദേ​ശം റേ​ഷ​ൻ ക​ട​ക​ളി​ൽ നി​ന്ന്​ ന​ൽ​കാ​റു​ണ്ട്. ഇ​ങ്ങ​നെ എ​ത്തി​യ​വ​ർ​ക്കും റേ​ഷ​ൻ വി​ത​ര​ണം ത​ട​സ​പ്പെ​ട്ട​ത്​ വെ​ല്ലു​വി​ളി​യാ​യി. ജോ​ലി മാ​റ്റി​വെ​ച്ച് മാ​സാ​ദ്യം സാ​ധ​ന​ങ്ങ​ൾ വാ​ങ്ങാ​നെ​ത്തു​ന്ന​വ​ര്‍ വെ​റും​ക​യ്യോ​ടെ മ​ട​ങ്ങേ​ണ്ടി​യും വ​ന്നു. അ​ടി​ക്ക​ടി ആ​വ​ര്‍ത്തി​ക്കു​ന്ന ത​ക​രാ​റി​ന് ഉ​പ​ഭോ​ക്താ​ക്ക​ളോ​ട് മ​റു​പ​ടി പ​റ​ഞ്ഞ് മ​ടു​ത്ത​താ​യി റേ​ഷ​ൻ വ്യാ​പാ​രി​ക​ളും ചൂ​ണ്ടി​ക്കാ​ട്ടു​ന്നു.