സ്കൂട്ടറില്‍ ലോകം ചുറ്റുന്ന ഇലാരിയോ വെസ്പാന്‍ഡ മറയൂരില്‍

മ​റ​യൂ​ർ: ആ​റു വ​ര്‍ഷ​മാ​യി ത​ന്റെ വെ​സ്പ സ്കൂ​ട്ട​റി​ല്‍ ലോ​കം ചു​റ്റു​ന്ന ഇ​റ്റ​ലി​യി​ലെ മി​ലാ​ന്‍ സ്വ​ദേ​ശി ഇ​ലാ​രി​യോ വെ​സ്പാ​ന്‍ഡ (33) വ്യാ​ഴാ​ഴ്ച രാ​വി​ലെ മ​റ​യൂ​രി​ലെ​ത്തി. 2017ല്‍ ​ജ​നു​വ​രി​യി​ലാ​ണ് ഇ​റ്റ​ലി​യി​ലെ മി​ലാ​നി​ല്‍നി​ന്ന് യാ​ത്ര ആ​രം​ഭി​ച്ച​ത്.

ഫ്രാ​ന്‍സ്, ജ​ർ​മ​നി, നോ​ര്‍വെ, സ്വീ​ഡ​ന്‍ എ​ന്നീ രാ​ജ്യ​ങ്ങ​ളും നാ​ല്‍പ​തോ​ളം ആ​ഫ്രി​ക്ക​ന്‍ രാ​ജ്യ​ങ്ങ​ള്‍, ഗ​ള്‍ഫ് രാ​ജ്യ​ങ്ങ​ള്‍ എ​ന്നി​വ​യും സ​ന്ദ​ർ​ശി​ച്ച​ശേ​ഷം പാ​കി​സ്താ​ന്‍വ​ഴി ക​ഴി​ഞ്ഞ ജ​നു​വ​രി​യി​ലാ​ണ്​ ഇ​ന്ത്യ​യി​ല്‍ എ​ത്തി​യ​ത്.

1968 മോ​ഡ​ല്‍ വെ​സ്പ സ്കൂ​ട്ട​റി​ല്‍ ഇ​തു​വ​രെ 100 രാ​ജ്യ​ങ്ങ​ളി​ലാ​യി ര​ണ്ട് ല​ക്ഷ​ത്തോ​ളം കി​ലോ​മീ​റ്റ​ര്‍ സ​ഞ്ച​രി​ച്ച​താ​യി വെ​സ്പാ​ന്‍ഡ പ​റ​ഞ്ഞു. വെ​ള്ളി​യാ​ഴ്ച രാ​വി​ലെ മ​റ​യൂ​രി​ലെ​ത്തി​യ വെ​സ്പാ​ന്‍ഡ മ​റ​യൂ​ര്‍ സെ​ന്റ് മേ​രീ​സ് പ​ള്ളി​യി​ൽ കു​ര്‍ബാ​ന​യി​ൽ പ​​ങ്കെ​ടു​ത്ത്​ ഇ​ട​വ​ക വി​കാ​രി ഫാ. ​ജോ​സ് മാ​നു​വ​ല്‍ കൈ​ത​ക്കു​ഴി​യു​മാ​യും തു​ട​ർ​ന്ന്​ കാ​ന്ത​ല്ലൂ​ര്‍ ലി​റ്റി​ല്‍ ഫ്ല​വ​ര്‍ ച​ര്‍ച്ച് വി​കാ​രി ഫാ. ​വി​ക്ട​ര്‍ ജോ​ര്‍ജ​റ്റ് മേ​ജ​റു​മാ​യും ആ​ശ​യ വി​നി​മ​യം ന​ട​ത്തി.

ഇ​റ്റ​ലി​യി​ലെ പ്ര​ധാ​ന വി​നോ​ദ​സ​ഞ്ചാ​ര കേ​ന്ദ്ര​മാ​യ മി​ലാ​നി​ലെ ത​ന്റെ ടൂ​റി​സ്റ്റ് ഹോ​മി​ല്‍നി​ന്ന് കി​ട്ടു​ന്ന വ​രു​മാ​നം പ്ര​യോ​ജ​ന​പ്പെ​ടു​ത്തി​യാ​ണ് ലോ​ക സ​ഞ്ചാ​രം.

10 വ​ര്‍ഷം​കൊ​ണ്ട് ലോ​ക​ത്തെ മു​ഴു​വ​ന്‍ രാ​ജ്യ​ങ്ങ​ളും സ​ന്ദ​ര്‍ശി​ക്ക​ണ​മെ​ന്നും അ​വി​ടു​ത്തെ ത​ന​ത്​ ഭ​ക്ഷ​ണ​ങ്ങ​ളു​ടെ രു​ചി ആ​സ്വ​ദി​ക്ക​ണ​മെ​ന്നു​മാ​ണ് ആ​ഗ്ര​ഹ​മെ​ന്ന് അ​ദ്ദേ​ഹം പ​റ​ഞ്ഞു. പു​തി​യ രാ​ജ്യ​ങ്ങ​ളി​ല്‍ ക​ട​ന്ന് ചെ​ല്ലു​മ്പോ​ള്‍ ആ ​രാ​ജ്യ​ത്തി​ന്റെ പേ​ര് സ്കൂ​ട്ട​റി​ന്റെ വ​ശ​ത്ത് കു​റി​ച്ച് വെ​ക്കും. സ്കൂ​ട്ട​റാ​ണ് ക​ഴി​ഞ്ഞ ആ​റു വ​ര്‍ഷ​മാ​യി കു​ടും​ബ​വും ഭാ​ര്യ​യും കാ​മു​കി​യു​മെ​ല്ലാ​മെ​ന്നും വെ​സ്പാ​ൻ​ഡ പ​റ​യു​ന്നു. എ​ല്ലാ​വ​രെ​യും ക​ണ്ട​തി​ലും പ​രി​ച​യ​പ്പെ​ട്ട​തി​ലും സ​ന്തോ​ഷ​മു​ണ്ടെ​ന്നും ഇ​തു​വ​രെ​യു​ള്ള യാ​ത്ര​യി​ല്‍ കോ​വി​ഡ് കാ​ല​ത്ത്​ ഒ​ഴി​ച്ചാ​ല്‍ ഒ​രു ബു​ദ്ധി​മു​ട്ടും ഉ​ണ്ടാ​യി​ല്ലെ​ന്നും വെ​സ്പാ​ൻ​ഡ പ​റ​ഞ്ഞു.