പ​ട്ട​യ​ത്തി​നായി നി​ര​വ​ധി അ​പേ​ക്ഷ; ആശങ്കയൊഴിയാതെ ഭൂപതിവ് ഭേദഗതി നിയമം

തൊ​ടു​പു​ഴ: ഭൂ​പ​തി​വ് ഭേ​ദ​ഗ​തി നി​യ​മ​ത്തി​ൽ ആ​ശ​ങ്ക​യൊ​ഴി​യാ​തെ ഇ​ടു​ക്കി​യി​ലെ മ​ല​യോ​ര മേ​ഖ​ല. അ​ശാ​സ്ത്രീ​യ നി​ർ​ദേ​ശ​ങ്ങ​ൾ ഭൂ​പ്ര​ശ്ന​ങ്ങ​ൾ സ​ങ്കീ​ർ​ണ​മാ​ക്കു​മെ​ന്നാ​ണ് പ്ര​തി​പ​ക്ഷ പാ​ർ​ട്ടി​ക​ളു​ടെ​യും ഏ​താ​നും ക​ർ​ഷ​ക സം​ഘ​ട​ന​ക​ളു​ടെ​യും ആ​രോ​പ​ണം. 1960ലെ ​ഭൂ​പ​തി​വ് നി​യ​മ​പ്ര​കാ​ര​വും 64ലെ ​ച​ട്ട​പ്ര​കാ​ര​വു​മു​ള്ള പ​ട്ട​യ​ങ്ങ​ളാ​ണ് ഇ​ടു​ക്കി​യി​ൽ കൂ​ടു​ത​ലാ​യു​ള്ള​ത്. 93ലെ ​ച​ട്ട​പ്ര​കാ​രം പ​ട്ട​യ​ത്തി​ന് അ​പേ​ക്ഷ ന​ൽ​കി​യ​വ​രും നി​ര​വ​ധി​യാ​ണ്. പ​ട്ട​യ​ഭൂ​മി​യി​ൽ കൃ​ഷി ചെ​യ്യാ​നും വീ​ട് നി​ർ​മാ​ണ​ത്തി​നു​മാ​ണ് നി​ല​വി​ൽ അ​നു​തി​യു​ള്ള​ത്. ഇ​ത​ല്ലാ​തെ ന​ട​ത്തി​യ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ ക്ര​മ​വ​ത്​​ക​രി​ക്കാ​ൻ സ​ർ​ക്കാ​റി​ന് അ​നു​മ​തി ന​ൽ​കു​ന്ന​താ​ണ് 2023ലെ ​നി​യ​മം. പ​ട്ട​യം ല​ഭി​ക്കാ​നു​ള്ള​വ​രെ നി​യ​മ ഭേ​ദ​ഗ​തി പ്ര​തി​കൂ​ല​മാ​യി ബാ​ധി​ക്കു​മോ​യെ​ന്ന​താ​ണ് പ്ര​ധാ​ന ആ​ശ​ങ്ക.

ച​ട്ടം രൂ​പ​വ​ത്​​ക​രി​ക്കു​ന്ന​തി​ലൂ​ടെ കാ​ര്യ​ങ്ങ​ളി​ൽ വ്യ​ക്ത​ത വ​രു​മെ​ന്നാ​ണ് സ​ർ​ക്കാ​ർ വാ​ദം. വി​ജ്ഞാ​പ​ന​മി​റ​ങ്ങി​യ​തോ​ടെ സ​ർ​ക്കാ​റി​ന് ഉ​ട​ൻ ച​ട്ട​ങ്ങ​ൾ രൂ​പ​വ​ത്​​ക​രി​ക്കാ​നാ​കും. പ​ട്ട​യ​മു​ള്ള​വ​ർ​ക്കും ഇ​നി ല​ഭി​ക്കു​ന്ന​വ​ർ​ക്കും പ്ര​യോ​ജ​ന​ക​ര​മാ​കും വി​ധം ച​ട്ടം രൂ​പ​വ​ത്​​ക​രി​ക്ക​ണ​മെ​ന്നാ​ണ് ജി​ല്ല​യി​ലെ എ​ൽ.​ഡി.​എ​ഫ് നേ​തൃ​ത്വം സ​ർ​ക്കാ​റി​നു മു​ന്നി​ൽ വെ​ച്ച നി​ർ​ദേ​ശം. പ്ര​ശ്ന​ങ്ങ​ളി​ല്ലാ​തെ​ത​ന്നെ ച​ട്ട​ങ്ങ​ൾ രൂ​പ​വ​ത്​​ക​രി​ക്ക​ണ​മെ​ന്ന് ഇ​ടു​ക്കി​യി​ലെ എ​ൽ.​ഡി.​എ​ഫ് സ​ർ​ക്കാ​റി​നോ​ട് ആ​വ​ശ്യ​പ്പെ​ട്ടി​ട്ടു​ണ്ടെ​ന്നും അ​ക്കാ​ര്യം പ​രി​ഗ​ണി​ച്ചാ​കും രൂ​പ​വ​ത്​​ക​രി​ക്കു​ക​യെ​ന്ന്​ ക​ൺ​വീ​ന​ർ കെ.​കെ. ശി​വ​രാ​മ​ൻ പ്ര​തി​ക​രി​ച്ചു. നി​ർ​മാ​ണ നി​യ​ന്ത്ര​ണ​മേ​ർ​പ്പെ​ടു​ത്തി​യു​ള്ള സ​ർ​ക്കാ​ർ ഉ​ത്ത​ര​വാ​ണ് ജി​ല്ല​യി​ലെ ഭൂ​പ്ര​ശ്ന​ങ്ങ​ൾ സ​ങ്കീ​ർ​ണ​മാ​ക്കി​യ​ത്. കോ​ട​തി​യു​ടെ ഇ​ട​പെ​ട​ലു​മു​ണ്ടാ​യി. നി​ർ​മാ​ണ​ങ്ങ​ൾ ഫീ​സീ​ടാ​ക്കി ക്ര​മ​വ​ത്​​ക​രി​ച്ചു ന​ൽ​കാ​നു​ള്ള നീ​ക്കം അ​ഴി​മ​തി​ക്ക് വ​ഴി​യൊ​രു​ക്കു​മെ​ന്നും ഭൂ​പ്ര​ശ്ന​ങ്ങ​ൾ സ​ങ്കീ​ർ​ണ​മാ​ക്കു​മെ​ന്ന ആ​രോ​പ​ണ​വു​മാ​ണ്​ ഉ​യ​രു​ന്ന​ത്.

1960ൽ ​പ​ട്ടം താ​ണു​പി​ള്ള സ​ർ​ക്കാ​റി​ന്റെ കാ​ല​ത്ത് റ​വ​ന്യൂ ഭൂ​മി പ​തി​ച്ചു ന​ൽ​കാ​ൻ കൊ​ണ്ടു​വ​ന്ന​താ​ണു ഭൂ​പ​തി​വ് നി​യ​മം. 1964ൽ ​ആ​ർ. ശ​ങ്ക​ർ മു​ഖ്യ​മ​ന്ത്രി​യാ​യ​പ്പോ​ഴാ​ണ് പ്രാ​ബ​ല്യ​ത്തി​ൽ വ​ന്ന​ത്. ഭൂ​പ​തി​വ് ച​ട്ടം നാ​ലി​ൽ ഭൂ​വി​നി​യോ​ഗം കൃ​ഷി​ക്കും വീ​ട് നി​ർ​മാ​ണ​ത്തി​നും മാ​ത്ര​മെ​ന്ന് വ്യ​വ​സ്ഥ ചെ​യ്തി​ട്ടു​ണ്ട്. ഇ​താ​ണ് നി​ർ​മാ​ണ നി​രോ​ധ​ന​ത്തി​ലേ​ക്ക് ന​യി​ച്ച​ത്.

1960ലെ ​നി​യ​മ​ത്തി​ന്റെ കീ​ഴി​ൽ പ​ട്ട​യം ല​ഭി​ച്ച​വ​ർ​ക്ക് നി​യ​ന്ത്ര​ണ​ങ്ങ​ൾ മ​റി​ക​ട​ന്ന് ഭൂ​വി​നി​യോ​ഗം സാ​ധ്യ​മാ​ക്കു​ന്ന ത​ര​ത്തി​ലാ​ണ് നി​യ​മ ഭേ​ദ​ഗ​തി വ​രു​ത്തി​യി​രി​ക്കു​ന്ന​ത്. ഭേ​ദ​ഗ​തി നി​യ​മം നി​ല​വി​ൽ വ​രു​ന്ന അ​ന്നു​വ​രെ പ​ട്ട​യം ല​ഭി​ച്ച എ​ല്ലാ​വ​രു​ടെ​യും ഭൂ​മി​യി​ൽ ന​ട​ത്തി​യി​ട്ടു​ള്ള നി​ർ​മാ​ണ പ്ര​വ​ർ​ത്ത​ന​ങ്ങ​ൾ സാ​ധൂ​ക​രി​ക്കാ​നും ഇ​തു​വ​രെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ഒ​ന്നും ന​ട​ത്താ​ത്ത​വ​ർ​ക്ക് അ​തി​നു​ള്ള അ​നു​മ​തി​യും ല​ഭ്യ​മാ​ക്കു​ന്ന ത​ര​ത്തി​ലാ​ണ് ബി​ൽ വി​ഭാ​വ​നം ചെ​യ്തി​രി​ക്കു​ന്ന​ത്. ഇ​ത് ന​ട​പ്പാ​ക്കാ​ൻ ച​ട്ട​ങ്ങ​ളി​ലും ഭേ​ഗ​ഗ​തി വ​രു​ത്തും.