മൂന്നാര്‍ മൗണ്ട് കാര്‍മല്‍ ദേവാലയം ബസിലിക്ക പദവിയിലേക്ക്; പ്രഖ്യാപനം 25ന്

തൊ​ടു​പു​ഴ: ഹൈ​റേ​ഞ്ചി​ലെ ആ​ദ്യ ക​ത്തോ​ലി​ക്കാ ദേ​വാ​ല​യ​വും തീ​ര്‍ഥാ​ട​ന കേ​ന്ദ്ര​വു​മാ​യ മൂ​ന്നാ​ര്‍ മൗ​ണ്ട് കാ​ര്‍മ​ല്‍ ദേ​വാ​ല​യം ബ​സി​ലി​ക്ക പ​ദ​വി​യി​ലേ​ക്ക് ഉ​യ​ര്‍ത്തി​യ​തി​ന്റെ പ്ര​ഖ്യാ​പ​നം 25ന്​ ​ന​ട​ക്കു​മെ​ന്ന് റെ​ക്ട​ര്‍ ഫാ. ​മൈ​ക്കി​ള്‍ വ​ല​യി​ഞ്ചി​യി​ല്‍ വാ​ർ​ത്ത സ​മ്മേ​ള​ന​ത്തി​ല്‍ അ​റി​യി​ച്ചു. ഉ​ച്ച​ക​ഴി​ഞ്ഞ് ര​ണ്ടി​ന് വി​ജ​യ​പു​രം രൂ​പ​ത മെ​ത്രാ​ന്‍ മാ​ര്‍ സെ​ബാ​സ്റ്റ്യ​ന്‍ തെ​ക്ക​ത്തെ​ച്ചേ​രി​ലി​ന്റെ മു​ഖ്യ​കാ​ര്‍മി​ക​ത്വ​ത്തി​ല്‍ കു​ര്‍ബാ​ന ന​ട​ക്കും. ക​ര്‍ദി​നാ​ള്‍ ബ​സേ​ലി​യോ​സ് മാ​ര്‍ ക്ലീ​മി​സ് കാ​തോ​ലി​ക്ക ബാ​വ വ​ച​ന സ​ന്ദേ​ശം ന​ല്‍കും. ല​ത്തീ​ന്‍, സീ​റോ​മ​ല​ബാ​ര്‍, സീ​റോ മ​ല​ങ്ക​ര രൂ​പ​ത​ക​ളി​ല്‍ നി​ന്നു​ള്ള ബി​ഷ​പ്പു​മാ​രും വൈ​ദി​ക​രും വി​ശ്വാ​സി​ക​ളും ഉ​ള്‍പ്പെ​ടെ 5000-ഓ​ളം പേ​ര്‍ പ​ങ്കെ​ടു​ക്കും. ജി​ല്ല​യി​ലെ ആ​ദ്യ​ത്തെ ബ​സി​ലി​ക്ക​യും കേ​ര​ള​ത്തി​ലെ 11-ാമ​ത്തെ​യും ഇ​ന്ത്യ​യി​ല്‍ 31-ാമ​ത്തെ​യും ബ​സി​ലി​ക്ക​യാ​ണി​ത്. 1898-ലാ​ണ് മൗ​ണ്ട് കാ​ര്‍മ​ല്‍ ദേ​വാ​ല​യം സ്ഥാ​പി​ത​മാ​യ​ത്.

സ്‌​പെ​യി​നി​ല്‍ നി​ന്നും എ​ത്തി​യ ക​ര്‍മ​ലീ​ത്ത മി​ഷ​ന​റി വൈ​ദി​ക​നാ​യ ഫാ. ​അ​ല്‍ഫോ​ന്‍സ് ഒ​സി​ഡി​യാ​ണ് ദേ​വാ​ല​യം സ്ഥാ​പി​ച്ച​ത്. ആ​ദ്യ​കാ​ല​ഘ​ട്ട​ങ്ങ​ളി​ല്‍ ആ​ലു​വ​യി​ല്‍ നി​ന്നു കാ​ല്‍ന​ട​യാ​യാ​ണ് വൈ​ദി​ക​ര്‍ മൂ​ന്നാ​റി​ലെ​ത്തി കു​ര്‍ബാ​ന അ​ര്‍പ്പി​ച്ചി​രു​ന്ന​ത്.

ദേ​വാ​ല​യ​ത്തി​ന്റെ 125-ാംവ​ര്‍ഷ ജൂ​ബി​ലി ആ​ഘോ​ഷ​വേ​ള​യി​ലാ​ണ് ബ​സി​ലി​ക്ക പ​ദ​വി ല​ഭി​ക്കു​ന്ന​ത്. ജൂ​ബി​ലി സ​മാ​പ​നം 26നു ​ഉ​ച്ച​ക​ഴി​ഞ്ഞ് ര​ണ്ടി​ന് ന​ട​ക്കും. വി​ജ​യ​പു​രം രൂ​പ​ത സ​ഹാ​യ​മെ​ത്രാ​ന്‍ ജ​സ്റ്റി​ന്‍ മ​ഠ​ത്തി​പ്പ​റ​മ്പി​ല്‍ കു​ര്‍ബാ​ന​യ്ക്ക് കാ​ര്‍മി​ക​ത്വം വ​ഹി​ക്കും. തു​ട​ര്‍ന്ന്​ പൊ​തു​സ​മ്മേ​ള​നം ന​ട​ക്കും. മൂ​ന്നാ​റി​ന്റെ സാ​മൂ​ഹി​ക, സാം​സ്‌​കാ​രി​ക, ആ​ധ്യാ​ത്മി​ക രം​ഗ​ങ്ങ​ളി​ലെ മു​ന്നേ​റ്റ​ത്തി​ന് നി​ര്‍ണാ​യ​ക പ​ങ്കാ​ണ് ദേ​വാ​ല​യം വ​ഹി​ച്ചി​ട്ടു​ണ്ട്. നി​ല​വി​ല്‍ 800-ഓ​ളം കു​ടും​ബ​ങ്ങ​ളാ​ണ് ബ​സി​ലി​ക്ക​യു​ടെ കീ​ഴി​ലു​ള്ള​തെ​ന്നും സം​ഘാ​ട​ക​ര്‍ പ​റ​ഞ്ഞു. വാ​ർ​ത്ത സ​മ്മേ​ള​ന​ത്തി​ല്‍ ജ​ന​റ​ല്‍ ക​ണ്‍വീ​ന​ര്‍ പി.​ആ​ര്‍. ജെ​യി​ന്‍, പ​ബ്ലി​സി​റ്റി ക​ണ്‍വീ​ന​ര്‍ ജെ.​സി. ആ​ന്റ​ണി, സെ​ക്ര​ട്ട​റി നി​ഗേ​ഷ് ഐ​സ​ക്ക് എ​ന്നി​വ​രും പ​ങ്കെ​ടു​ത്തു.