സന്ദർശകത്തിരക്കിൽ റോഡുകൾ നിറഞ്ഞ്​ മൂന്നാർ

മൂ​ന്നാ​ർ: വാ​ഹ​ന​ത്തി​ര​ക്കി​ൽ വ​ല​ഞ്ഞ് മൂ​ന്നാ​ർ. സ​ഞ്ചാ​രി​ക​ളും ദു​രി​ത​ത്തി​ൽ. ക​ഴി​ഞ്ഞ മൂ​ന്നു​ദി​വ​സ​മാ​യി അ​ഭൂ​ത​പൂ​ർ​വ​മാ​യ സ​ന്ദ​ർ​ശ​ക തി​ര​ക്കാ​ണ് മൂ​ന്നാ​റി​ൽ. റോ​ഡു​ക​ളെ​ല്ലാം വാ​ഹ​ന​ങ്ങ​ളെ​ക്കൊ​ണ്ട് നി​റ​ഞ്ഞു. പാ​ർ​ക്കി​ങ്​ സൗ​ക​ര്യം തീ​രെ അ​പ​ര്യാ​പ്ത​മാ​യ ടൗ​ണി​ൽ വാ​ഹ​ന​ങ്ങ​ളു​ടെ നീ​ണ്ട നി​ര​യാ​യി​രു​ന്നു. ശ​നി​യാ​ഴ്ച വൈ​കീ​ട്ട് ഏ​ഴ് കി​ലോ​മീ​റ്റ​ർ ദൂ​രെ പ​ള്ളി​വാ​സ​ൽ മു​ത​ൽ ഗ​താ​ഗ​തക്കു​രു​ക്ക് ദൃ​ശ്യ​മാ​യി​രു​ന്നു. ഗ​താ​ഗ​ത നി​യ​ന്ത്ര​ണ​ത്തി​ന് മ​തി​യാ​യ പൊ​ലീ​സ്​ ഇ​ല്ലാ​ത്ത​താ​ണ് കു​രു​ക്കി​ന് പ്ര​ധാ​ന കാ​ര​ണം. പൊ​തു​വെ വീ​തി കു​റ​ഞ്ഞ​വ​യാ​ണ് മൂ​ന്നാ​റി​ലെ റോ​ഡു​ക​ൾ.

അ​വ​യു​ടെ ഇ​രു​വ​ശ​വും വാ​ഹ​ന​ങ്ങ​ൾ നി​ർ​ത്തി​യി​ടു​ക​കൂ​ടി ചെ​യ്യു​ന്ന​ത് കു​രു​ക്ക് രൂ​ക്ഷ​മാ​ക്കു​ന്നു. ശ​നി, ഞാ​യ​ർ ദി​വ​സ​ങ്ങ​ളി​ൽ മാ​ട്ടു​പ്പെ​ട്ടി, മ​റ​യൂ​ർ റോ​ഡു​ക​ളി​ൽ വാ​ഹ​ന​ങ്ങ​ളു​ടെ നീ​ണ്ട നി​ര ദൃ​ശ്യ​മാ​യി​രു​ന്നു. മാ​ട്ടു​പ്പെ​ട്ടി റോ​ഡി​ലെ റോ​സ് ഗാ​ർ​ഡ​ൻ, ഫോ​ട്ടോ പോ​യ​ന്റ്, ഇ​ക്കോ പോ​യ​ന്റ് എ​ന്നി​വി​ട​ങ്ങ​ളി​ലും മ​റ​യൂ​ർ റൂ​ട്ടി​ൽ രാ​ജ​മ​ല​യു​ടെ പ്ര​വേ​ശ​ന ക​വാ​ട​മാ​യ അ​ഞ്ചാം മൈ​ലി​ലും വാ​ഹ​ന​ങ്ങ​ൾ മ​ണി​ക്കൂ​റു​ക​ളോ​ളം ഗ​താ​ഗ​ത​ക്കു​രു​ക്കി​ൽ​പ്പെ​ട്ടു. ഈ ​പ്ര​ദേ​ശ​ത്തൊ​ന്നും ഡ്യൂ​ട്ടി​ക്ക്‌ പൊ​ലീ​സി​നെ നി​യോ​ഗി​ച്ചി​ട്ടി​ല്ല. തി​ങ്ക​ളാ​ഴ്ച പു​ഷ്പ​മേ​ള ആ​രം​ഭി​ക്കു​ന്ന​തി​നാ​ൽ സ​ഞ്ചാ​രി​ക​ളു​ടെ ഒ​ഴു​ക്ക് ഇ​നി​യും വ​ർ​ധി​ക്കും. മ​തി​യാ​യ പൊ​ലീ​സി​നെ വി​ന്യ​സി​ച്ച് ഗ​താ​ഗ​ത​ക്കു​രു​ക്കി​ന് പ​രി​ഹാ​രം ക​ണ്ടി​ല്ലെ​ങ്കി​ൽ സ​ഞ്ചാ​രി​ക​ൾ ദു​രി​ത​ത്തി​ലാ​കും.