മൂവാറ്റുപുഴ - തേനി സംസ്ഥാനപാത നിർമാണം ഇഴയുന്നു

തൊ​ടു​പു​ഴ: സ്വാ​ത​ന്ത്ര്യ സു​വ​ര്‍ണ ജൂ​ബി​ലി സ്മാ​ര​ക​മാ​യി സ​മ​ര്‍പ്പി​ച്ച മൂ​വാ​റ്റു​പു​ഴ -തേ​നി സം​സ്ഥാ​ന പാ​ത (എ​സ്.​എ​ച്ച് 43) അ​വ​ഗ​ണ​ന​യി​ല്‍. ഓ​രോ തെ​ര​ഞ്ഞെ​ടു​പ്പി​ലും നി​ര്‍മാ​ണം പൂ​ര്‍ത്തി​യാ​ക്കു​മെ​ന്ന് രാ​ഷ്ട്രീ​യ പാ​ര്‍ട്ടി​ക​ള്‍ പ്ര​ഖ്യാ​പ​നം ന​ട​ത്താ​റു​ണ്ടെ​ങ്കി​ലും തെ​ര​ഞ്ഞെ​ടു​പ്പ്​ ക​ഴി​യു​ന്ന​തോ​ടെ മ​റ​വി​യി​ലാ​കും.

മൂ​വാ​റ്റു​പു​ഴ ചാ​ലി​ക്ക​ട​വ് ഭാ​ഗ​ത്തു​നി​ന്നാ​രം​ഭി​ക്കു​ന്ന പാ​ത ക​ല്ലൂ​ര്‍ക്കാ​ട്, ത​ഴു​വം​കു​ന്ന് വ​ഴി ഇ​ടു​ക്കി ജി​ല്ല​യി​ലെ കു​മാ​ര​മം​ഗ​ലം, കോ​ടി​ക്കു​ളം, ക​രി​മ​ണ്ണൂ​ര്‍, ഉ​ടു​മ്പ​ന്നൂ​ര്‍, വാ​ഴ​ത്തോ​പ്പ്, ഇ​ര​ട്ട​യാ​ര്‍, നെ​ടു​ങ്ക​ണ്ടം പ​ഞ്ചാ​യ​ത്തു​ക​ളി​ലൂ​ടെ​യാ​ണ് ത​മി​ഴ്‌​നാ​ട്ടി​ലെ തേ​നി​യി​ലേ​ക്കെ​ത്തു​ന്ന​ത്. ഇ​തി​ല്‍ മൂ​വാ​റ്റു​പു​ഴ ചാ​ലി​ക്ക​ട​വ് പാ​ലം മു​ത​ല്‍ പെ​രു​മാം​ക​ണ്ടം വ​രെ ജ​ര്‍മ​ന്‍ സാ​മ്പ​ത്തി​ക സ​ഹാ​യ​ത്തോ​ടെ റീ ​ബി​ല്‍ഡ് കേ​ര​ള​യി​ല്‍ ഉ​ള്‍പ്പെ​ടു​ത്തി അ​ടു​ത്ത നാ​ളി​ൽ നി​ര്‍മാ​ണം പൂ​ര്‍ത്തീ​ക​രി​ച്ചി​ട്ടു​ണ്ട്. 16 കി​ലോ​മീ​റ്റ​ര്‍ ദൂ​രം മി​ക​ച്ച നി​ല​വാ​ര​ത്തി​ല്‍ 97.74 കോ​ടി ചെ​ല​വ​ഴി​ച്ചാ​ണ് പൂ​ര്‍ത്തീ​ക​രി​ച്ച​ത്.

എ​ന്നാ​ല്‍, പെ​രു​മാം​ക​ണ്ടം മു​ത​ല്‍ കോ​ടി​ക്കു​ളം വ​രെ ഭാ​ഗം പ​ല​രു​ടെ​യും കൈ​വ​ശ​ത്തി​ലാ​ണ്. വ​ര്‍ഷ​ങ്ങ​ള്‍ക്ക്​ മു​മ്പ് കോ​ട്ട റോ​ഡ് ഭാ​ഗം സ​ര്‍വേ​ക്ക​ല്ല്​ സ്ഥാ​പി​ച്ച്​ തി​രി​ച്ചി​ട്ടു​ണ്ടെ​ങ്കി​ലും ഈ ​ഭാ​ഗ​ത്തെ സ്ഥ​ല​ങ്ങ​ള്‍ ഏ​റ്റെ​ടു​ക്കാ​ന്‍ ത​യാ​റാ​യി​രു​ന്നി​ല്ല. 24 ഭൂ ​ഉ​ട​മ​ക​ള്‍ സ്ഥ​ലം വി​ട്ടു​ന​ല്‍കാ​ന്‍ ത​യാ​റാ​ണെ​ന്ന്​ കാ​ണി​ച്ച് 2008 ല്‍ ​സ​റ​ണ്ട​ര്‍ ഒ​പ്പി​ട്ട് ന​ല്‍കി​യി​രു​ന്നു. എ​ന്നാ​ല്‍ ഈ ​സ്ഥ​ലം ഏ​റ്റെ​ടു​ക്കാ​ന്‍ പോ​ലും ത​യാ​റാ​യി​ട്ടി​ല്ല. സം​സ്ഥാ​ന സ​ര്‍വേ ഡ​യ​റ​ക്ട​ര്‍ നേ​ര​ത്തെ​യു​ള്ള സ്‌​കെ​ച്ച് പ്ര​കാ​രം സ്ഥ​ലം അ​ള​ന്നു​തി​രി​ക്കാ​ൻ​ പ​ല ഘ​ട്ട​ങ്ങ​ളി​ലാ​യി നാ​ലു​ത​വ​ണ തൊ​ടു​പു​ഴ എ​ല്‍.​എ. ത​ഹ​സി​ല്‍ദാ​ര്‍ക്ക് ക​ല​ക്ട​ര്‍ മു​ഖാ​ന്തി​രം ക​ത്ത് ന​ല്‍കി​യി​രു​ന്നു.

എ​ന്നാ​ല്‍ ഇ​ക്കാ​ര്യ​ത്തി​ല്‍ ന​ട​പ​ടി​യു​ണ്ടാ​യി​ട്ടി​ല്ല. സ്ഥ​ലം അ​ള​ന്ന് ക​ല്ലി​ട്ട് തി​രി​ക്കാ​നു​ള്ള ചെ​ല​വി​ലേ​ക്ക് പൊ​തു​മ​രാ​മ​ത്ത് വി​ഭാ​ഗം ക​രി​മ​ണ്ണൂ​ര്‍ അ​സി. എ​ന്‍ജി​നീ​യ​ര്‍ ഒ​മ്പ​ത്​ ല​ക്ഷം രൂ​പ​യു​ടെ എ​സ്റ്റി​മേ​റ്റ് ത​യാ​റാ​ക്കി ന​ല്‍കി​യെ​ങ്കി​ലും സെ​ക്ര​ട്ടേ​റി​യ​റ്റി​ല്‍നി​ന്ന്​ ഈ ​ഫ​യ​ല്‍ അ​ന​ങ്ങി​യി​ട്ടി​ല്ലെ​ന്നും ആ​ക്ഷേ​പം ഉ​യ​രു​ന്നു​ണ്ട്. ഇ​തി​നി​ടെ മു​ഖ്യ​മ​ന്ത്രി​യു​ടെ ന​വ​കേ​ര​ള സ​ദ​സ്സി​ലും ഇ​തു സം​ബ​ന്ധി​ച്ചു പ​രാ​തി ന​ല്‍കി​യി​രു​ന്നു. പ​രാ​തി​ക​ളും നി​വേ​ദ​ന​ങ്ങ​ളും ഏ​റെ ന​ല്‍കി​യി​ട്ടും ന​ട​പ​ടി​യു​ണ്ടാ​കാ​ത്ത​ത്​ അ​ധി​കൃ​ത​രു​ടെ അ​ലം​ഭാ​വം മൂ​ല​മാ​ണെ​ന്ന ആ​ക്ഷേ​പം ശ​ക്ത​മാ​ണ്.

1997 സെ​പ്റ്റം​ബ​ര്‍ 24നാ​ണ് സ്വാ​ത​ന്ത്ര്യ​ല​ബ്ധി​യു​ടെ സു​വ​ര്‍ണ ജൂ​ബി​ലി സ്മാ​ര​ക​മാ​യി മൂ​വാ​റ്റു​പു​ഴ - തേ​നി സം​സ്ഥാ​ന പാ​ത പ്ര​ഖ്യാ​പി​ച്ച​ത്.

ക​ല്ലൂ​ര്‍ക്കാ​ട് ക​ണി​യാം​കു​ടി ജം​ഗ്ഷ​നി​ല്‍ പാ​ത​യു​ടെ നി​ര്‍മാ​ണ​ത്തി​നു തു​ട​ക്കം കു​റി​ച്ച് ശി​ലാ​ഫ​ല​കം സ്ഥാ​പി​ക്കു​ക​യും നി​ര്‍മാ​ണ ഉ​ദ്ഘാ​ട​നം ന​ട​ത്തു​ക​യും ചെ​യ്തി​രു​ന്നു. 185 കി​ലോ​മീ​റ്റ​ര്‍ ദൂ​ര​മാ​ണ് പാ​ത​ക്കു​ള്ള​ത്. മ​ല​യോ​ര പാ​ത​യെ​ന്ന നി​ല​യി​ലും ഹൈ​റേ​ഞ്ചും ലോ​റേ​ഞ്ചും ത​മ്മി​ല്‍ കോ​ര്‍ത്തി​ണ​ക്കു​ന്ന പാ​ത​യെ​ന്ന നി​ല​യി​ലും ഏ​റെ പ്രാ​ധാ​ന്യ​മു​ണ്ട് ഈ ​പാ​ത​ക്ക്. നി​ര്‍മാ​ണം പൂ​ര്‍ത്തീ​ക​രി​ച്ചാ​ല്‍ ഇ​ടു​ക്കി ജി​ല്ല​യു​ടെ ടൂ​റി​സം വി​ക​സ​ന​ത്തി​ന്​ വ​ന്‍ കു​തി​പ്പേ​കു​മെ​ന്നാ​ണ് വി​ല​യി​രു​ത്ത​പ്പെ​ടു​ന്ന​ത്. ഇ​തി​നു​പു​റ​മെ കേ​ര​ള - ത​മി​ഴ്‌​നാ​ട് ച​ര​ക്കു​ഗ​താ​ഗ​തം എ​ളു​പ്പ​ത്തി​ലാ​കു​ക​യും ചെ​യ്യും. ഇ​ടു​ക്കി, എ​റ​ണാ​കു​ളം ജി​ല്ല​ക​ളു​ടെ ടൂ​റി​സം വി​ക​സ​ന​ത്തി​നും ഗ​തി​വേ​ഗം പ​ക​രും.