ഭിന്നശേഷി സൗഹൃദം അകലെ; ശാരീരിക വെല്ലുവിളി നേരിടുന്നവർ ദുരിതത്തിൽ

തൊ​ടു​പു​ഴ: ജി​ല്ല​യി​ലെ മി​ക്ക സ​ർ​ക്കാ​ർ ഓ​ഫി​സു​ക​ളും പൊ​തു​യി​ട​ങ്ങ​ളും ഇ​പ്പോ​ഴും ഭി​ന്ന​ശേ​ഷി സൗ​ഹൃ​ദ​മ​ല്ല. അ​തി​ന്റെ ദു​രി​തം അ​നു​ഭ​വി​ക്കു​ക​യാ​ണ് വി​വി​ധ ത​ര​ത്തി​ലു​ള്ള ശാ​രീ​രി​ക വെ​ല്ലു​വി​ളി​ക​ൾ നേ​രി​ടു​ന്ന​വ​ർ.

പൊ​തു​യി​ട​ങ്ങ​ൾ ഭി​ന്ന​ശേ​ഷി സൗ​ഹൃ​ദ​മാ​ക്ക​ണ​മെ​ന്ന പ​ല ഉ​ത്ത​ര​വു​ക​ളും നി​ല​നി​ൽ​ക്കു​മ്പോ​ഴാ​ണ് ഈ ​ക​ഷ്ട​പ്പാ​ട്. ജി​ല്ല​യു​ടെ ഭ​ര​ണ​സി​രാ​കേ​ന്ദ്ര​മാ​യ ക​ല​ക്ട​റേ​റ്റ് ഏ​താ​ണ്ട്​ ഭി​ന്ന​ശേ​ഷി സൗ​ഹൃ​ദ​മാ​ണ്. മൂ​ന്നു നി​ല​യു​ള്ള ക​ല​ക്ട​റേ​റ്റി​ന്റെ താ​ഴ​ത്തെ നി​ല​യി​ൽ ആ​ർ.​ഡി.​ഒ ഓ​ഫി​സി​ന്റെ ഭാ​ഗ​ത്താ​ണ് റാം​പ്​. ഇ​തി​ലൂ​ടെ പ്ര​ധാ​ന ക​വാ​ട​ത്തി​ൽ എ​ത്തി​യാ​ൽ ഭി​ന്ന​ശേ​ഷി​ക്കാ​ർ​ക്ക് ലി​ഫ്റ്റി​ൽ മു​ക​ൾ നി​ല​ക​ളി​ലേ​ക്കു​പോ​കാം.

ഇ​തി​നാ​യി ര​ണ്ട് വീ​ൽ​ചെ​യ​റു​മു​ണ്ട്. ലി​ഫ്​​റ്റ്​ ത​ക​രാ​ർ പ​ല​പ്പോ​ഴും ഭി​ന്ന​ശേ​ഷി​ക്കാ​രെ വ​ല​ക്കും. ജി​ല്ല ആ​സ്ഥാ​ന​ത്തു​ള്ള മ​റ്റ്​ പ​ല സ​ർ​ക്കാ​ർ ഓ​ഫി​സു​ക​ളി​ലും ഈ ​സൗ​ക​ര്യം നി​ല​വി​ൽ ഇ​ല്ലെ​ന്ന​തും പ്ര​ശ്നം.

സ​ർ​ക്കാ​ർ ഓ​ഫി​സു​ക​ൾ സൗ​ഹൃ​ദ​മാ​കാ​തെ തൊ​ടു​പു​ഴ

തൊ​ടു​പു​ഴ​യി​ലെ പൊ​തു​യി​ട​ങ്ങ​ളും ഒ​ട്ടു​മി​ക്ക സ​ർ​ക്കാ​ർ ഓ​ഫി​സു​ക​ളും ഇ​തു​വ​രെ ഭി​ന്ന​ശേ​ഷി സൗ​ഹൃ​ദ​മാ​യി​ട്ടി​ല്ല. ഭി​ന്ന​ശേ​ഷി​ക്കാ​ർ​ക്ക് ഓ​ഫി​സു​ക​ളി​ലേ​ക്ക് വീ​ൽ​ചെ​യ​റി​ൽ എ​ത്താ​ൻ ക​ഴി​യു​ന്ന റാം​പു​ക​ൾ ഭൂ​രി​ഭാ​ഗം കെ​ട്ടി​ട​ങ്ങ​ൾ​ക്കു​മി​ല്ല. തൊ​ടു​പു​ഴ ന​ഗ​ര​സ​ഭ ഓ​ഫി​സി​ലേ​ക്ക് എ​ത്ത​ണ​മെ​ങ്കി​ൽ പ​ടി​ക​ൾ ക​യ​റ​ണം. കെ​ട്ടി​ട​ത്തി​ലാ​ക​ട്ടെ ലി​ഫ്റ്റു​മി​ല്ല. പ​ര​സ​ഹാ​യ​മി​ല്ലാ​തെ ഭി​ന്ന​ശേ​ഷി​ക്കാ​ർ​ക്ക് ഓ​ഫി​സി​ലെ​ത്തി ആ​വ​ശ്യ​ങ്ങ​ൾ നി​റ​വേ​റ്റാ​ൻ ക​ഴി​യാ​ത്ത സാ​ഹ​ച​ര്യ​മാ​ണ്. ഭി​ന്ന​ശേ​ഷി​ക്കാ​രാ​യ ലോ​ട്ട​റി വി​ൽ​പ​ന​ക്കാ​ർ ഉ​ൾ​പ്പെ​ടെ എ​ത്തു​ന്ന ജി​ല്ല ഭാ​ഗ്യ​ക്കു​റി ഓ​ഫി​സ് പ്ര​വ​ർ​ത്തി​ക്കു​ന്ന​ത് മു​ക​ളി​ല​ത്തെ നി​ല​യി​ലാ​ണ്.

പാ​ലാ റോ​ഡി​ൽ ധ​ന്വ​ന്ത​രി​പ്പ​ടി​ക്ക്​ സ​മീ​പ​ത്തെ ഓ​ഫി​സി​ലേ​ക്ക്​ ക​യ​റാ​ൻ പ​ടി​ക​ൾ മാ​ത്രം. ന​ഗ​ര​ത്തി​ൽ ഭി​ന്ന​ശേ​ഷി​ക്കാ​ർ​ക്കാ​യി സു​ര​ക്ഷി​ത​മാ​യ ന​ട​പ്പാ​ത​ക​ളു​മി​ല്ല. ഒ​ട്ടു​മി​ക്ക സ​ർ​ക്കാ​ർ ഓ​ഫി​സ് കെ​ട്ടി​ട​ങ്ങ​ളി​ലെ ശു​ചി​മു​റി​ക​ളും ഭി​ന്ന​ശേ​ഷി സൗ​ഹൃ​ദ​മ​ല്ല.

ക​ട്ട​പ്പ​ന​യി​ൽ പ്ര​ഹ​സ​നം

ക​ട്ട​പ്പ​ന​യി​ൽ പ്ര​ഹ​സ​ന​മാ​യി ഭി​ന്ന​ശേ​ഷി സൗ​ഹൃ​ദം ക​ട്ട​പ്പ​ന​യി​ലെ​യും പ​രി​സ​ര​ത്തെ​യും ഭൂ​രി​ഭാ​ഗം പൊ​തു​യി​ട​ങ്ങ​ളും സ​ർ​ക്കാ​ർ ഓ​ഫി​സു​ക​ളും ഭി​ന്ന​ശേ​ഷി സൗ​ഹൃ​ദ​മ​ല്ല. ചി​ല​യി​ട​ങ്ങ​ളി​ൽ ഭി​ന്ന​ശേ​ഷി സൗ​ഹൃ​ദം എ​ന്ന​ത് പ്ര​ഹ​സ​ന ന​ട​പ​ടി​യി​ൽ ഒ​തു​ങ്ങി. ക​ട്ട​പ്പ​ന മി​നി​സി​വി​ൽ സ്‌​റ്റേ​ഷ​നി​ലെ സ​ബ് ര​ജി​സ്ട്രാ​ർ ഓ​ഫി​സ് അ​ട​ക്കം പ്ര​വ​ർ​ത്തി​ക്കു​ന്ന ര​ണ്ടാം നി​ല​യി​ലേ​ക്ക് ഭി​ന്ന​ശേ​ഷി​ക്കാ​ർ​ക്ക് എ​ത്താ​ൻ മാ​ർ​ഗ​മി​ല്ല. സി​വി​ൽ സ്‌​റ്റേ​ഷ​ന്റെ മു​ൻ​വ​ശ​ത്ത് വീ​ൽ​ചെ​യ​ർ ക​യ​റ്റാ​നാ​യി റാം​പ്​​ നി​ർ​മി​ച്ചി​ട്ടു​ണ്ടെ​ങ്കി​ലും മു​ക​ൾ ഭാ​ഗ​ത്തേ​ക്ക് ന​ട​ക​ൾ മാ​ത്ര​മാ​ണു​ള്ള​ത്. അ​തി​നാ​ൽ ര​ജി​സ്ട്രാ​ർ ഓ​ഫി​സ്, വി​ദ്യാ​ഭ്യാ​സ ഓ​ഫി​സ്, എ​ക്‌​സൈ​സ് ഓ​ഫി​സ് തു​ട​ങ്ങി​യ​വ പ്ര​വ​ർ​ത്തി​ക്കു​ന്ന മു​ക​ൾ നി​ല​യി​ലേ​ക്ക് ഭി​ന്ന​ശേ​ഷി​ക്കാ​ർ​ക്ക് ക​യ​റാ​നാ​കി​ല്ല. റാം​പ്​ നി​ർ​മി​ച്ചി​രി​ക്കു​ന്ന ഭാ​ഗ​ത്ത് ഗ്രി​ൽ അ​ട​ച്ചി​ട്ടി​രി​ക്കു​ക​യാ​ണ്.

ജി​ല്ല പി.​എ​സ്‌.​സി ഓ​ഫി​സ്, ലോ​ട്ട​റി ഓ​ഫി​സ്, മൈ​ന​ർ ഇ​റി​ഗേ​ഷ​ൻ ഓ​ഫി​സ് എ​ന്നി​വ​യെ​ല്ലാം പ്ര​വ​ർ​ത്തി​ക്കു​ന്ന ഭ​വ​ന​നി​ർ​മാ​ണ ബോ​ർ​ഡ് വ്യാ​പാ​ര സ​മു​ച്ച​യ​ത്തി​ൽ റാം​പും ലി​ഫ്റ്റു​മെ​ല്ലാ​മു​ണ്ട്. എ​ന്നാ​ൽ, പ​ല സ​മ​യ​ങ്ങ​ളി​ലും ലി​ഫ്റ്റ് പ്ര​വ​ർ​ത്തി​ക്കാ​ത്ത​ത് ഭി​ന്ന​ശേ​ഷി​ക്കാ​രെ വ​ല​ക്കു​ന്നു. ലോ​ട്ട​റി ഓ​ഫി​സി​ലേ​ക്കാ​ണ് കൂ​ടു​ത​ൽ ഭി​ന്ന​ശേ​ഷി​ക്കാ​ർ എ​ത്തു​ന്ന​ത്.

കോ​ടി​ക​ൾ മു​ട​ക്കി കെ​ട്ടി​ടം; പ​ക്ഷേ റാം​പി​ല്ല

അ​ടി​മാ​ലി താ​ലൂ​ക്ക് ആ​ശു​പ​ത്രി അ​ത്യാ​ഹി​ത വി​ഭാ​ഗം കെ​ട്ടി​ട​ത്തി​ന് മു​മ്പേ റാം​പ്​​ സൗ​ക​ര്യം ഇ​ല്ല. അ​തി​നി​ടെ​യാ​ണ്​ ഇ​തി​നോ​ടു ചേ​ർ​ന്ന് കോ​ടി​ക​ൾ മു​ട​ക്കി നി​ർ​മി​ക്കു​ന്ന ര​ണ്ട്​ ബ​ഹു​നി​ല കെ​ട്ടി​ട​ങ്ങ​ളും റാം​പ്​ സൗ​ക​ര്യം ഇ​ല്ലാ​തെ അ​ടു​ത്തി​ടെ പൂ​ർ​ത്തി​യാ​ക്കി​യ​ത്. കി​ഫ്ബി​യി​ൽ​നി​ന്ന് 10 കോ​ടി​യോ​ളം മു​ട​ക്കി നി​ർ​മി​ക്കു​ന്ന ബ​ഹു​നി​ല കെ​ട്ടി​ട​വും നാ​ല്​ കോ​ടി​യോ​ളം മു​ട​ക്കി​യു​ള്ള കാ​ത്ത് ലാ​ബ് ആ​ൻ​ഡ് സി.​സി.​യു യൂ​നി​റ്റു​മാ​ണ് റാം​പ്​​ സൗ​ക​ര്യം ഏ​ർ​പ്പെ​ടു​ത്താ​തെ നി​ർ​മാ​ണം. അ​ത്യാ​ഹി​ത വി​ഭാ​ഗം കെ​ട്ടി​ട​ത്തി​ൽ റാം​പ്​​ സൗ​ക​ര്യം ഏ​ർ​പ്പെ​ടു​ത്തു​ന്ന​തി​നു പ​ക​രം ര​ണ്ട്​ ലി​ഫ്റ്റാ​ണു​ള്ള​ത്. ഇ​വ ര​ണ്ടും ഇ​ട​ക്കി​ടെ പ​ണി​മു​ട​ക്കു​ന്ന​തോ​ടെ രോ​ഗി​ക​ളെ ചു​മ​ന്നാ​ണ് കെ​ട്ടി​ട​ത്തി​ന്റെ മു​ക​ൾ നി​ല​ക​ളി​ലെ വാ​ർ​ഡു​ക​ളി​ൽ എ​ത്തി​ക്കു​ന്ന​ത്. ഇ​തി​നു പി​ന്നാ​ലെ​യാ​ണ് കാ​ത്ത് ലാ​ബ് ആ​ൻ​ഡ് സി.​സി യൂ​നി​റ്റി​നാ​യി ബ​ഹു​നി​ല കെ​ട്ടി​ടം നി​ർ​മാ​ണം ആ​രം​ഭി​ച്ച​ത്. എ​ന്നാ​ൽ, റാം​പ്​​സൗ​ക​ര്യം ഉ​ൾ​പ്പെ​ടു​ത്താ​തെ​യാ​ണ് പ​ണി പു​രോ​ഗ​മി​ക്കു​ന്ന​ത്. മൂ​ന്ന്​ നി​ല​യി​ൽ നി​ർ​മി​ച്ച അ​ടി​മാ​ലി പ​ഞ്ചാ​യ​ത്ത് ഷോ​പ്പി​ങ് കോം​പ്ല​ക്സി​ലും റാം​പ്​​ സൗ​ക​ര്യ​മി​ല്ല. ര​ണ്ട്, മൂ​ന്ന്​ നി​ല​ക​ളി​ലാ​യി വി​വി​ധ സ​ർ​ക്കാ​ർ ഓ​ഫി​സു​ക​ൾ പ്ര​വ​ർ​ത്തി​ക്കു​ന്നി​ട​ത്തേ​ക്കും പ​ടി​ക​ൾ മാ​ത്ര​മാ​ണ് ആ​ശ്ര​യം.

പീ​രു​മേ​ട്ടി​ൽ പേ​രി​നു​പോ​ലു​മി​ല്ല സൗ​ഹൃ​ദ​യി​ടം

താ​ലൂ​ക്ക് ഓ​ഫി​സ് ഉ​ൾ​പ്പെ​ടെ 14 സ​ർ​ക്കാ​ർ ഓ​ഫി​സു​ക​ൾ പ്ര​വ​ർ​ത്തി​ക്കു​ന്ന പീ​രു​മേ​ട് മി​നി​സി​വി​ൽ സ്റ്റേ​ഷ​ൻ അ​ട​ക്കം താ​ലൂ​ക്കി​ലെ ഒ​രു ഓ​ഫി​സും ഭി​ന്ന​ശേ​ഷി സൗ​ഹൃ​ദ​മ​ല്ല.

മൂ​ന്ന് നി​ല​യി​ലാ​യു​ള്ള സി​വി​ൽ സ്റ്റേ​ഷ​നി​ലെ താ​ലൂ​ക്ക് ഓ​ഫി​സ് ഒ​ഴി​കെ മ​റ്റു ഓ​ഫി​സു​ക​ളി​ൽ എ​ത്തു​ന്ന​തി​നു പ​ടി​ക്കെ​ട്ടു​ക​ൾ മാ​ത്ര​മാ​ണ്​ ആ​ശ്ര​യം.

സ​ബ് ര​ജി​സ്ട്രാ​ർ ഓ​ഫി​സ്, ജോ​യ​ന്റ് ആ​ർ.​ടി.​ഒ, എം​പ്ലോ​യ്​​മെ​ന്റ് എ​ക്സ്ചേ​ഞ്ച്, ലാ​ൻ​ഡ് അ​സൈ​ൻ​മെ​ന്റ്, വ്യ​വ​സാ​യ വ​കു​പ്പ് ഓ​ഫി​സ് തു​ട​ങ്ങി ഭി​ന്ന​ശേ​ഷി​ക്കാ​ർ ആ​ശ്ര​യി​ക്കു​ന്ന ഓ​ഫി​സു​ക​ളി​ൽ എ​ത്ത​ണ​മെ​ങ്കി​ൽ മ​റ്റു​ള്ള​വ​രു​ടെ സ​ഹാ​യം വേ​ണം.

നെ​ടു​ങ്ക​ണ്ടം മി​നി​സി​വി​ൽ സ്​​റ്റേ​ഷ​ൻ സൗ​ഹൃ​ദ​മ​ല്ല

ഒ​ട്ടേ​റെ സ​ർ​ക്കാ​ർ ഓ​ഫി​സു​ക​ൾ പ്ര​വ​ർ​ത്തി​ക്കു​ന്ന നെ​ടു​ങ്ക​ണ്ടം മി​നി​സി​വി​ൽ സ്റ്റേ​ഷ​നും ഭി​ന്ന​ശേ​ഷി സൗ​ഹൃ​ദ​മ​ല്ല. മു​ക​ൾ നി​ല​ക​ളി​ൽ പ്ര​വ​ർ​ത്തി​ക്കു​ന്ന പാ​മ്പാ​ടും​പാ​റ, ക​രു​ണാ​പു​രം, നെ​ടു​ങ്ക​ണ്ടം പ​ഞ്ചാ​യ​ത്ത് ഓ​ഫി​സു​ക​ളി​ലേ​ക്കും പ​ടി​ക​ൾ ക​യ​റി മാ​ത്ര​മേ എ​ത്താ​ൻ ക​ഴി​യൂ. ഭി​ന്ന​ശേ​ഷി സൗ​ഹൃ​ദ​മാ​യ ശു​ചി​മു​റി​ക​ളും പൊ​തു​സ്ഥ​ല​ങ്ങ​ളി​ൽ ഇ​ല്ല. പു​തു​താ​യി പ​ണി​ത സ്മാ​ർ​ട്ട്‌ വി​ല്ലേ​ജ് ഓ​ഫി​സു​ക​ളി​ൽ മാ​ത്ര​മാ​ണ് റാം​പു​ക​ൾ എ​ങ്കി​ലും ഉ​ള്ള​ത്.