ഇതാ ഇടുക്കിയുടെ സ്വന്തം പൂപ്പാടം

തൊ​ടു​പു​ഴ: ഇ​ന്ന്​ അ​ത്തം ഒ​ന്ന്. പ​ത്താം നാ​ൾ പൊ​ന്നോ​ണ​മെ​ത്തും. ഇ​ക്കു​റി​ സ്വ​ന്തം നാ​ട്ടു​മു​റ്റ​ത്ത്​ വി​രി​ഞ്ഞ പൂ​ക്ക​ൾ​കൊ​ണ്ട്​ സ​മൃ​ദ്ധ​മാ​യി ക​ള​മൊ​രു​ക്കാം. ഉ​ടു​​മ്പ​ന്നൂ​ർ പ​ഞ്ചാ​യ​ത്തി​ലെ മ​ല​യി​ഞ്ചി മൂ​ലം​പു​ഴ​യി​ലെ ബി​നീ​ഷും കു​ടും​ബ​വു​മാ​ണ്​ പാ​ട്ട​ത്തി​നെ​ടു​ത്ത 40 സെ​ന്‍റി​ലെ 20 സെ​ന്‍റി​ൽ​ പൂ​പ്പാ​ടം വി​രി​യി​ച്ച​ത്. മ​ല​യി​ഞ്ചി എ​സ്.​എ​ൻ.​ഡി.​പി ശാ​ഖ​യു​ടെ സ്ഥ​ല​മാ​ണ്​ പാ​ട്ട​ത്തി​നെ​ടു​ത്ത​ത്. നാ​ട്ടി​ലും പൂ​പ്പാ​ടം ഉ​ണ്ടാ​ക്കാ​നാ​വു​മോ എ​ന്ന പ​രീ​ക്ഷി​ക്കാം എ​ന്നു ക​രു​തി തു​ട​ങ്ങി​യ​താ​ണ്.

ഭാ​ര്യ അ​നു​പ്രി​യ​യും മ​ക്ക​ളാ​യ എ​ട്ടാം ക്ലാ​സു​കാ​രി ആ​ർ​ദ്ര​യും മൂ​ന്നാം ക്ലാ​സു​കാ​രി ആ​ത്​​മീ​യ​യ​യും ബി​നീ​ഷി​ന്‍റെ സ​ഹോ​ദ​ര​ങ്ങ​ളും മ​ക്ക​ളും ഒ​പ്പം ചേ​ർ​ന്ന​പ്പോ​ൾ ബ​ന്ദി​പ്പൂ​ത്തോ​ട്ടം യാ​ഥാ​ർ​ഥ്യ​മാ​യി. കൃ​ഷി ഓ​ഫീ​സ​ർ അ​ജി​മോ​നും മ​റ്റ്​ ജീ​വ​ന​ക്കാ​രും ബി​നീ​ഷി​ന്​ സ​ഹാ​യ​വു​മാ​യെ​ത്തി. നാ​ട​ൻ വ​ള​വും ജൈ​വ​വ​ള​ങ്ങ​ളു​മാ​ണ്​ കൃ​ഷി​ക്ക്​ ഉ​പ​യോ​ഗി​ച്ച​ത്. 65 ദി​വ​സം കൊ​ണ്ട്​ പൂ​ക്ക​ൾ പ​റി​ക്കാ​ൻ പാ​ക​മാ​യി. ഇ​ടു​ക്കി​യി​ൽ ആ​ദ്യ​മാ​യാ​ണ്​ ബ​ന്ദി​പ്പൂ പാ​ടം യാ​ഥാ​ർ​ഥ്യ​മാ​കു​ന്ന​ത്. ഏ​ക​ദേ​ശം 40 കി​ലോ പൂ​ക്ക​ൾ ഉ​ണ്ടാ​കു​മെ​ന്നാ​ണ്​ ക​രു​തു​ന്ന​ത്. വ​യ​നാ​ട്​ ദു​ര​ന്ത​ത്തി​ന്‍റെ പ​ശ്​​ചാ​ത്ത​ല​ത്തി​ൽ ഓ​ണാ​ഘോ​ഷം പ​ല​രും ഒ​ഴി​വാ​ക്കി​യ​തി​നാ​ൽ പൂ​ക്ക​ൾ​ക്ക്​ കാ​ര്യ​മാ​യ വി​ല ല​ഭി​ക്കു​മോ എ​ന്ന ആ​ശ​ങ്ക​യു​ണ്ട്​ ബി​നീ​ഷി​ന്. ഉ​ടു​മ്പ​ന്നൂ​ർ പ​ഞ്ചാ​യ​ത്ത്​ പ്ര​സി​ഡ​ന്‍റ്​ ല​തീ​ഷ്​ വി​ള​വെ​ടു​പ്പ്​ ഉ​ദ്​​ഘാ​ട​നം നി​ർ​വ​ഹി​ച്ചു. ശേ​ഷി​ക്കു​ന്ന 20 സെ​ന്‍റ്​ പാ​ട്ട​ഭൂ​മി​യി​ൽ പ​യ​റും പ​ച്ച​ക്ക​റി​ക​ളും വി​ത്തി​റ​ക്കാ​നാ​ണ്​ ബി​നീ​ഷ്​ ഉ​ദ്ദേ​ശി​ക്കു​ന്ന​ത്.