പോക്സോ കേസ്: 61കാരന് 81 വർഷം തടവ്
text_fieldsതൊടുപുഴ: പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസില് അയല്വാസിയായ 61കാരന് വിവിധ വകുപ്പുകളിലായി 81 വര്ഷം തടവും രണ്ടേകാല് ലക്ഷം രൂപ പിഴയും. 2020ൽ കഞ്ഞിക്കുഴി പൊലീസ് രജിസ്റ്റര് ചെയ്ത കേസില് പൈനാവ് സ്പെഷല് കോടതിയുടേതാണ് ഉത്തരവ്.
എട്ടുവയസ്സുമുതല് കുട്ടിയെ പ്രതി നിരന്തരം പീഡിപ്പിച്ചുവരുന്നതായും ആൾത്താമസമില്ലാത്ത വീട്ടിലെത്തിച്ച് പീഡിപ്പിച്ച് ഗര്ഭിണിയാക്കിയെന്നും പരിശോധനയില് കണ്ടെത്തി.
ശിക്ഷ ഒരുമിച്ചായതിനാൽ 30 വര്ഷം തടവുശിക്ഷ അനുഭവിച്ചാൽ മതിയാകും. ജില്ല ലീഗല് സര്വിസ് അതോറിറ്റി രണ്ടുലക്ഷം രൂപ അധികമായി കുട്ടിക്ക് നല്കണമെന്നും ഉത്തരവിലുണ്ട്. പ്രോസിക്യൂഷനുവേണ്ടി അഡ്വ. എസ്.എസ്. സനീഷ് ഹാജരായി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.