കീശ കാലിയാക്കി വിലക്കയറ്റം; പ​ച്ച​ക്ക​റി​ക്കും ഇ​റ​ച്ചി​ക്കും മീ​നി​നും വി​ല കു​തി​ച്ചു​യ​രു​ന്നു

തൊ​ടു​പു​ഴ: വി​പ​ണി​യി​ല്‍ ഇ​റ​ച്ചി​യും മീ​നും വാ​ങ്ങാ​നി​റ​ങ്ങി​യാ​ല്‍ കൈ ​പൊ​ള്ളും. ഇ​റ​ച്ചി​യു​ടെ​യും മീ​നി​ന്റെ​യും വി​ല നി​യ​ന്ത്ര​ണ​മി​ല്ലാ​തെ കു​തി​ച്ചു​യ​രു​ന്ന​താ​ണ് ഇ​തി​നു കാ​ര​ണം. പ​ച്ച​ക്ക​റി ക​ഴി​ക്കാ​മെ​ന്ന്​ വി​ചാ​രി​ച്ചാ​ലും പോ​ക്ക​റ്റ്​ കാ​ലി​യാ​കു​ന്ന സാ​ഹ​ച​ര്യം. പ​ച്ച​ക്ക​റി ഉ​ൽ​പ്പ​ന്ന​ങ്ങ​ൾ​ക്കും വി​ല ഉ​യ​ര്‍ന്നു​തു​ട​ങ്ങി. ഇ​തോ​ടെ കു​ടും​ബ ബ​ജ​റ്റ് താ​ളം തെ​റ്റു​ന്ന സ്ഥി​തി​യി​ലേ​ക്കാ​ണ് കാ​ര്യ​ങ്ങ​ള്‍ നീ​ങ്ങു​ന്ന​ത്.

മ​ത്സ്യ​ത്തി​ന്റെ വി​ല അ​ടു​ത്ത നാ​ളി​ല്‍ വ​ലി​യ തോ​തി​ല്‍ വ​ര്‍ധി​ച്ചു. ട്രോ​ളി​ങ്​ നി​രോ​ധ​ന​മാ​ണ് പ​ച്ച​മ​ത്സ്യ​ത്തി​ന്റെ വി​ല കു​ത്ത​നെ ഉ​യ​രാ​ന്‍ കാ​ര​ണ​മാ​ക്കി​യ​തെ​ന്നാ​ണ് ക​ച്ച​വ​ട​ക്കാ​ര്‍ പ​റ​യു​ന്ന​ത്. വി​ല കു​റ​വാ​യി​രു​ന്ന ചെ​റു​മ​ത്സ്യ​ങ്ങ​ളു​ടെ വി​ല​യാ​ണ് പെ​ട്ടെ​ന്ന് കു​തി​ച്ചു​യ​ര്‍ന്ന​ത്. സാ​ധാ​ര​ണ​ക്കാ​രു​ടെ ഇ​ഷ്ട മ​ത്സ്യ​മാ​യ മ​ത്തി​ക്ക്​ കി​ലോ​ക്ക്​ 320 മു​ത​ല്‍ 340 രൂ​പ വ​രെ​യാ​ണ് പ​ല​യി​ട​ത്തും ചി​ല്ല​റ വി​ല. അ​യ​ല 300-320 രൂ​പ വ​രെ​യാ​യി ഉ​യ​ര്‍ന്നു. കി​ളി, കൊ​ഴു​വ, ഓ​ല​ക്കു​ടി തു​ട​ങ്ങി​യ​വ​ക്കും വി​ല ഉ​യ​ര്‍ന്നി​ട്ടു​ണ്ട്. പ​ല മ​ത്സ്യ​ങ്ങ​ളും ഇ​പ്പോ​ള്‍ കി​ട്ടാ​നു​മി​ല്ല. വി​ല കൂ​ടി​യ​തോ​ടെ വി​ല്‍പ​ന കു​റ​ഞ്ഞ​താ​യി ക​ച്ച​വ​ട​ക്കാ​ര്‍ പ​റ​യു​ന്നു. ക​ട​ക​ളി​ല്‍ മ​ത്സ്യം വാ​ങ്ങാ​നെ​ത്തു​ന്ന പ​ല​രും വി​ല കേ​ള്‍ക്കു​മ്പോ​ള്‍ മ​ട​ങ്ങു​ന്ന അ​വ​സ്ഥ​യാ​ണ്.

പോ​ത്തി​റ​ച്ചി​ക്ക്​ പ​ല​യി​ട​ത്തും പ​ല വി​ല​യാ​ണ് ഈ​ടാ​ക്കു​ന്ന​ത്. 380 രൂ​പ മു​ത​ല്‍ 420 രൂ​പ​വ​രെ​യാ​ണ് പോ​ത്തി​റ​ച്ചി​യു​ടെ വി​ല. ഹൈ​റേ​ഞ്ചി​ല്‍ ചി​ല സ്ഥ​ല​ത്ത് 380 രൂ​പ​ക്ക്​ പോ​ത്തി​റ​ച്ചി ല​ഭി​ക്കു​മ്പോ​ള്‍ ലോ ​റേ​ഞ്ചി​ല്‍ 420 രൂ​പ വ​രെ​യാ​ണ് വാ​ങ്ങു​ന്ന​ത്. ഇ​റ​ച്ചി​ക്കോ​ഴി 165- 170 രൂ​പ​ക്കാ​യി​രു​ന്നു തൊ​ടു​പു​ഴ​യി​ല്‍ വി​ല്‍പ്പ​ന ന​ട​ന്ന​ത്. ഉ​ത്പാ​ദ​ന​ത്തി​ലു​ണ്ടാ​യ ഇ​ടി​വാ​ണ് കോ​ഴി​വി​ല ഉ​യ​രാ​ന്‍ പ്ര​ധാ​ന കാ​ര​ണ​മാ​യി വി​ല്‍പ​ന​ക്കാ​ര്‍ പ​റ​യു​ന്ന​ത്. വി​ല ഉ​യ​ര്‍ന്ന​തോ​ടെ, പ​ല​യി​ട​ത്തും വി​ല്‍പ്പ​ന പ​കു​തി​യാ​യി കു​റ​ഞ്ഞു. വി​ല​വ​ര്‍ധ​ന ഹോ​ട്ട​ലു​ക​ള്‍ക്കും തി​രി​ച്ച​ടി​യാ​യി​ട്ടു​ണ്ട്. വി​ല കൂ​ടി​യ സാ​ഹ​ച​ര്യ​ത്തി​ല്‍ ചി​ക്ക​ന്‍ വി​ഭ​വ​ങ്ങ​ള്‍ക്കും മ​റ്റും വി​ല വ​ര്‍ധി​പ്പി​ക്കേ​ണ്ടി വ​രു​മെ​ന്ന്​ ഹോ​ട്ട​ലു​ട​മ​ക​ള്‍ പ​റ​യു​ന്നു. പ​ന്നി​യി​റ​ച്ചി​ക്ക് 380-400 രൂ​പ​യു​മാ​ണ് മി​ക്ക​യി​ട​ങ്ങ​ളി​ലും ഈ​ടാ​ക്കു​ന്ന​ത്.

പ​ച്ച​ക്ക​റി ഉ​ത്പ്പ​ന്ന​ങ്ങ​ളു​ടെ വി​ല​യും ക്ര​മാ​തീ​ത​മാ​യി ഉ​യ​ര്‍ന്നു​തു​ട​ങ്ങി. പ​ല ഉ​ത്പ​ന്ന​ങ്ങ​ളു​ടെ​യും വി​ല നൂ​റും അ​തി​ന​പ്പു​റ​വും ക​ട​ന്നു. പ​ച്ച​മു​ള​കി​ന് വി​ല കി​ലോ​ക്ക്​ 180 രൂ​പ​യി​ലെ​ത്തി. ബീ​ന്‍സി​നും പാ​വ​ക്ക​യ്ക്കും കി​ലോ 100 രൂ​പ​യാ​യി ഉ​യ​ര്‍ന്നു. കാ​ര​റ്റി​ന് 80 രൂ​പ​യാ​ണ് വി​ല. വെ​ളു​ത്തു​ള്ളി​ക്ക്​ 280-300, ഇ​ഞ്ചി​ക്ക്​ 250 രൂ​പ​യു​മാ​ണ് വി​ല. പ​യ​ര്‍ -80, മു​രി​ങ്ങ​ക്കാ​യ -80-100, ത​ക്കാ​ളി-80, പ​ച്ച​മാ​ങ്ങ-70, വെ​ണ്ട​ക്ക -60, കാ​ബേ​ജ്- 50, കോ​വ​ക്ക-50, കു​മ്പ​ള​ങ്ങ- 60, ചേ​ന-100, ഉ​ള്ളി-70, സ​വാ​ള-45, കി​ഴ​ങ്ങ്-50 എ​ന്നി​ങ്ങ​നെ​യാ​ണ് വി​ല്‍പ്പ​ന വി​ല. പ്ര​തി​കൂ​ല കാ​ലാ​വ​സ്ഥ​യാ​ണ് പ​ച്ച​ക്ക​റി വി​ല ഉ​യ​രാ​ന്‍ കാ​ര​ണ​മെ​ന്നാ​ണ് ക​ച്ച​വ​ട​ക്കാ​ർ പ​റ​യു​ന്ന​ത്.