തെരുവുനായ്​ ശല്യം; പൈനാവിൽ എ.ബി.സി സെന്‍ററിന്​ നടപടി

തൊ​ടു​പു​ഴ: ജി​ല്ല​യി​ല്‍ തെ​രു​വു​നാ​യ്ക്ക​ളു​ടെ ശ​ല്യം പെ​രു​കു​ന്ന സാ​ഹ​ച​ര്യ​ത്തി​ല്‍ ഇ​വ​യെ വ​ന്ധ്യം​ക​രി​ക്കാ​നും പ്ര​തി​രോ​ധ കു​ത്തി​വെ​പ്പ്​ ന​ല്‍കാ​നു​മാ​യി അ​നി​മ​ല്‍ ബെ​ര്‍ത്ത് ക​ണ്‍ട്രോ​ള്‍ സെ​ന്റ​ര്‍ ആ​രം​ഭി​ക്കാ​നു​ള്ള ന​ട​പ​ടി​ക​ള്‍ ആ​രം​ഭി​ച്ചു. പൈ​നാ​വി​ല്‍ ജി​ല്ല പ​ഞ്ചാ​യ​ത്ത് വി​ട്ടു​ന​ല്‍കു​ന്ന 50 സെ​ന്റ് സ്ഥ​ല​ത്താ​കും എ.​ബി.​സി സെ​ന്റ​ര്‍ നി​ര്‍മി​ക്കു​ന്ന​ത്.

അ​ര​യേ​ക്ക​റി​ൽ ര​ണ്ട​ര​ക്കോ​ടി മു​ട​ക്കി നി​ര്‍മി​ക്കു​ന്ന കേ​ന്ദ്ര​ത്തി​ല്‍ 100 നാ​യ്ക്ക​ളെ പാ​ര്‍പ്പി​ച്ച് വ​ന്ധ്യം​ക​രി​ക്കാ​നും പ്ര​തി​രോ​ധ കു​ത്തി​വെ​പ്പ്​ ന​ല്‍കാ​നുക​ഴി​യു​ന്ന ത​ര​ത്തി​ല്‍ വി​പു​ല​മാ​യ സം​വി​ധാ​ന​മാ​ണ് ത​യാ​റാ​ക്കു​ന്ന​ത്. ത്രി​ത​ല പ​ഞ്ചാ​യ​ത്തു​ക​ളു​ടെ ഫ​ണ്ട്​ ഉ​പ​യോ​ഗി​ച്ചാ​ണ് നി​ര്‍മാ​ണം. സെ​ന്റ​റി​നാ​യു​ള്ള കെ​ട്ടി​ട നി​ര്‍മാ​ണം ഉ​ട​ന്‍ ആ​രം​ഭി​ക്കു​ന്ന​തി​നും വേ​ഗ​ത്തി​ല്‍ പൂ​ര്‍ത്തി​യാ​ക്കി സെ​ന്റ​ര്‍ തു​ട​ങ്ങു​ന്ന​തി​നു​മു​ള്ള ന​ട​പ​ടി​ക​ള്‍ പു​രോ​ഗ​മി​ച്ചു വ​രു​ക​യാ​ണെ​ന്നും ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് കെ.​ടി. ബി​നു പ​റ​ഞ്ഞു.

നേ​ര​ത്തേ നെ​ടു​ങ്ക​ണ്ടം, മൂ​ന്നാ​ര്‍, കു​മ​ളി, തൊ​ടു​പു​ഴ, പീ​രു​മേ​ട് എ​ന്നി​വി​ട​ങ്ങ​ളി​ല്‍ മൃ​ഗ​സം​ര​ക്ഷ​ണ വ​കു​പ്പ് സ്ഥ​ല​ങ്ങ​ള്‍ ക​ണ്ടെ​ത്തി​യെ​ങ്കി​ലും പ്ര​ദേ​ശ​വാ​സി​ക​ളി​ല്‍നി​ന്നു​ണ്ടാ​യ എ​തി​ര്‍പ്പി​നെ തു​ട​ന്ന്​ ന​ട​പ്പാ​യി​ല്ല. ജി​ല്ല​യി​ൽ ഒ​രു എ.​ബി.​സി സെ​ന്റ​ര്‍പോ​ലും തു​റ​ക്കാ​നാ​കാ​ത്ത​തും ജി​ല്ല പ​ഞ്ചാ​യ​ത്തി​നെ സം​ബ​ന്ധി​ച്ച്​ വെ​ല്ലു​വി​ളി സൃ​ഷ്ടി​ച്ചി​രു​ന്നു. അ​ല​ഞ്ഞു​തി​രി​യു​ന്ന നാ​യ്ക്ക​ളെ​യ​ട​ക്കം ഇ​വി​ടെ​യെ​ത്തി​ച്ച് വ​ന്ധ്യം​ക​ര​ണം ന​ട​ത്തു​ന്ന​തോ​ടെ ഇ​വ​യു​ടെ വം​ശ​വ​ര്‍ധ​ന ത​ട​യു​ന്ന​തി​നും പ്ര​തി​രോ​ധ കു​ത്തി​വെ​പ്പ്​ ന​ല്‍കി പേ​വി​ഷ ബാ​ധ​യു​ടെ സാ​ധ്യ​ത​ക​ള്‍ ഇ​ല്ലാ​താ​ക്കാ​നും ക​ഴി​യും.

സെ​ന്‍റ​ർ ഒ​രു​ങ്ങു​ന്ന​ത്​ ആ​ധു​നി​ക സ​ജ്ജീ​ക​ര​ണ​ങ്ങ​ളോ​ടെ

ഓ​പ​റേ​ഷ​ന്‍ തി​യ​റ്റ​ര്‍, നാ​യ്ക്ക​ളെ പാ​ര്‍പ്പി​ക്കാ​നു​ള്ള ഷെ​ല്‍ട്ട​ര്‍ എ​ന്നി​വ​യ​ട​ക്ക​മു​ള്ള സൗ​ക​ര്യ​ങ്ങ​ളോ​ടെ​യു​ള്ള എ.​ബി.​സി സെ​ന്റ​റാ​ണ് ആ​രം​ഭി​ക്കു​ന്ന​ത്. ജി​ല്ല​യി​ല്‍ മ​റ്റ് എ.​ബി.​സി സെ​ന്റ​റു​ക​ള്‍ ഇ​ല്ലാ​ത്ത സാ​ഹ​ച​ര്യ​ത്തി​ല്‍ എ​ല്ലാ മേ​ഖ​ല​യി​ല്‍നി​ന്നും നാ​യ്ക്ക​ളെ പി​ടി​കൂ​ടി ഇ​വി​ടെ​യെ​ത്തി​ച്ച് വ​ന്ധ്യം​ക​ര​ണം ന​ട​ത്താ​നു​ള്ള സം​വി​ധാ​ന​മാ​ണ് ഒ​രു​ങ്ങു​ന്ന​ത്. ജി​ല്ല പ​ഞ്ചാ​യ​ത്ത് ചീ​ഫ് എ​ക്‌​സി​ക്യൂ​ട്ടി​വ് എ​ന്‍ജി​നീ​യ​ര്‍ ത​യാ​റാ​ക്കി​യ പ്ലാ​ന്‍ അ​നു​സ​രി​ച്ചാ​ണ് നി​ര്‍മാ​ണം. കെ​ട്ടി​ട നി​ര്‍മാ​ണ​ത്തി​ന്​ മു​ന്നോ​ടി​യാ​യി ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് അ​ട​ക്ക​മു​ള്ള​വ​ര്‍ കോ​ട്ട​യം ജി​ല്ല​യി​ലെ എ.​ബി.​സി സെ​ന്റ​ര്‍ ക​ഴി​ഞ്ഞ ദി​വ​സം സ​ന്ദ​ര്‍ശി​ച്ചി​രു​ന്നു.

വ​ള​രെ സു​ര​ക്ഷി​ത​മാ​യി ജ​ന​ങ്ങ​ള്‍ക്ക് ഒ​രു വി​ധ​ത്തി​ലു​ള്ള ബു​ദ്ധി​മു​ട്ടും ഉ​ണ്ടാ​കാ​ത്ത വി​ധം ചു​റ്റു​മ​തി​ല്‍ ഉ​ള്‍പ്പെ​ടെ​യാ​ണ് ഇ​തോ​ട​നു​ബ​ന്ധി​ച്ച് നി​ര്‍മി​ക്കു​ന്ന​ത്. ഓ​പ​റേ​ഷ​ന്‍ തി​യ​റ്റ​ര്‍ കൂ​ടാ​തെ പോ​സ്റ്റ് ആ​ന്‍ഡ് പ്രീ​ഓ​പ​റേ​ഷ​ന്‍ കെ​യ​ര്‍ യൂ​നി​റ്റ്, സ്റ്റോ​ര്‍, സി.​സി ടി.​വി, ടി.​വി, എ.​സി, കി​ച്ച​ൻ എ​ന്നി​വ​യും സെ​ന്റ​റി​ലു​ണ്ടാ​കും.

വെ​റ്റ​റി​ന​റി സ​ര്‍ജ​ന്‍, മൃ​ഗ​പ​രി​പാ​ല​ക​ര്‍, തി​യ​റ്റ​ര്‍ സ​ഹാ​യി​ക​ള്‍, ശു​ചീ​ക​ര​ണ ജോ​ലി​ക്കാ​ര്‍, നാ​യ്​​പി​ടി​ത്ത​ക്കാ​ര്‍ എ​ന്നി​വ​ര​ട​ങ്ങു​ന്ന സം​ഘ​വും സേ​വ​ന​ത്തി​നു​ണ്ടാ​കും. പി​ടി​കൂ​ടു​ന്ന​വ​യെ സെ​ന്റ​റി​ലെ​ത്തി​ച്ച് വ​ന്ധ്യം​ക​ര​ണം ന​ട​ത്തി പ്ര​തി​രോ​ധ കു​ത്തി​വെ​പ്പും ന​ല്‍കും. തു​ട​ര്‍ന്ന് പെ​ണ്‍നാ​യ്​​ക്ക​ള്‍ക്ക് അ​ഞ്ചു ദി​വ​സ​വും ആ​ണ്‍നാ​യ്​​ക്ക​ള്‍ക്ക് നാ​ലു ദി​വ​സ​വും ഷെ​ല്‍ട്ട​ര്‍ സൗ​ക​ര്യ​മൊ​രു​ക്കും. പി​ന്നീ​ട് ഇ​വ​യെ അ​ത​ത് ത​ദ്ദേ​ശ സ്ഥാ​പ​ന​ത്തി​ലെ ജ​ന​പ്ര​തി​നി​ധി​ക​ളു​ടെ സാ​ന്നി​ധ്യ​ത്തി​ല്‍ പി​ടി​ച്ച അ​തേ സ്ഥ​ല​ത്തു​ത​ന്നെ തു​റ​ന്നു​വി​ടും.

ജി​ല്ല​യി​ൽ തെ​രു​വു​നാ​യ്ക്ക​ളു​ടെ എ​ണ്ണ​ത്തി​ല​ട​ക്കം ഇ​പ്പോ​ൾ വ​ലി​യ വ​ർ​ധ​ന​യാ​ണ്​ ഉ​ണ്ടാ​യി​ട്ടു​ള്ള​ത്. ര​ണ്ട് വ​ർ​ഷം മു​മ്പ്​ 7375 ആ​യി​രു​ന്നെ​ങ്കി​ൽ ഇ​പ്പോ​ൾ പ്രാ​ഥ​മി​ക ക​ണ​ക്കെ​ടു​പ്പി​ൽ 21,000 ആ​യി ഉ​യ​ർ​ന്നു. ഇ​ടു​ക്കി ജി​ല്ല​യു​ടെ പ​ല ഭാ​ഗ​ങ്ങ​ളി​ലും തെ​രു​വു​നാ​യ്​ ശ​ല്യം രൂ​ക്ഷ​മാ​ണ്. ഈ ​മാ​സം ഇ​തു​വ​രെ 344 പേ​ർ​ക്കാ​ണ്​​ ക​ടി​യേ​റ്റ​ത്. വ​ള​ർ​ത്തു​നാ​യ്ക്ക​ളു​ടെ ക​ടി​യേ​റ്റ​വ​രും ഈ ​ക​ണ​ക്കി​ൽ ഉ​ൾ​പ്പെ​ടും.