പൂമാല ബസുകളിൽ വിദ്യാർഥികൾക്ക്​ ‘വിലക്ക്​’; വീട്ടിലെത്താൻ രാത്രിയാകണം

തൊ​ടു​പു​ഴ: ചി​ല സ്വ​കാ​ര്യ ബ​സു​ക​ളി​ൽ വി​ദ്യാ​ർ​ഥി​ക​ളെ ക​യ​റ്റാ​തെ പെ​രു​വ​ഴി​യി​ലാ​ക്കു​ന്ന​താ​യി പ​രാ​തി. പൂ​മാ​ല റൂ​ട്ടി​ൽ ഓ​ടു​ന്ന ചി​ല ബ​സു​ക​ൾ തൊ​ടു​പു​ഴ പ്രൈ​വ​റ്റ് ബ​സ്​​സ്റ്റാ​ൻ​ഡി​ൽ എ​ത്തു​ന്ന വി​ദ്യാ​ർ​ഥി​ക​ളെ ക​യ​റ്റാ​തെ പോ​കു​ന്ന​താ​യാ​ണ് പ​രാ​തി. വൈ​കീ​ട്ട് നാ​ലു മു​ത​ൽ ആ​റു​വ​രെ​യു​ള്ള സ​മ​യ​ത്താ​ണ് വി​ദ്യാ​ർ​ഥി​ക​ളെ ക​യ​റ്റാ​തെ പോ​കു​ന്ന​ത്. ഈ ​റൂ​ട്ടി​ലു​ള്ള ബ​സു​ക​ൾ​ക്ക് നി​ശ്ച​യി​ച്ചി​രി​ക്കു​ന്ന ട്രാ​ക്കി​ൽ ക​യ​റ്റി ഇ​ടാ​തെ സ്റ്റാ​ൻ​ഡി​ന്റെ പി​ൻ​ഭാ​ഗ​ത്ത്​ പാ​ർ​ക്ക് ചെ​യ്യു​ക​യും ഇ​വി​ടെ എ​ത്തു​ന്ന മ​റ്റു യാ​ത്ര​ക്കാ​രെ മാ​ത്രം ക​യ​റ്റി​പ്പോ​കു​ക​യും ചെ​യ്യു​ന്ന​താ​ണ് രീ​തി. ഇ​വി​ടേ​ക്ക് വി​ദ്യാ​ർ​ഥി​ക​ൾ എ​ത്തി​യാ​ൽ ബ​സ് ജീ​വ​ന​ക്കാ​ർ ത​ട​യും. അ​ടു​ത്ത ബ​സി​ൽ പോ​രാ​നാ​ണ് ഇ​വ​രോ​ട് പ​റ​യു​ന്ന​ത്. ബ​സി​ൽ ക​യ​റാ​ൻ ശ്ര​മി​ച്ചാ​ൽ തന്നെ ഡോ​റി​ൽ നി​ൽ​ക്കു​ന്ന ജീ​വ​ന​ക്കാ​രെ ഉ​രു​മ്മി​യും ഞെ​രു​ങ്ങി​യും വേ​ണം ക​യ​റി പ​റ്റാ​ൻ.

സ്ത്രീ​ക​ളും പെ​ൺ​കു​ട്ടി​ക​ളും എ​ത്തി​യാ​ലും ബ​സി​ന്റെ വാ​തി​ലി​ൽ നി​ൽ​ക്കു​ന്ന ജീ​വ​ന​ക്കാ​ർ താ​ഴേ​ക്ക് ഇ​റ​ങ്ങി നി​ൽ​ക്കു​ക​യോ അ​ക​ത്തേ​ക്ക് മാ​റി കൊ​ടു​ക്കു​ക​യോ ചെ​യ്യാ​റി​ല്ല.

ഇ​നി ഇ​വ​രു​ടെ ത​ട​സ്സം ഒ​ഴി​വാ​ക്കി ബ​സി​ൽ ക​യ​റി​യാ​ലും വി​ദ്യാ​ർ​ഥി​ക​ൾ ബ​സ് ജീ​വ​ന​ക്കാ​രു​ടെ പു​ല​ഭ്യം കേ​ൾ​ക്കേ​ണ്ട ഗ​തി​കേ​ടാ​ണ്. വി​ദ്യാ​ർ​ഥി​ക​ൾ ക​യ​റു​ന്ന​തി​നാ​ൽ ഫു​ൾ ടി​ക്ക​റ്റ് യാ​ത്ര​ക്കാ​രെ കി​ട്ടു​ന്നി​ല്ലെ​ന്ന പ​രാ​തി​യാ​ണ് ബ​സ് ജീ​വ​ന​ക്കാ​ർ​ക്ക്.

അ​തേ​സ​മ​യം, മ​റ്റ് റൂ​ട്ടു​ക​ളി​ലൊ​ന്നും ഇ​ത്ത​ര​ത്തി​ലു​ള്ള വി​വേ​ച​നം കാ​ണി​ക്കു​ന്നി​ല്ലെ​ന്ന് വി​ദ്യാ​ർ​ഥി​ക​ൾ ചൂ​ണ്ടി​ക്കാ​ട്ടു​ന്നു. ജീ​വ​ന​ക്കാ​രു​ടെ വി​ദ്യാ​ർ​ഥി​ക​ളോ​ടു​ള്ള വി​വേ​ച​ന​ത്തി​നെ​തി​രെ പൊ​ലീ​സി​ലും ആ​ർ.​ടി.​ഒ​ക്കും പ​രാ​തി കൊ​ടു​ത്തെ​ങ്കി​ലും ന​ട​പ​ടി ഉ​ണ്ടാ​യി​ട്ടി​ല്ലെ​ന്നാ​ണ് ആ​ക്ഷേ​പം.

അ​തേ​സ​മ​യം, ബ​സ് സ്റ്റാ​ൻ​ഡി​ൽ പൊ​ലീ​സ് എ​യ്ഡ് പോ​സ്റ്റ് സ്ഥാ​പി​ച്ചി​ട്ടു​ണ്ടെ​ങ്കി​ലും ഇ​വി​ടെ ഡ്യൂ​ട്ടി​ക്ക് എ​ത്തു​ന്ന പൊ​ലീ​സു​കാ​ർ അ​തി​നു​ള്ളി​ൽ ഇ​രു​ന്ന് വി​ശ്ര​മി​ക്കു​ന്ന​ത​ല്ലാ​തെ ഇ​ത്ത​രം വി​ഷ​യ​ങ്ങ​ളി​ൽ ഇ​ട​പെ​ടാ​റി​ല്ലെ​ന്ന പ​രാ​തി​യു​മു​ണ്ട്.