വേദനയാകരുത്​ വേനലവധി

തൊ​ടു​പു​ഴ: സ്കൂ​ളു​ക​ളും വി​ദ്യാ​ല​യ​ങ്ങ​ളും അ​ട​ച്ച​​തോ​ടെ വേ​ന​ല​വ​ധി ആ​ഘോ​ഷി​ക്കാ​ൻ പു​റ​പ്പെ​ടു​ന്ന​വ​ർ ശ്ര​ദ്ധി​ക്കു​ക. ഈ ​യാ​ത്ര ഒ​ടു​വി​ല​ത്തേ​താ​വാ​തി​രി​ക്കാ​ൻ ക​ടു​ത്ത ജാ​ഗ്ര​ത വേ​ണം. ഇ​നി​യു​മി​നി​യും ഒ​ത്തി​രി യാ​ത്ര​ക​ൾ ബാ​ക്കി​യു​ള്ള​താ​ണ്.

നി​ര​വ​ധി ജ​ലാ​ശ​യ​ങ്ങ​ളും അ​ണ​ക്കെ​ട്ടു​ക​ളു​മു​ള്ള ജി​ല്ല​യി​ലെ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളാ​ണ്​ വേ​ന​ല​വ​ധി​ക്കാ​ല​ത്ത്​ മി​ക്ക​വ​രു​ടെ​യും പ്ര​ധാ​ന ല​ക്ഷ്യം.

നീ​ന്ത​ൽ അ​റി​യാ​വു​ന്ന​വ​രും അ​ല്ലാ​ത്ത​വ​രും വെ​ള്ളം ക​ണ്ട ആ​വേ​ശ​ത്തി​ൽ ജ​ലാ​ശ​യ​ത്തി​ലേ​ക്കി​റ​ങ്ങു​മ്പോ​ൾ ഉ​ണ്ടാ​വു​ന്ന അ​പ​ക​ട​ങ്ങ​ൾ ഇ​ടു​ക്കി​യു​ടെ തു​ട​ർ​ക്ക​ഥ​യാ​ണ്. സ്കൂ​ൾ അ​ട​ച്ച ആ​ശ്വാ​സ​ത്തി​ലും ആ​വേ​ശ​ത്തി​ലും പു​ഴ​ക​ളി​ലും തോ​ടു​ക​ളി​ലും കു​ളി​ക്കാ​നി​റ​ങ്ങു​ന്ന കു​ട്ടി​ക​ൾ അ​പ​ക​ട​ത്തി​ൽ​പെ​ടു​ന്ന​ത്​ ച​ങ്കു​പൊ​ടി​യു​ന്ന അ​നു​ഭ​വ​മാ​ണ്.

മ​ല​ങ്ക​ര ജ​ലാ​ശ​യ​ത്തി​ലാ​ണ്​ ഏ​റ്റ​വും കൂ​ടു​ത​ൽ സ​ഞ്ചാ​രി​ക​ൾ എ​ത്തു​ന്ന​ത്. അ​പ​ക​ട​വും ഏ​റെ​യാ​ണ്​ ഇ​വി​ടെ. കാ​ഞ്ഞാ​റി​ന്‍റെ​യും പ​രി​സ​ര​ങ്ങ​ളു​ടെ​യും മ​നോ​ഹാ​രി​ത ആ​സ്വ​ദി​ക്കാ​ൻ നി​ര​വ​ധി പേ​ർ എ​ത്താ​റു​ണ്ട്. കാ​ഴ്ച​ക​ൾ ക​ണ്ട്​ മ​ല​ങ്ക​ര ജ​ലാ​ശ​യ​ത്തി​ന്‍റെ ആ​ഴ​മോ പ​ര​പ്പോ അ​റി​യാ​തെ ആ​വേ​ശ​ത്തി​ൽ ഇ​റ​ങ്ങു​ന്ന​വ​രാ​ണ്​ അ​പ​ക​ട​ത്തി​ൽ​പെ​ടു​ന്ന​ത്. തൊ​മ്മ​ൻ​കു​ത്ത്​ പു​ഴ​യി​ലും പൊ​ന്മു​ടി ജ​ലാ​ശ​യ​ത്തി​ലു​മൊ​ക്കെ ഇ​ത്ത​രം അ​പ​ക​ട​ങ്ങ​ൾ പ​തി​വ്​ വാ​ർ​ത്ത​ക​ളാ​ണ്.

പ​ല​യി​ട​ങ്ങ​ളി​ലും മു​ന്ന​റി​യി​പ്പു​ക​ളോ സു​ര​ക്ഷ ഉ​ദ്യോ​ഗ​സ്ഥ​രോ ഇ​ല്ലാ​ത്ത​തും അ​പ​ക​ട​ങ്ങ​ളു​ടെ ആ​ഴം വ​ർ​ധി​പ്പി​ക്കു​ന്നു. വേ​ന​ല​വ​ധി വേ​ദ​ന​യി​ൽ ക​ലാ​ശി​ക്കാ​തി​രി​ക്കാ​ൻ ജാ​​ഗ്ര​ത വേ​ണ​മെ​ന്ന മു​ന്ന​റി​യി​പ്പാ​ണ്​ സു​ര​ക്ഷ ജീ​വ​ന​ക്കാ​രും ന​ൽ​കു​ന്ന​ത്.

ജലാശയങ്ങളിൽ ഇറങ്ങുന്നവർ ശ്രദ്ധിക്കുക...

• ജ​ലാ​ശ​യ​ങ്ങ​ളു​ടെ ആ​ഴ​വും അ​പ​ക​ട​വും വ്യ​ക്ത​മാ​ക്കു​ന്ന മു​ന്ന​റി​യി​പ്പ്​ ബോ​ർ​ഡു​ക​ളും സു​ര​ക്ഷ ജീ​വ​ന​ക്കാ​രെ​യും നി​യോ​ഗി​ക്കു​ക.
• ക​ഴി​യു​ന്ന​തും കു​ട്ടി​ക​ളെ ജ​ലാ​ശ​യ​ങ്ങ​ളി​ൽ ഇ​റ​ക്കാ​തി​രി​ക്കു​ക
• അ​ഥ​വ ഇ​റ​ങ്ങി​യാ​ൽ മു​തി​ർ​ന്ന​വ​രു​ടെ സാ​ന്നി​ധ്യ​ത്തി​ൽ മാ​ത്ര​മാ​വു​ക.
• വെ​ള്ളം കെ​ട്ടി​നി​ൽ​ക്കു​ന്നി​ട​ത്ത്​ ഇ​റ​ങ്ങു​മ്പോ​ൾ മു​ന്ന​റി​യി​പ്പു​ക​ളെ അ​വ​ഗ​ണി​ക്കാ​തി​രി​ക്കു​ക.
• ല​ഹ​രി ഉ​പ​യോ​ഗി​ച്ച ശേ​ഷം ജ​ലാ​ശ​യ​ങ്ങ​ളി​ൽ ഇ​റ​ങ്ങു​ന്ന​ത്​ അ​പ​ക​ടം രൂ​ക്ഷ​മാ​ക്കും.
• അ​പ​ക​ട​ത്തി​ൽ​പെ​ട്ട​യാ​ളെ ര​ക്ഷി​ക്കാ​ൻ എ​ടു​ത്ത്​ ചാ​ടു​ന്ന​ത്​ കൂ​ടു​ത​ൽ അ​പ​ട​മാ​ണ്.
• ഇ​ത്ത​രം സാ​ഹ​ച​ര്യ​ങ്ങ​ളി​ൽ ക​മ്പോ ക​യ​റോ തു​ണി​യോ എ​റി​ഞ്ഞു​കൊ​ടു​ത്ത് വ​ലി​ച്ചു​ക​യ​റ്റു​ന്ന​താ​ണ് സു​ര​ക്ഷി​തം.
• അ​സു​ഖ​മു​ള്ള​വ​ർ, അ​പ​സ്മാ​ര രോ​ഗി​ക​ൾ, ഹൃ​ദ്രോ​ഗി​ക​ൾ എ​ന്നി​വ​ർ വെ​ള്ള​ത്തി​ലി​റ​ങ്ങു​മ്പോ​ൾ ജാ​ഗ്ര​ത വേ​ണം.
• അ​ധി​കൃ​ത​ർ ന​ൽ​കു​ന്ന മു​ന്ന​റി​യി​പ്പു​ക​ൾ ഒ​രു​കാ​ര​ണ​വ​ശാ​ലും അ​വ​ഗ​ണി​ക്കാ​തി​രി​ക്കു​ക.

മ​ല​ങ്ക​ര​യി​ലെ മ​ര​ണ​ച്ചു​ഴി​ക​ൾ

കാ​ഞ്ഞാ​ർ: മു​ട്ടം മു​ത​ൽ മൂ​ല​മ​റ്റം വ​രെ പ​ര​ന്നു​കി​ട​ക്കു​ന്ന മ​ല​ങ്ക​ര ജ​ലാ​ശ​യ​ത്തി​ൽ നി​ര​വ​ധി ജീ​വ​നാ​ണ് പൊ​ലി​ഞ്ഞി​ട്ടു​ള്ള​ത്. നീ​ന്ത​ൽ അ​റി​യു​ന്ന​വ​രും അ​റി​യാ​ത്ത​വ​രും ഇ​തി​ൽ​പെ​ടു​ന്നു. ജ​ലാ​ശ​യ​ത്തി​ന്‍റെ ആ​ഴ​വും പ​ര​പ്പും അ​റി​യാ​തെ കു​ളി​ക്കാ​ൻ ഇ​റ​ങ്ങു​ന്ന​താ​ണ് ഇ​തി​ൽ അ​ധി​ക​വും. കാ​ഴ്ച​യി​ൽ സ​മ​ത​ല​മെ​ന്ന് തോ​ന്നു​മെ​ങ്കി​ലും ന​ടു​വി​ലേ​ക്ക് എ​ത്തും​തോ​റും അ​ഗാ​ധ​മാ​യ കു​ഴി​യാ​ണ്.

അ​ടി​ത്ത​ട്ടി​ൽ കാ​ലു പു​ത​ഞ്ഞു​പോ​കു​ന്ന വി​ധ​ത്തി​ൽ ച​ളി​യും. കു​ത്തൊ​ഴു​ക്കും അ​ടി​യൊ​ഴു​ക്കും മാ​ത്ര​മ​ല്ല, വെ​ള്ള​ത്തി​ൽ മ​റ​ഞ്ഞി​രി​ക്കു​ന്ന ച​ളി​യും പാ​റ​ക്കെ​ട്ടു​ക​ളും നീ​ന്ത​ൽ അ​റി​യു​ന്ന​വ​രെ​പ്പോ​ലും അ​പ​ക​ട​ത്തി​ലാ​ക്കും.

മു​ന്ന​റി​യി​പ്പ് ബോ​ഡു​ക​ളും സു​ര​ക്ഷ ഉ​ദ്യോ​ഗ​സ്ഥ​രോ ഇ​ല്ലാ​ത്ത​താ​ണ് അ​പ​ക​ടം ഉ​ണ്ടാ​കാ​ൻ പ്ര​ധാ​ന കാ​ര​ണം. കാ​ഞ്ഞാ​ർ, മു​ട്ടം, മൂ​ല​മ​റ്റം പ്ര​ദേ​ശ​ങ്ങ​ളി​ലാ​ണ് അ​പ​ക​ട​ങ്ങ​ളി​ൽ കൂ​ടു​ത​ലും. നീ​ന്ത​ൽ അ​റി​യാ​വു​ന്ന​വ​രും അ​പ​ക​ട​ത്തി​ൽ​പെ​ടു​ന്ന​ത് ജ​ലാ​ശ​യ​ത്തെ​ക്കു​റി​ച്ച് വ്യ​ക്ത​മാ​യ ധാ​ര​ണ​യി​ല്ലാ​ത്ത​തി​നാ​ലാ​ണ്. കാ​ണു​മ്പോ​ൾ ശാ​ന്ത​മാ​യി​ക്കി​ട​ക്കു​മെ​ങ്കി​ലും ഈ ​പ്ര​ദേ​ശ​ങ്ങ​ളി​ൽ അ​ടി​യൊ​ഴു​ക്കു ശ​ക്ത​മാ​ണ്. അ​തി​ൽ​പെ​ട്ടാ​ൽ ര​ക്ഷി​ക്കാ​ൻ ഏ​റെ പ്ര​യാ​സ​വു​മാ​ണ്.

കാ​ഞ്ഞാ​റി​ലെ വാ​ട്ട​ർ​ഷെ​ഡ് തീം ​പാ​ർ​ക്കി​ന് സ​മീ​പം നി​ര​വ​ധി വി​നോ​ദ​സ​ഞ്ചാ​രി​ക​ളാ​ണ് വി​ശ്ര​മി​ക്കാ​ൻ സ​മ​യം ചെ​ല​വ​ഴി​ക്കു​ന്ന​ത്.

വി​ശ്ര​മ​ശേ​ഷം പ​ര​ന്നു​കി​ട​ക്കു​ന്ന ജ​ലാ​ശ​യ​ത്തി​ൽ കു​ളി​ക്കാ​ൻ ഇ​റ​ങ്ങു​മ്പോ​ഴാ​ണ് അ​പ​ക​ടം സം​ഭ​വി​ക്കു​ന്ന​ത്. കാ​ഴ്ച​യി​ൽ ആ​ഴ​വും ഒ​ഴു​ക്കും തോ​ന്നാ​ത്ത​തി​നാ​ൽ വെ​ള്ള​ത്തി​ലി​റ​ങ്ങും. അ​പ്പോ​ഴാ​ണ്​ അ​പ​ക​ടം മ​ന​സ്സി​ലാ​വു​ക. അ​തോ​ടെ ഭ​യ​ന്നു​പോ​കു​ന്ന​വ​ർ മു​ങ്ങി​ത്താ​ഴും. ര​ണ്ട് ത​ട്ടു​ക​ളാ​യാ​ണ് ഇ​വി​ടെ പു​ഴ ഒ​ഴു​കു​ന്ന​ത്.