ഹോ...! ഈ ടിപ്പറുകളെ പിടിച്ചുകെട്ടാൻ ആരുമില്ലേ...?

തൊ​ടു​പു​ഴ: ​റോ​ഡി​ലേ​ക്കി​റ​ങ്ങി​യാ​ൽ പേ​ടി​ച്ച്​ പാ​യേ​ണ്ട ഗ​തി​കേ​ടി​ലാ​ണ്​ ജ​നം. നി​യ​മ​മൊ​ക്കെ കാ​റ്റി​ൽ പ​റ​ത്തി പാ​ഞ്ഞ​ടു​ക്കു​ന്ന ടോ​റ​സി​ന്‍റെ​യോ ടി​പ്പ​റു​ക​ളു​ടെ​യോ അ​ടി​യി​ൽ പെ​ടാ​തെ ര​ക്ഷ​പ്പെ​ടു​ന്ന​ത്​ ഭാ​ഗ്യം കൊ​ണ്ടു​മാ​ത്രം. അ​മി​ത വേ​ഗം നി​യ​ന്ത്രി​ക്കേ​ണ്ട​വ​രാ​ക​ട്ടെ ഇ​തൊ​ന്നും അ​റി​ഞ്ഞ മ​ട്ടു​മി​ല്ല.

സു​ര​ക്ഷി​ത​മ​ല്ലാ​ത്ത​വി​ധം ക​രി​ങ്ക​ല്ലും മെ​റ്റ​ലും മ​ണ്ണും കൊ​ണ്ടു​പോ​കു​ന്ന ടി​പ്പ​ർ, ടോ​റ​സ് ലോ​റി​ക​ൾ​ക്കെ​തി​രെ പ​ല​പ്പോ​ഴും പ​രി​ശോ​ധ​ന​ക​ളും ന​ട​പ​ടി​ക​ളും വ​ഴി​പാ​ടു​പോ​ലെ​യാ​ണ്. തി​ര​ക്കേ​റി​യ റോ​ഡാ​ണെ​ങ്കി​ൽ പോ​ലും ക​രു​ത​ൽ ഇ​ല്ലാ​തെ​യാ​ണ്​ പ​ല ഡ്രൈ​വ​ർ​മാ​രും പാ​യു​ന്ന​ത്. ടി​പ്പ​ർ, ടോ​റ​സ് ലോ​റി​ക​ളി​ൽ ലോ​ഡ് ക​യ​റ്റു​ന്ന​തി​ന് നി​ഷ്ക​ർ​ഷി​ച്ച മാ​ന​ദ​ണ്ഡ​ങ്ങ​ൾ കാ​റ്റി​ൽ പ​റ​ത്തി​യാ​ണ് സ​ഞ്ചാ​രം. ശ​രി​യാ​യ രീ​തി​യി​ൽ മൂ​ടാ​തെ​യും വ​ലി​യ പാ​റ​ക്ക​ഷ​ണ​ങ്ങ​ൾ ഏ​തു​നി​മി​ഷ​വും പു​റ​ത്തേ​ക്കു തെ​റി​ച്ചു​വീ​ഴ​ത്ത​ക്ക നി​ല​യി​ലു​മാ​ണ് പ​ല ടി​പ്പ​റു​ക​ളും പാ​യു​ന്ന​ത്. മ​ണ​ലും മെ​റ്റ​ലു​മാ​യി പോ​കു​ന്ന ലോ​റി​ക​ളു​ടെ മു​ക​ൾ ഭാ​ഗം പി​ന്നാ​ലെ വ​രു​ന്ന വാ​ഹ​ന​യാ​ത്ര​ക്കാ​ർ​ക്കും കാ​ൽ​ന​ട യാ​ത്ര​ക്കാ​ർ​ക്കും ബു​ദ്ധി​മു​ട്ടു​ണ്ടാ​കാ​തെ പൂ​ർ​ണ​മാ​യി മൂ​ട​ണ​മെ​ന്നാ​ണു നി​യ​മം. എ​ന്നാ​ൽ, ഇ​തു കൃ​ത്യ​മാ​യി പാ​ലി​ക്കാ​റി​ല്ല. പ​ല​പ്പോ​ഴും പി​ന്നാ​ലെ വ​രു​ന്ന ഇ​രു​ച​ക്ര​വാ​ഹ​ന യാ​ത്ര​ക്കാ​രു​ടെ ദേ​ഹ​ത്തേ​ക്ക് മെ​റ്റ​ലും പൊ​ടി​യു​മൊ​ക്കെ വീ​ഴു​ന്ന സ്ഥി​തി​യാ​ണ്. അ​മി​തവേ​ഗ​ത്തി​ൽ വ​ള​വു​ക​ൾ തി​രി​യു​മ്പോ​ൾ ലോ​റി​യി​ൽ​നി​ന്നു മെ​റ്റ​ലും പാ​റ​ക്ക​ല്ലു​ക​ളും റോ​ഡി​ലേ​ക്കു വീ​ഴു​ന്ന​തും ഭീ​ഷ​ണി ഉ​യ​ർ​ത്തു​ന്നു​ണ്ട്.

സ്​​കൂ​ൾ സ​മ​യ​ത്തും ടി​പ്പ​ർ ലോ​റി​ക​ൾ പാ​യു​ന്നു

സ്കൂ​ൾ കു​ട്ടി​ക​ൾ ഉ​ൾ​പ്പെ​ടെ​യു​ള്ള​വ​ർ​ക്ക് ഭീ​ഷ​ണി​യാ​യി നി​രോ​ധി​ത സ​മ​യ​ത്തും ടി​പ്പ​റു​ക​ൾ ചീ​റി​പ്പാ​യു​ക​യാ​ണ്. രാ​വി​ലെ 8.30 മു​ത​ൽ പ​ത്തു​വ​രെ​യും വൈ​കു​ന്നേ​രം നാ​ലു മു​ത​ൽ അ​ഞ്ചു​വ​രെ​യും ടി​പ്പ​ർ, ടോ​റ​സ് ലോ​റി​ക​ൾ തി​ര​ക്കേ​റി​യ റോ​ഡു​ക​ളി​ൽ ഓ​ടു​ന്ന​തി​നു ജി​ല്ല​യി​ൽ നി​രോ​ധ​ന​മു​ണ്ട്. എ​ന്നാ​ൽ ചി​ല​യി​ട​ങ്ങ​ളി​ലും ഇ​തു ലം​ഘി​ക്ക​പ്പെ​ടു​ന്നു. സ്കൂ​ൾ ബ​സു​ക​ൾ​ക്ക്​ മു​ന്നി​ലും പി​ന്നി​ലു​മാ​യി പാ​യു​ന്ന ടി​പ്പ​റു​ക​ളെ പ​ല റോ​ഡു​ക​ളി​ലും കാ​ണാം.

പ​ല​പ്പോ​ഴും പൊ​ലീ​സ്, റ​വ​ന്യു വ​കു​പ്പു​ക​ൾ അ​മി​ത ലോ​ഡ് ക​യ​റ്റു​ന്ന വാ​ഹ​ന​ങ്ങ​ൾ പി​ടി​കൂ​ടാ​റു​ണ്ടെ​ങ്കി​ലും പി​ന്നെ​യും നി​യ​മ​ലം​ഘ​ന​ങ്ങ​ൾ ആ​വ​ർ​ത്തി​ക്ക​പ്പെ​ടു​ക​യാ​ണ്.

വാ​ഹ​ന​ങ്ങ​ൾ പ​രി​ശോ​ധി​ക്കാ​നോ ന​ട​പ​ടി എ​ടു​ക്കാ​നോ അ​ധി​കൃ​ത​ർ ത​യാ​റാ​കു​ന്നി​ല്ലെ​ന്നും പ​രാ​തി​യു​ണ്ട്. തൊ​ടു​പു​ഴ-​വെ​ള്ളി​യാ​മ​റ്റം റൂ​ട്ടി​ൽ പാ​റ​മ​ട​ക​ളി​ൽ​നി​ന്നും മ​റ്റും ലോ​ഡു​മാ​യി പോ​കു​ന്ന പ​ല ടി​പ്പ​റു​ക​ളും അ​മി​ത വേ​ഗ​ത്തി​ലാ​ണു പാ​യു​ന്ന​ത്. ഇ​വി​ടെ പ​രി​ശോ​ധ​ന​ക്കും ആ​രും എ​ത്തു​ന്നി​ല്ല. സ്കൂ​ൾ സ​മ​യ​ത്തെ അ​പ​ക​ട​ര​മാ​യ ഓ​ട്ടം അ​വ​സാ​നി​പ്പി​ക്കാ​ൻ പ​ഞ്ചാ​യ​ത്ത്​ അ​ധി​കൃ​ത​ർ ന​ട​പ​ടി​യെ​ടു​ക്ക​ണ​മെ​ന്നാ​ണാ​വ​ശ്യം.