തക്കാളിപ്പനി പടരുന്നു; കഴിഞ്ഞ മാസം 60 കേസുകൾ

തൊ​ടു​പു​ഴ: ജി​ല്ല​യി​ൽ ത​ക്കാ​ളി​പ്പ​നി വ്യാ​പ​ക​മാ​കു​ന്നു. മേ​യി​ൽ മാ​ത്രം 60 കേ​സു​ക​ളാ​ണ് റി​പ്പോ​ർ​ട്ട് ചെ​യ്ത​ത്. ഇ​തി​ൽ 18 കേ​സു​ക​ൾ സ്ഥി​രീ​ക​രി​ച്ച​വ​യും 42 കേ​സു​ക​ൾ സം​ശ​യി​ക്കു​ന്ന​വ​യാ​ണ്. ഈ ​വ​ർ​ഷം ഇ​തു​വ​രെ ജി​ല്ല​യി​ൽ റി​പ്പോ​ർ​ട്ട് ചെ​യ്ത​ത് 75 കേ​സു​ക​ളാ​ണ്. ഇ​തി​ൽ 24 എ​ണ്ണം സ്ഥി​രീ​ക​രി​ച്ചു.

51 എ​ണ്ണം ത​ക്കാ​ളി​പ്പ​നി​യെ​ന്ന്​ സം​ശ​യി​ക്കു​ന്ന​വ​യാ​ണ്. ഈ ​വ​ർ​ഷം റി​പ്പോ​ർ​ട്ട്​ ചെ​യ്ത 75 കേ​സു​ക​ളി​ൽ 74 എ​ണ്ണ​വും ഏ​പ്രി​ൽ, മേ​യ്, ജൂ​ൺ മാ​സ​ങ്ങ​ളി​ലാ​ണ്. ഏ​പ്രി​ലി​ൽ അ​ഞ്ച്, മേ​യി​ൽ 60, ജൂ​ണി​ൽ ഒ​മ്പ​ത്​ എ​ന്നി​ങ്ങ​നെ​യാ​ണ് റി​പ്പോ​ർ​ട്ട്​ ചെ​യ്യ​പ്പെ​ട്ട കേ​സു​ക​ൾ.

സ​ർ​ക്കാ​ർ ആ​ശു​പ​ത്രി​ക​ളി​ൽ ചി​കി​ത്സ തേ​ടി​യെ​ത്തി​യ​വ​രു​ടെ മാ​ത്രം ക​ണ​ക്കാ​ണി​ത്. സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ തേ​ടി​യ​വ​രു​ടെ​യും സ്വ​യം ചി​കി​ത്സി​ച്ച​വ​രു​ടെ​യും ക​ണ​ക്കു​ക​ൾ കൂ​ടി ആ​കു​മ്പോ​ൾ മൂ​ന്ന് ഇ​ര​ട്ടി​യെ​ങ്കി​ലും വ​രു​മെ​ന്നാ​ണ്​ ആ​രോ​ഗ്യ വി​ദ​ഗ്​​ധ​ർ പ​റ​യു​ന്ന​ത്.

വാ​യി​ലും കൈ​കാ​ലു​ക​ളി​ലും ത​ക്കാ​ളി​യു​ടെ നി​റ​ത്തി​ൽ ചെ​റു കു​മി​ള​ക​ൾ ഉ​ണ്ടാ​കു​ന്ന​താ​ണ് രോ​ഗ ല​ക്ഷ​ണം. അ​ഞ്ച്​ വ​യ​സ്സി​ൽ താ​ഴെ​യു​ള്ള കു​ട്ടി​ക​ളി​ലാ​ണ് സാ​ധാ​ര​ണ കാ​ണു​ന്ന​തെ​ങ്കി​ലും ഇ​പ്പോ​ൾ മു​തി​ർ​ന്ന​വ​രി​ലും ക​ണ്ടു വ​രു​ന്നു​ണ്ട്. കോ​ക്സാ​ക്കി എ​ന്ന വൈ​റ​സ് പ​ര​ത്തു​ന്ന രോ​ഗം വേ​ഗ​ത്തി​ൽ പ​ക​രും.

മ​ഴ​ക്കാ​ലം ആ​രം​ഭി​ച്ച​തോ​ടെ എ​ലി​പ്പ​നി​യും ജി​ല്ല​യി​ൽ കൂ​ടി​വ​രി​ക​യാ​ണ്. ഈ ​വ​ർ​ഷം ഇ​തു​വ​രെ 35 കേ​സു​ക​ളാ​ണ് ജി​ല്ല​യി​ൽ റി​പ്പോ​ർ​ട്ട് ചെ​യ്ത​ത്. ഇ​തി​ൽ ഏ​ഴെ​ണ്ണം സ്ഥി​രീ​ക​രി​ച്ച​തും 28 എ​ണ്ണം സം​ശ​യി​ക്കു​ന്ന​വ​യു​മാ​ണ്. മേ​യ്​ മാ​സ​ത്തി​ൽ 12 കേ​സു​ക​ൾ റി​പ്പോ​ർ​ട്ട് ചെ​യ്തു. ജൂ​ണി​ൽ ഇ​തു​വ​രെ ഒ​രു കേ​സ് ആ​ണ് റി​പ്പോ​ർ​ട്ട് ചെ​യ്ത​ത്.