തു​ട​ക്കം മു​ത​ൽ ഒ​ടു​ക്കം വ​രെ ലീ​ഡ് നി​ല​നി​ർ​ത്തി ഡീ​ൻ കു​ര്യാ​ക്കോ​സ്​

തൊ​ടു​പു​ഴ: തു​ട​ക്കം മു​ത​ൽ ഒ​ടു​ക്കം വ​രെ യു.​ഡി.​എ​ഫ്​ സ്ഥാ​നാ​ർ​ഥി ഡീ​ൻ കു​ര്യാ​ക്കോ​സ്​ നി​ല​നി​ർ​ത്തി​യ​ത്​ വ്യ​ക്ത​മാ​യ ലീ​ഡ്. എ​ട്ടി​ന്​ വോ​​ട്ടെ​ണ്ണ​ൽ ആ​രം​ഭി​ച്ച്​ അ​വ​സാ​നി​ക്കും വ​രെ ഒ​രു​സ​മ​യ​ത്തും എ​ൽ.​ഡി.​എ​ഫ്​ സ്ഥാ​നാ​ർ​ഥി ജോ​യ്​​സ്​ ജോ​ർ​ജി​നോ എ​ൻ.​ഡി.​എ സ്ഥാ​നാ​ർ​ഥി സം​ഗീ​ത വി​ശ്വ​നാ​ഥ​നോ ത​ന്‍റെ ലീ​ഡി​​ന്‍റെ പ​രി​സ​ര​ത്തു​പോ​ലും എ​ത്താ​ൻ സ​മ്മ​തി​ക്കാ​ത്ത വി​ധ​മാ​യി​രു​ന്നു ഡീ​നി​​ന്‍റെ മു​ന്നേ​റ്റം. ആ​ദ്യ ഫ​ല​സൂ​ച​ന പു​റ​ത്തു​വ​ന്ന ആ​ദ്യ ഒ​രു​മ​ണി​ക്കൂ​റി​ന്​ ശേ​ഷം 8000 വോ​ട്ടി​ന്‍റെ വ്യ​ക്ത​മാ​യ ഭൂ​രി​പ​ക്ഷം ഡീ​ൻ സ്വ​ന്ത​മാ​ക്കി. 9.15ഓ​ടെ ഡീ​ൻ കു​ര്യാ​ക്കോ​സി​​ന്‍റെ ലീ​ഡ്​ 12,975ലേ​ക്ക്​ ക​ട​ന്ന​തോ​ടെ യു.​ഡി.​എ​ഫ്​ ക്യാ​മ്പു​ക​ൾ ആ​വേ​ശ​ത്തി​ലാ​യി. പ​ത്തു​ മ​ണി​യോ​ടെ ഡീ​ൻ ത​ന്‍റെ വി​ജ​യം സു​നി​ശ്ചി​ത​മെ​ന്ന്​ ഉ​റ​പ്പി​ച്ച്​ ലീ​ഡ്​ 29,170ലേ​ക്കെ​ത്തി​ച്ചു.

പ​ത്ത​ര​യോ​ടെ ഡീ​ൻ ത​ന്‍റെ ലീ​ഡ്​ 31638 ലേ​ക്കു​യ​ർ​ത്തി. പ​​ത്തേ മു​ക്കാ​ലോ​ടെ 51,742ലേ​ക്ക്​ എ​ത്തി​യ​തോ​ടെ യു.​ഡി.​എ​ഫ്​ കേ​ന്ദ്ര​ങ്ങ​ൾ ആ​​വേ​ശ​ത്തി​ലാ​യി. 11ഓ​ടെ പ​കു​തി വോ​ട്ടു​ക​ൾ എ​ണ്ണി​ത്തീ​ർ​ത്ത​പ്പോ​ൾ ഭൂ​രി​പ​ക്ഷം 63,996ലേ​ക്കെ​ത്തി. 11.30ഓ​ടെ ഡീ​ൻ കു​ര്യാ​ക്കോ​സി​ന്‍റെ ലീ​ഡ്​ 90,120ലേ​ക്ക്​ കു​തി​ച്ചു​യ​ർ​ന്നു. ഡീ​ൻ കു​ര്യാ​ക്കോ​സ്​ ശ​ക്ത​മാ​യ ലീ​ഡു​നി​ല നി​ർ​ത്തു​ന്ന​ത്​ ക​ണ്ട്​​ വോ​ട്ടെ​ണ്ണ​ൽ കേ​ന്ദ്ര​ത്തി​ന്​ പു​റ​ത്ത്​ കാ​ത്തു​നി​ന്ന പ്ര​വ​ർ​ത്ത​ക​രും ആ​വേ​ശ​ത്തി​ലാ​യി. ആ​ഹ്ലാ​ദ​ര​വ​ങ്ങ​ളും ആ​ർ​പ്പു​വി​ളി​ക​ളു​മാ​യി ജി​ല്ല​യു​ടെ വി​വി​ധ കേ​ന്ദ്ര​ങ്ങ​ളി​ൽ​നി​ന്ന്​ പൈ​നാ​വി​ലേ​ക്ക്​ പ്ര​വ​ർ​ത്ത​ക​ർ എ​ത്തി​ക്കൊ​ണ്ടി​രു​ന്നു. 11 മ​ണി​യോ​ടെ​ത​ന്നെ ഡീ​ൻ കു​ര്യാ​ക്കോ​സി​ന്‍റെ വി​ജ​യം ഉ​റ​പ്പി​ച്ച്​ പ്ര​വ​ർ​ത്ത​ക​ർ വി​വി​ധ പ്ര​ദേ​ശ​ങ്ങ​ൾ ആ​ഹ്ലാ​ദാ​ര​വ​ങ്ങ​ളു​മാ​യി ഇ​റ​ങ്ങി. 11.45ഓ​ടെ ഡീ​ൻ ലീ​ഡ്​ ഒ​രു​ല​ക്ഷ​ത്തി​ലേ​ക്കു​യ​ർ​ത്തി. 12.15ഓ​ടെ 1,17,265 ആ​യി ലീ​ഡ്​ കു​തി​ച്ചു. വി​ജ​യം ഉ​റ​പ്പാ​ക്കി​യ ഡീ​ൻ ഒ​രു​മ​ണി​യോ​ടെ കൗ​ണ്ടി​ങ്​ വേ​ട്ടെ​ണ്ണ​ൽ കേ​ന്ദ്ര​ത്തി​ൽ​നി​ന്നി​റ​ങ്ങി ഇ​ടു​ക്കി​ക്കാ​ർ​ക്ക്​ ന​ന്ദി പ്ര​കാ​ശി​പ്പി​ച്ചു. ഒ​ന്ന​ര​യോ​ടെ ഡീ​ൻ കു​ര്യ​ക്കോ​സി​ന്‍റെ ലീ​ഡ്​ 1,29,605ലേ​ക്ക്​ ഉ​യ​ർ​ന്നു. അ​പ്പോ​ഴേ​ക്കും മൂ​വാ​റ്റു​പു​ഴ, തൊ​ടു​പു​ഴ, ഇ​ടു​ക്കി നി​യോ​ജ​ക മ​ണ്ഡ​ല​ങ്ങ​ളി​ലെ വോ​ട്ടെ​ണ്ണ​ൽ പൂ​ർ​ത്തി​യാ​യി​രു​ന്നു. 3.30ഓ​ടെ ലീ​ഡ്​ 1,33,277ഉം ​പി​ന്നി​ട്ടു.