അടിസ്ഥാന സൗകര്യമില്ല; സ്ഥലം ഉപേക്ഷിക്കാൻ ഒരുങ്ങി നൂറോളം കുടുംബങ്ങൾ

മൂ​ല​മ​റ്റം: അ​ടി​സ്ഥാ​ന സൗ​ക​ര്യ​മി​ല്ലാ​ത്ത​തും വ​ന്യ​മൃ​ഗ​ങ്ങ​ളു​ടെ ശ​ല്യ​വും മൂ​ലം സ്ഥ​ലം ഉ​പേ​ക്ഷി​ക്കാ​ൻ ഒ​രു​ങ്ങി നൂ​റോ​ളം കു​ടും​ബ​ങ്ങ​ൾ. അ​റ​ക്കു​ളം പ​ഞ്ചാ​യ​ത്തി​ൽ പൊ​ട്ട​ൻ​പ​ടി പ്ര​ദേ​ശ​ത്തു​ള്ള​വ​രാ​ണ് ഭൂ​മി വ​നം വ​കു​പ്പി​ന് കൈ​മാ​റാ​ൻ ഒ​രു​ങ്ങു​ന്ന​ത്. ഈ ​പ്ര​ദേ​ശം വ​നം വ​കു​പ്പി​ന് കൈ​മാ​റു​ന്ന​തി​നാ​യി ന​വ​കി​ര​ണം പ​ദ്ധ​തി വ​ഴി​യാ​ണ് അ​പേ​ക്ഷ ന​ൽ​കു​ന്ന​ത്. കു​ള​മാ​വ് വ​ന​ത്തി​നും മൂ​ല​മ​റ്റം ടൗ​ണി​നും ഇ​ട​യി​ൽ നാ​ടു​കാ​ണി മ​ല​യു​ടെ താ​ഴ്ഭാ​ഗ​ത്തു​ള്ള​വ​രാ​ണ് പ​ദ്ധ​തി​പ്ര​കാ​രം അ​പേ​ക്ഷ ന​ൽ​കു​ന്ന​ത്. വ​ന​ത്തി​നു​ള്ളി​ൽ താ​മ​സി​ക്കു​ന്ന​തും സ്വ​യം സ​ന്ന​ദ്ധ​രാ​യി വ​രു​ന്ന​വ​രു​മാ​യ ആ​ദി​വാ​സി ഇ​ത​ര കു​ടും​ബ​ങ്ങ​ളെ പു​ന​ര​ധി​വ​സി​പ്പി​ക്കു​ന്ന​തി​നു​ള്ള സ​ർ​ക്കാ​റി​ന്റെ പ​ദ്ധ​തി​യാ​യ റീ​ബി​ൽ​ഡ് കേ​ര​ള ഡെ​വ​ല​പ്മെ​ന്റ് സ്വ​യം, സ​ന്ന​ദ്ധ പു​ന​ര​ധി​വാ​സ പ​ദ്ധ​തി. പൊ​ട്ട​ൻ​പ​ടി മ​ല​നി​ര​ക​ളി​ൽ അ​ടി​സ്ഥാ​ന സൗ​ക​ര്യ​മി​ല്ലാ​തി​രു​ന്ന​തി​നാ​ൽ ഒ​ട്ടേ​റെ കു​ടും​ബ​ങ്ങ​ളാ​ണ് ബു​ദ്ധി​മു​ട്ടു​ന്ന​ത്. ഇ​തോ​ടൊ​പ്പം ഇ​വി​ടെ കാ​ട്ടു​പ​ന്നി, കു​ര​ങ്ങ് അ​ട​ക്ക​മു​ള്ള വ​ന്യ​ജീ​വി​ക​ളു​ടെ ശ​ല്യം കൂ​ടി രൂ​ക്ഷ​മാ​യ​തോ​ടെ കൃ​ഷി ചെ​യ്യാ​ൻ സാ​ധി​ക്കാ​ത്ത അ​വ​സ്ഥ​യാ​യി. ഇ​താ​ണ് പ്ര​ദേ​ശ​ത്തു​ള്ള​വ​ർ ചെ​റി​യ തു​ക​ക്ക്​ സ്ഥ​ലം വ​നം വ​കു​പ്പി​ന് കൈ​മാ​റി ഇ​വി​ടെ നി​ന്നും പ​ലാ​യ​നം ചെ​യ്യാ​ൻ ഒ​രു​ങ്ങു​ന്ന​ത്. നി​ല​വി​ൽ മൂ​ല​മ​റ്റം ടൗ​ണി​ൽ വ​രെ വ​ന്യ​ജീ​വി​ക​ൾ എ​ത്തി​ത്തു​ട​ങ്ങി. പൊ​ട്ടം​പ​ടി മ​ല​നി​ര​ക​ളി​ൽ​നി​ന്ന്​ ജ​ന​വാ​സം ഒ​ഴി​വാ​കു​ന്ന​തോ​ടെ മൂ​ല​മ​റ്റം ടൗ​ണി​ൽ വ​ന്യ​മൃ​ഗ​ങ്ങ​ൾ സ്ഥി​ര​മാ​യി എ​ത്തു​ന്ന​തി​നും സാ​ധ്യ​ത​യു​ള്ള​താ​യി നാ​ട്ടു​കാ​ർ പ​റ​യു​ന്നു.