ആംബുലൻസുകൾ നാടിന് സമർപ്പിച്ചു

തലശ്ശേരി: ആതുരസേവന രംഗത്ത് കഴിഞ്ഞ മൂന്നുവർഷമായി പ്രവർത്തിച്ചുവരുന്ന പന്തക്കൽ സി.എച്ച് സെന്റർ അഗതികൾക്കും പാവപ്പെട്ട രോഗികൾക്കും ഉപകരിക്കാനായി സജ്ജീകരിച്ച രണ്ട് . സി.എച്ച്. മുഹമ്മദ്‌ കോയ ഐ.സി.യു ആംബുലൻസ് ഉദ്ഘാടനം ബഷീറലി ശിഹാബ് തങ്ങൾ സി.എച്ച് സെന്റർ ദുബൈ കോഓഡിനേറ്റർ ഷഫീഖ് പന്തക്കലിന് താക്കോൽ കൈമാറി നിർവഹിച്ചു. എം.കെ. മഹമൂദ് മെമ്മോറിയൽ ആംബുലൻസിന്റെ താക്കോൽ പാണക്കാട് ബഷീറലി ശിഹാബ് തങ്ങൾ അയൂബ് പന്തക്കലിന് കൈമാറി. പൊതുസമ്മേളനം രമേശ്‌ പറമ്പത്ത് എം.എൽ.എ ഉദ്ഘാടനം ചെയ്തു. യൂത്ത് ലീഗ് ദേശീയ കമ്മിറ്റി എക്സിക്യൂട്ടിവ് അംഗം ഷിബു മീരാൻ, സിദ്ദീഖ് അലി രാങ്ങാട്ടൂർ എന്നിവർ പ്രഭാഷണം നടത്തി. മോഹനൻ, അഭിഷേക്, ഉണ്ണി മാസ്റ്റർ, വിജിൻ, ബഷീർ ചെറിയാണ്ടി, റഹീം ചമ്പാട്, ആവോലം ബഷീർ, ജുനൈദ് സഅദി എന്നിവർ സംസാരിച്ചു. സാമൂഹിക പ്രവർത്തകരായ സരീഷ് കുമാർ മാക്കുനി, അസീസ് ഹാജി ഇടയിൽ പീടിക എന്നിവരെ ആദരിച്ചു. പൊന്ന്യംപാലം ശിഹാബ് തങ്ങൾ ചാരിറ്റബിൾ ട്രസ്റ്റിന്റെ ധനസഹായം തങ്ങളെ ഏൽപിച്ചു. ടി.പി. അബ്ദുറഹ്മാൻ സ്വാഗതവും കെ.കെ. നിസാർ നന്ദിയും പറഞ്ഞു.