നവകേരള വികസന സദസ്സും അനുസ്മരണവും

പെരിങ്ങത്തൂർ: സി.പി.എം പെരിങ്ങളം ലോക്കൽ സെക്രട്ടറിയും സി.ഐ.ടി.യു നേതാവുമായിരുന്ന കെ.കെ. അനൂപ് കുമാറിന്റെ മൂന്നാം ചരമ വാർഷിക ദിനാചരണവും പെരിങ്ങളം ലോക്കൽ നവകേരള വികസന സദസ്സും കണ്ണംവെള്ളിയിൽ നടന്നു. ജില്ല സെക്രട്ടേറിയറ്റംഗം പി. ഹരീന്ദ്രൻ ഉദ്ഘാടനം ചെയ്തു. മനീഷ് കണ്ണംവെള്ളി അധ്യക്ഷത വഹിച്ചു. എ. രാഘവൻ അനുസ്മരണ പ്രഭാഷണം നടത്തി. എൻ. അനൂപ് സംസാരിച്ചു.