സ്കൂൾ കെട്ടിടോദ്ഘാടനം

പയ്യന്നൂർ: വിദ്യാർഥികളെ വിലയിരുത്തുമ്പോൾ ബുദ്ധി മാത്രം അളവുകോലായി കണക്കാക്കരുതെന്നും അവരിലെ സർഗശക്തിയെ കണ്ടെത്താനാണ് അധ്യാപകരും രക്ഷിതാക്കളും ശ്രമിക്കേണ്ടതെന്നും ഗോവ ഗവർണർ പി.എസ്. ശ്രീധരൻപിള്ള പറഞ്ഞു. രാമന്തളി ചിദംബരനാഥ് യു.പി സ്കൂളിനായി പുതുതായി നിർമിച്ച അച്ചംവീട്ടിൽ എഴുത്തച്ഛൻ സ്മാരക ബ്ലോക്ക് ഉദ്ഘാടനം ചെയ്യുകയായിരുന്നു അദ്ദേഹം. ടി.ഐ. മധുസൂദനൻ എം.എൽ.എ അധ്യക്ഷത വഹിച്ചു. ബിന്ദു നീലകണ്ഠൻ, കെ. ചന്ദ്രൻ എന്നിവർ സംസാരിച്ചു. സി.കെ. പ്രകാശൻ ഉപഹാരം സമർപ്പിച്ചു. എൻജിനീയർ ശ്രീജേഷ് പള്ളത്തിനുള്ള ഉപഹാരം ഗവർണർ കൈമാറി. മാനേജർ കെ.കെ. ശ്രീധരൻ സ്വാഗതവും പ്രധാനാധ്യാപകൻ കെ. ജയരാജൻ നന്ദിയും പറഞ്ഞു.