വീട്ടിൽ കവർച്ച: പണവും വാച്ചും കവർന്നു

തലശ്ശേരി: ചിറക്കര പള്ളിത്താഴയിലെ ഫൈജീസിൽ സി.പി. ഹസന്റെ വീട്ടിൽ കവർച്ച. 30,000 രൂപയും വാച്ചും കവർന്നു. ബുധനാഴ്‌ച പുലർച്ചയാണ്‌ സംഭവം. മുകൾനിലയിലെ വാതിൽ വഴിയാണ്‌ മോഷ്ടാവ്‌ അകത്തുകടന്നതെന്നാണ്‌ നിഗമനം. ശബ്ദം കേട്ടുണർന്ന ഹസന്റെ ഭാര്യയാണ്‌ മുറിയിൽ കള്ളനെ കണ്ടത്‌. വീട്ടുടമ പിന്നാലെ ഓടിയെങ്കിലും പിടികൂടാനായില്ല. പൊലീസും വിരലടയാള വിദഗ്‌ധരും പരിശോധന നടത്തി. കേസെടുത്ത്‌ അന്വേഷണം ആരംഭിച്ചു. എ.എൻ. ഷംസീർ എം.എൽ.എയുടെ സഹോദരൻ എ.എൻ. ഷാഹിറിന്റെ ഭാര്യവീടാണ്‌.