ചിത്രപ്രദര്‍ശനം തുടങ്ങി

തലശ്ശേരി: ചിത്രകാരൻ കതിരൂരിലെ കെ.എം. ശിവകൃഷ്ണന്റെ ചിത്ര പ്രദർശനം ശ്രദ്ധേയമായി. ഫോട്ടോഗ്രഫി, ഡിജിറ്റൽ ആർട്, ഇൻസ്റ്റലേഷൻ എന്നിവയുടെ ഒറ്റച്ചിത്രപ്രദർശനമാണ് തലശ്ശേരി കസ്റ്റംസ് റോഡിലെ ആർട്ട്‌ സൊസൈറ്റി ഗാലറിയിൽ ഒരുക്കിയ 'ഒരു തിരയുടെ കഥ'. 44 ചിത്രങ്ങളുടെ സഹായത്തോടെ പൂർണതയിലെത്തുന്ന ചിത്രമാണ് കാൻവാസിലെ 'ഒരു തിരയുടെ കഥ'. പ്രഫ. കെ.കെ. സഹദേവൻ പ്രദർശനം ഉദ്ഘാടനം ചെയ്തു. പ്രഫ. എൻ. സാജൻ അധ്യക്ഷത വഹിച്ചു. സി. കൃഷ്ണരാജ് കടമേരി, വത്സൻ കൂർമ കൊല്ലേരി, പ്രേമനാഥ് എന്നിവർ സംസാരിച്ചു. ഡോ. എ.എസ്. പ്രശാന്ത് കൃഷ്ണന്റെ കാവ്യസന്ധ്യയുമുണ്ടായി. പ്രദർശനത്തിന്റെ ഭാഗമായി വ്യാഴാഴ്ച വൈകീട്ട് അഞ്ചിന്‌ ചിത്രകാരൻ ടി.എം. അസീസ് തന്റെ രചനകൾ പരിചയപ്പെടുത്തി പ്രദേശത്തെ ചിത്രകാരന്മാരുമായി സംവദിക്കും. പ്രദർശനം ശനിയാഴ്ച സമാപിക്കും.