യു.ഡി.എഫ് ആഹ്ലാദപ്രകടനം

തളിപ്പറമ്പ്: തൃക്കാക്കര മണ്ഡലം തെരഞ്ഞെടുപ്പിൽ ഉമാ തോമസിന്റെ വിജയത്തിൽ യു.ഡി.എഫ് തളിപ്പറമ്പ് മുനിസിപ്പൽ കമ്മിറ്റി നേതൃത്വത്തിൽ ആഹ്ലാദപ്രകടനം നടത്തി. തളിപ്പറമ്പ് കോൺഗ്രസ് മന്ദിരത്തിന് മുന്നിൽ നിന്നാരംഭിച്ച പ്രകടനം നഗരം ചുറ്റി പൂക്കോത്ത് നടക്ക് മുമ്പിൽ സമാപിച്ചു. മഹിള കോൺഗ്രസ് ജില്ല പ്രസിഡന്റ് രജനി രമാനന്ദ്, ഡി.സി.സി ജനറൽ സെക്രട്ടറിമാരായ ടി. ജനാർദനൻ, ഇ.ടി. രാജീവൻ, മണ്ഡലം കോൺഗ്രസ് പ്രസിഡന്റ് അഡ്വ. സക്കരിയ കായക്കൂൽ, യൂത്ത് ലീഗ് നേതാവ് ഓലിയൻ ജാഫർ എന്നിവർ നേതൃത്വം നൽകി.