തലക്കാവേരി മണ്ണിടിച്ചിൽ: മൃതദേഹങ്ങൾക്കുവേണ്ടി തിരച്ചിൽ തുടരുന്നു

വീരാജ്​പേട്ട: കനത്ത മഴയെ തുടർന്ന്​ ബാഗമണ്ഡലക്കടുത്ത തലക്കാവേരിയിൽ മണ്ണിടിച്ചിലുണ്ടായി ഒരാഴ്​ച പിന്നിടു​േമ്പാൾ ഇതുവരെ കണ്ടെത്തിയത്​ രണ്ട്​ മൃതദേഹങ്ങൾ.

സംഭവം നടന്ന്​ നാലാംദിവസം 84കാരനായ ആനന്ദതീർഥ സ്വാമികളുടെ മൃതദേഹം കണ്ടെത്തിയിരുന്നു. കഴിഞ്ഞദിവസം നടന്ന തിരച്ചിലിനിടയിൽ തലക്കാവേരി ക്ഷേത്രത്തിലെ പ്രധാന പൂജാരി ടി.എസ്​. നാരായണ ആചാരിയുടെ മൃതദേഹം കണ്ടെത്തി. കൂടാതെ മണ്ണിനടിയിൽനിന്നും രണ്ട്​ കാറുകളുടെയും ഒരു​ സ്​കൂട്ടറി​ൻെറയും അവശിഷ്​ടങ്ങൾ കണ്ടെത്തി.

നാരായണ ആചാരിയുടെ മൃതദേഹം മടിക്കേരി ആശുപത്രിയിലെത്തിച്ച്​ ഇൻക്വസ്​റ്റ്​ നടത്തി വൈകീട്ടു​തന്നെ ബാഗമണ്ഡലയിൽ സംസ്​കരിച്ചു. ആഗസ്​റ്റ്​ ആറിനാണ്​ നാരായണ ആചാരിയുടെ വീടിന്​ മുകളിൽ ബ്രഹ്മഗിരി മലയിടിഞ്ഞ്​ അപകടം ഉണ്ടായത്​.

ഇദ്ദേഹത്തി​െൻറ ഭാര്യ ശാന്തയും സഹ പൂജാരികളായ മംഗളൂരു ബി.സി റോഡ്​ നിവാസി രവികിരൺ റാവു (29), കാസർകോട്​ അഡൂർ സ്വദേശി ശ്രീനിവാസ പാടില്ലായ (36) എന്നിവരും മണ്ണിനടിയിൽപെട്ടിരുന്നു. ഇവരുടെ മൃതദേഹത്തിനുവേണ്ടി തിരച്ചിൽ തുടരുകയാണ്​. അപകടദിവസം മുതൽതന്നെ സ്​ഥലത്തുള്ള മന്ത്രി സോമണ്ണ, നാരായണ ആചാരിയുടെ സംസ്​കാര ചടങ്ങിൽ പ​െങ്കടുത്തു.