കൊലപാതകത്തി​െൻറ ഞെട്ടലിൽ പൊതുവാച്ചേരി

കൊലപാതകത്തി​ൻെറ ഞെട്ടലിൽ പൊതുവാച്ചേരിചക്കരക്കല്ല്​: കഴിഞ്ഞദിവസം കാണാതായ യുവാവി​ൻെറ മൃതദേഹം ചാക്കിൽകെട്ടിയ നിലയിൽ കനാലിൽ​ കണ്ടെത്തിയ സംഭവത്തി​ൻെറ ഞെട്ടലിൽ പൊതുവാച്ചേരി. മണിക്കിയിൽ അമ്പലത്തിന് സമീപം കരുണൻ പീടികക്ക്​ മുൻവശത്തുള്ള കനാലിൽ ചാക്കിൽകെട്ടി തൂക്കിയ നിലയിൽ മൃതദേഹം കണ്ടെത്തിയതറിഞ്ഞതോടെ നിരവധിപേരാണ്​ തടിച്ചുകൂടിയത്​​. നാലുദിവസം മുമ്പ്​ കാണാതായ ചക്കരക്കല്ല്​ സ്വദേശി പ്രജീഷി​ൻെറ (32) മൃതദേഹമാണ്​ കണ്ടെത്തിയതെന്ന്​ അറിഞ്ഞോടെ കൊലപാതകമാണെന്ന സംശയം ബലപ്പെടുകയായിരുന്നു. മരം മോഷണക്കേസിൽ പൊലീസിന് വിവരങ്ങൾ നൽകിയതിന്​ പിന്നാലെയാണ്​ പ്രജീഷിനെ കാണാതാവുന്നത്​. കൊലപാതകത്തിനുപിന്നിൽ തേക്കുമരം മോഷണക്കേസിലെ പ്രതികളാണെന്ന സൂചന പൊലീസ് അറിയിച്ചതോടെ ക്രൂരകൃത്യത്തി​ൻെറ ഞെട്ടലിലാണ്​ പ്രദേശം. നേരത്തെ നടന്ന മരം മോഷണക്കേസിലെ സംഭവവുമായി ബന്ധപ്പെട്ട വൈരാഗ്യമാണ് മൃഗീയമായ കൊലപാതകത്തിലേക്ക് പ്രതികളെ നയിച്ചത്. മൗവ്വഞ്ചേരി സ്വദേശിയുടെ നാലുലക്ഷം രൂപയുടെ മരു ഉരുപ്പടികൾ മോഷണം പോയതുമായി ബന്ധപ്പെട്ട്​ ഉടമ ചക്കരക്കല്ല് പൊലീസിൽ പരാതി നൽകിയിരുന്നു. അന്വേഷണത്തിൽ പ്രജീഷിനെയും പൊലീസ് ചോദ്യം ചെയ്തിരുന്നു.റിമാൻഡിലായശേഷം പുറത്തിറങ്ങിയ പ്രതികൾ, നിരവധി തവണ പ്രജീഷിനെ കൊലപ്പെടുത്തുമെന്ന് ഭീഷണിപ്പെടുത്തിയതായി സുഹൃത്തുക്കളും നാട്ടുകാരും പറഞ്ഞു. ഈ മാസം 19ന് രാവിലെ മുതൽ പ്രിജീഷിനെ കാണാനില്ലെന്നുപറഞ്ഞ് ബന്ധുക്കൾ ചക്കരക്കല്ല്​ പൊലീസിൽ പരാതി നൽകിയിരുന്നു. പരാതിയുടെ അടിസ്ഥാനത്തിൽ അന്വേഷണം ആരംഭിച്ചു. അന്വേഷണത്തിനിടെ ഞായറാഴ്ച, പ്രജീഷ് ഉപയോഗിച്ചിരുന്ന ചെരിപ്പ് കുട്ടിക്കുന്നുമ്മൽ മെട്ടക്ക് സമീപത്തെ ആളൊഴിഞ്ഞ പറമ്പിൽനിന്ന് കണ്ടെത്തിയതോടെ ഡോഗ് സ്ക്വാഡും പൊലീസും അന്വേഷണം ഊർജിതമാക്കി. തിങ്കളാഴ്ച രാവിലെയോടെ പൂർണമായും ചുരുട്ടിക്കൂട്ടിയ പ്രജീഷി​ൻെറ മൃതദേഹം പൊലീസ് കണ്ടെത്തുകയായിരുന്നു. കൊല നടത്തിയ പ്രതികളെ തിരിച്ചറിഞ്ഞതായും മോഷണക്കേസിൽ പ്രതികളെക്കുറിച്ച് വിവരം നൽകിയതാണ് കൊലപാതകത്തിലേക്ക് നയിച്ചതെന്ന് കരുതുന്നതായും കണ്ണൂർ അസി. കമീഷണർ പി.പി. സദാനന്ദൻ പറഞ്ഞു. photo: pothuvachery crowd പൊതുവാച്ചേരിയിൽ മൃതദേഹം കണ്ടെത്തിയതിനെത്തുടർന്ന് തടിച്ചുകൂടിയവർ