ഉന്നത വിജയികളെ ആദരിച്ചു

ഉന്നത വിജയികളെ ആദരിച്ചുപടം....ADARAV 2021 CITY... കൊടപ്പറമ്പ് മഹല്ല്​ കമ്മിറ്റിയുടെ ആഭിമുഖ്യത്തിൽ മഹല്ല്​ പരിധിയിലെ ഉന്നത വിജയികളെ ആദരിക്കൽ ചടങ്ങ് 'ആദരവ് 2021' കോർപറേഷൻ മേയർ അഡ്വ. ടി.ഒ. മോഹനൻ ഉദ്​ഘാടനം ചെയ്യുന്നു h3 കണ്ണൂർ സിറ്റി: കൊടപ്പറമ്പ് മഹല്ല്​ കമ്മിറ്റിയുടെ ആഭിമുഖ്യത്തിൽ മഹല്ല്​ പരിധിയിൽ നിന്ന്​ എസ്.എസ്.എൽ.സി, ഹയർ സെക്കൻഡറി, സി.ബി.എസ്.ഇ, ഐ.സി.എസ്.സി പരീക്ഷകളിൽ ഉന്നത വിജയം നേടിയ നൂറോളം വിദ്യാർഥികളെയും ഹിഫ്ള് പൂർത്തിയാക്കിയ കുട്ടിയെയും ആദരിച്ചു. 'ആദരവ് 2021'എന്ന പേരിൽ നടത്തിയ പരിപാടി കോർപറേഷൻ മേയർ അഡ്വ.ടി.ഒ. മോഹനൻ ഉദ്​ഘാടനം ചെയ്​തു. മഹല്ല്​ കമ്മിറ്റി പ്രസിഡൻറ്​ മുനീർ ഹാജി അധ്യക്ഷത വഹിച്ചു. ഡെപ്യൂട്ടി മേയർ കെ. ഷബീന ടീച്ചർ എസ്.എസ്.എൽ.സി വിദ്യാർഥികൾക്കുള്ള ഉപഹാരങ്ങൾ വിതരണം ചെയ്​തു. കോർപറേഷൻ കൗൺസിലർമാരായ മുസ്​ലിഹ് മഠത്തിൽ, അഷ്റഫ് ചിറ്റുള്ളി, മഹല്ല്​ കമ്മിറ്റി സെക്രട്ടറി അബൂബക്കർ ഹാജി, പി.കെ. റയീസ്, കെ. ഉസ്​മാൻ, റസൽ, ഹാരിഫ്​ പാലോട്ട്, നസീർ അറക്കകത്ത്, സാജിദ്, അസീം മുബാറക്, ഷഹീൻ, കെ.വി. റസിയ എന്നിവർ സംസാരിച്ചു. പി.കെ. സമീർ മാസ്​റ്റർ, കാലിക്കറ്റ് യൂനിവേഴ്​സിറ്റി റിസർച്​ സ്​റ്റുഡൻറ്​ സി.പി. മനാഫ് മാസ്​റ്റർ എന്നിവർ മോട്ടിവേഷൻ ക്ലാസ് നൽകി. ടി.കെ. നൗഷാദ് സ്വാഗതം പറഞ്ഞു.