മോഷണം നടന്ന വീടിന് സമീപത്തെ വീട്ടിൽ മോഷണശ്രമം

ചക്കരക്കല്ല്: വീടി​ൻെറ പൂട്ടുതകർത്ത് മോഷണ ശ്രമം. കണയന്നൂരിലെ മസ്നാസ് ഹൗസിൽ മജീദി​ൻെറ വീട്ടിലാണ് മോഷണശ്രമം നടന്നത്. മജീദി​ൻെറ അയൽവാസിയായ കണയന്നൂർ മൂലേരി ഹൗസിലെ ഖദീജയുടെ വീട്ടിൽ ഞായറാഴ്ച മോഷണം നടന്നിരുന്നു. വീട്ടി​ൻെറ പൂട്ടുതകർത്ത മോഷ്​ടാക്കൾ രണ്ടുപവൻ സ്വർണാഭരണങ്ങൾ മോഷ്​ടിക്കുകയും ചെയ്തു. മജീദി​ൻെറ വീടി​ൻെറ മുൻവശത്തെ പൂട്ടും വാതിലും തകർത്താണ് മോഷണശ്രമം നടത്തിയത്. തിങ്കളാഴ്ച രാവിലെ മദ്​റസ കഴിഞ്ഞ് വരുകയായിരുന്ന വിദ്യാർഥികളാണ് മുൻവശത്തെ ഗ്രിൽസി​ൻെറ പൂട്ട് മാറ്റിയ നിലയിൽ കണ്ടത്. ഉടൻ സമീപത്തെ കടക്കാരനെയും വീട്ടുകാരെയും അറിയിക്കുകയായിരുന്നു. ചക്കരക്കല്ല്​ പൊലീസ് സംഘം സ്ഥലത്തെത്തി പരിശോധന നടത്തി. വിരലടയാള വിദഗ്ധരും സംഭവസ്ഥലത്തെത്തി. CKL: Moshanam 3 cap: മോഷണശ്രമം നടന്ന വീട്ടിൽ വിരലടയാള വിദഗ്​ധർ പരിശോധന നടത്തുന്നു