ലഹരി ഉൽപന്നങ്ങളുമായി യുവാവ് അറസ്​റ്റിൽ

തലശ്ശേരി: മാരക ലഹരി ഉൽപന്നമായ എം.ഡി.എം.എയും കഞ്ചാവുമായി കാറിൽ വിൽപനക്കെത്തിയ യുവാവ് അറസ്​റ്റിൽ. ഉളിയിൽ മജ്​ലിസിന് സമീപം സാജിറ മൻസിലിൽ പി.കെ. റഹീസിനെയാണ് ​(31) പിണറായി റേഞ്ച് അസി. എക്സൈസ് ഇൻസ്പെക്ടർ എം.പി. പ്രമോദും പാർട്ടിയും അറസ്​റ്റ്​ ചെയ്തത്. അഞ്ചരക്കണ്ടിയിൽ നടത്തിയ വാഹന പരിശോധനക്കിടയിലാണ് യുവാവ് പിടിയിലായത്. വിൽപനക്കായി കൊണ്ടുപോകുന്ന 0.250 ഗ്രാം എം.ഡി.എം.എ, 15 ഗ്രാം കഞ്ചാവ് എന്നിവ യുവാവിൽനിന്നും കണ്ടെടുത്തു. എൻ.ഡി.പി.എസ് ആക്ട് പ്രകാരം ഇയാൾക്കെതിരെ കേസെടുത്തു. അഞ്ചരക്കണ്ടി മെഡിക്കൽ കോളജിലെയും ജില്ലയിലെ മറ്റ് മെഡിക്കൽ സ്ഥാപനങ്ങളിലെയും വിദ്യാർഥികൾക്കും ഇത്തരം മാരക ലഹരി ഉൽപന്നങ്ങൾ എത്തിച്ചുകൊടുക്കുന്ന റാക്കറ്റിലെ പ്രധാന കണ്ണിയാണെന്ന് ചോദ്യം ചെയ്യലിൽ പ്രതി സമ്മതിച്ചതായി എക്സൈസ് പാർട്ടി പറഞ്ഞു. പ്രിവൻറിവ് ഓഫിസർ നിസാർ കൂലോത്ത്, പ്രിവൻറിവ് ഓഫിസർമാരായ ഷാജി, ഷനിത്ത് രാജ്, സിവിൽ ഓഫിസർമാരായ ബൈജേഷ്, എം.കെ. സുമേഷ്, രജീഷ് രവീന്ദ്രൻ, ഷൈനി, എക്സൈസ് ഡ്രൈവർ സുകേഷ് എന്നിവർ പിടികൂടിയ സംഘത്തിൽ ഉണ്ടായിരുന്നു. പടം ......RAHEES