രക്ഷാപ്രവർത്തകർക്ക് ആദരം

തലശ്ശേരി: ചിറയിൽ കുളിക്കാനിറങ്ങി അബദ്ധത്തിൽ മുങ്ങിപ്പോയ സ്ത്രീയെ രക്ഷിച്ച അക്വാറ്റിക് ക്ലബ് പ്രവർത്തകർക്ക് ആദരം. കതിരൂർ ഉക്കാസ്മൊട്ട പി. കൃഷ്ണപിള്ള സ്മാരക സാംസ്കാരിക കേന്ദ്രത്തി​ൻെറ ആഭിമുഖ്യത്തിലാണ് ഒമ്പത് പേരെ ആദരിച്ചത്. ജില്ല പഞ്ചായത്ത് പ്രസിഡൻറ്​ പി.പി. ദിവ്യ ഉദ്ഘാടനം ചെയ്തു. വാർഡ് മെംബർ കെ.പി. റംസീന അധ്യക്ഷത വഹിച്ചു. സാംസ്കാരിക കേന്ദ്രം സെക്രട്ടറി കെ.പി. സജിത്ത്, വി. പത്മനാഭൻ, സി.പി. നിഖിൽ എന്നിവർ സംസാരിച്ചു. കതിരൂർ അക്വാറ്റിക് ക്ലബ് പ്രവർത്തകരായ സി.വി. പ്രകാശൻ, പി.വി. ഋഷികേശൻ, കെ.എം. റീന, സി. സുനിൽകുമാർ, എം.കെ. സരുൺ, ഇ. വിജയൻ, പി.കെ. ദീപക്, സി.സി. റിജേഷ് എന്നിവരാണ് ആദരവ് ഏറ്റുവാങ്ങിയത്. പടം..... ചിറയിൽ മുങ്ങിയ സ്ത്രീയെ രക്ഷിച്ച കതിരൂർ അക്വാറ്റിക് ക്ലബ് പ്രവർത്തകർക്ക് ജില്ല പഞ്ചായത്ത് പ്രസിഡൻറ്​ പി.പി. ദിവ്യ ഉപഹാരം നൽകുന്നു