ഒറ്റ നമ്പര്‍ ചൂതാട്ടം: രണ്ടുപേര്‍ അറസ്​റ്റില്‍

കണ്ണൂര്‍: ലോട്ടറിയുടെ മറവില്‍ ഒറ്റനമ്പര്‍ ചൂതാട്ടം നടത്തിയ രണ്ടു പേര്‍ അറസ്​റ്റില്‍. ചെറുകുന്ന് സ്വദേശിയും കണ്ണൂര്‍ സിറ്റിയില്‍ താമസക്കാരുമായ എം.കെ. ഹൗസില്‍ നൗഷാദ് (48), ചെറുകുന്ന് ചിടങ്ങില്‍ വളപ്പില്‍ പീടികയില്‍ ഹൗസിൽ വി.പി. സഹീദ് (50) എന്നിവരാണ് അറസ്​റ്റിലായത്. പ്രതികളില്‍നിന്ന്​ ഒറ്റനമ്പര്‍ ചൂതാട്ടത്തിന് നമ്പര്‍ കുറിച്ചിടാന്‍ ഉപയോഗിച്ച രണ്ടു നോട്ടുബുക്കുകളും ഇടപാടുകാരുടെ പേരുവിവരങ്ങള്‍ സൂക്ഷിച്ച കവറും 5500 രൂപയും കണ്ടെടുത്തു. ഇരുചക്ര വാഹനങ്ങളില്‍ മൊബെല്‍ ഫോണ്‍ വഴി ഇടപാട്​ നടത്തുമ്പോഴാണ് ഇവര്‍ പിടിയിലായത്. റെയിൽവേ സ്​റ്റേഷന്‍ പരിസരത്താണ് ഇരുവരെയും പിടികൂടിയത്.